بتاع: مفردها بَتَعَ أي اشتد عنقه أو مفاصله فهو أبتع. وبتع بأمره أي انفرد به، والباتع (س) القوي الواصل وتستعمل عامة في الأولياء الصالحين فيقولون (س) الولي سرو باتع أي مؤكد وواصل وذو تأثير. والباتع (س) البالغ المكتمل.

قال ودسوركتي:
هناك سعد ولداً بَتَاعَا. وتجمع على بُتَّاع (س)

وقال الهنباتي:

جَبَدُهِنْ كَرَه شَدُّهِن البُتَّاع

وبتاعة (س) جمع باتع. بتاع: ما يخص الإنسان وهي في الأصل متاع وقلبت الميم باء، وهي مستعملة في كثير من اللهجات العربية.
بتاعَة: سوء الخلق.

قال الرباطابي:

ياناس الريدة كلها مو بتاعة

وقال الفرَّاش في جمله:

قعود اللّيرياب لامِّي البتاعة
وقال يهجو الجارية الدون:

لامَّة العربدة ولامَّة البتاعة

وقال الجعلي:

إنْ جَلَسَنْ معاك قلة أدب وبتاعة.