ﺩﻳﻔﺔ ﺍﻟﻴﺎﺯﻣﺎﻥ ﺭﺿﺎ ﺑﺎﻟﻘﻤﺎﺡ ﻗﻨﺎﺻﻚ
ﻻ ﺑﻬﺠﺲ ﻭﻻ ﺑﻀﻮﻕ ﺍﻟﻐﻤﻴﺪ ﺟﺴﺎﺳﻚ
ﻓﻲ ﺍﻟﺰﻣﻦ ﺍﻟﻘﺒﻴﻞ ﻋﺎﺟﺒﺎﻧﻲ ﻗﻮﺓ ﺭﺍﺳﻚ
ﺷﻦ ﻣﻌﻨﺎﻙ ﺑﻘﻴﺘﻲ ﺷﺪﻳﺮﺓ ﻟﻲ ﻣﻨﻘﺎﺳﻚ
@@@@@@@@@@@@@
ﺩﻳﻔﺔ ﺍﻟﻴﺎﺯﻣﺎﻥ ﺟﻴﻦ ﺑﻴﻦ ﻗﻨﻴﺺ ﻭﻗﻨﻮﺑﺔ
ﺳﻠﻤﻦ ﻣﻦ ﻃﻌﻦ ﻃﺒﻴﺰﺓ ﺍﻟﺒﺮﺟﻮﺑﺔ
ﺍﻟﺼﺒﺎ ﻭﺍﻟﺠﻤﺎﻝ ﺍﻟﺒﺎﻗﻲ ﻣﻮ ﻗﺸﺮﻭﺑﺔ
ﻣﺘﻮﺍﺭﺛﺎﻫﻮ ﻣﻦ ﺣﺒﻮﺑﺔ ﻟﻲ ﺣﺒﻮﺑﺔ
####@@@@@@
ﺩﻳﻔﺔ ﺍﻟﻴﺎﺯﻣﺎﻥ ﺟﻔﻠﻦ ﻋﻠﻰ ﺑﺎﻧﻘﻮﻗﺔ
ﺩﻓﻘﻮﺍ ﺍﻟﺸﺎﻫﻲ ﺻﺮﻑ ﻓﻮﻕ ﻋﻘﻠﺘﺔ ﺍﻟﻤﺸﻮﻗﺔ
ﻛﺎﻥ ﻳﺎ ﺍﻟﻠﻴﻞ ﻋﻠﻰ ﻗﻴﺪ ﺍﻟﺤﻴﺎﺓ ﻭﺩ ﺩﻭﻗﺔ
ﻧﻤﺎ ﻣﻮ ﻣﻠﺘﻖ ﻛﺎﻥ ﺑﺠﺪﻋﻮﺍ ﻓﻮﻗﺎ
############@@@@@@
ﺩﻳﻔﺔ ﺍﻟﻴﺎﺯﻣﺎﻥ ﻗﺒﻞ ﺍﻟﺮﺿﻴﻢ ﺗﺘﺎﻗﺔ
ﻓﻴﻬﺎ ﺧﻤﺴﺔ ﺣﺰﻭﺯ ﺷﻮﺭﺗﻴﻦ ﻋﻘﺐ ﺧﻨﺎﻗﺔ
ﺗﻠﺖ ﻭﺑﻜﺖ ﺍﻟﺨﻮﺥ ﺍﻟﻨﻘﺮﺗﻮ ﺩﻗﺎﻗﺔ
ﻓﻮﺗﺎ ﻋﻠﻰ ﺍﻟﺒﻨﺎﺕ ﺗﻤﺮﺓ ﻟﺴﺎﻥ ﻭﺣﺪﺍﻗﺔ
#####@@@@@@
ﺩﻳﻔﺔ ﺍﻟﻴﺎﺯﻣﺎﻥ ﻭﺭﺩﻥ ﻗﺒﻞ ﻛﻠﻜﻮﻝ
ﺟﻔﻠﻦ ﺑﻲ ﺻﻘﻴﻊ ﻭﻛﺖ ﺑﺪﺍﻟﻨﺎ ﺯﻭﻝ
ﻣﺎ ﺑﻤﺴﻚ ﺟﺪﻳﻬﻦ ﺧﻴﻞ ﻭﻻ ﺯﻫﻤﻮﻝ
ﻫﺒﺮﺕ ﻛﻔﺘﻲ ﻭﺳﺎﻛﺖ ﻗﻌﺪﺕ ﻓﻲ ﺫﻫﻮﻝ
@@@@@@@@@@@
ﺑﺖ ﺍﻟﺒﻲ ﺳﺮﺏ ﻗﻨﺎﺻﻲ ﻣﺎﻧﺸﺎﻫﻦ
ﻣﺮﻗﺖ ﻣﻦ ﻛﻼﺏ ﺍﻟﺒﻲ ﺍﻟﺸﺮﻉ ﻭﺷﺎﻫﻦ
ﻣﻦ ﺳﺮﻕ ﺍﻳﺪﻱ ﺟﻴﺰﺍﻥ ﺍﻟﺪﻣﻮﻉ ﺑﺸﺎﻫﻦ
ﺭﻗﺪﻥ ﻓﻲ ﺍﻟﺸﻠﻮﺥ ﻻ ﺍﻟﻨﺎﻓﻠﺔ ﻣﺎﻗﺸﺎﻫﻦ