فكاك شِبكة المعقودة وين ما أنشبكت

سَباك معدن الراكزات محل ما أنسبكت

أخوي ال منو أوصاف الرجولة أرتبكت

أخوي النفسو بي أسمى المعاني أنحبكت

أ

خوي سندي وقفاي يوم أنعصر وأحتاج

أخوي باقيلي عِمة وجِبة ملفح وتاج

أخوي الخاتي من عوجة ونقِص وإحراج

أخوي البستر المكشوفة أخوي أب عاج

أخوي ريدي وهواي جوه الفؤاد متحكِر

قدر ما أنسى واجب بلقى أخوي متذكِر

أخوي نبض القلب عقلي السليم وبفكِر

أخويا حروفي فيك ممحوقة حد ما أشكِر..