براق المشابك لم سحابو و كرا
اخد الليل و باكر فوق شريط جرا
السيل والغرق منع السعية الفرا
حنتوت ام هبج لبس العمم وانشرا
براقك يشيل ويختف
ماي عفرتك جاري وصبيبو يهتف
يا الريك من الهباك ملوهو تقطف
نيلك زاد وتبرك يا المريا يكتف
استقبل رباك وابل الخريف الماطر
فلح قلبي نسام العبير العاطر
عشان ريدتك نجازف وبالعزيزه نخاطر
بتكسفنا الظروف مي دايرا تجبر خاطر
سماك حبكو النيل والرعد متماطر
قاام العفرت المتل الجبال متقاطر
انا الفوقي مصيبة ما وجدت مشاطر
عزايا نما ودمعا للصباح متقاطر
العجمية من بحر المحيط انجرت
يوميييين بالسيول قارع النعم ما فرت
بطانة اب سن رمت توب الحزن وانسرت
اللبل حاشن الكتره وعجوفن درت