قال العاقب ود موسى ود بليلة:
كُلْ مَا حَيْ بِيِكْبَرْ إلا البُطَانة صَغيرة
وُكُلْ مَاكَبْ هَطِيل بِيجَدِّدُولْهَا حَرِيرَة
السَّارْيَة التَّجَوِّدْ فِي المَهَاوِي كَرِيرَة
رُوسَ اللَّبْلَبَ اَبْ كِيعَان مِسَاهُو ضَرِيرَة
وقال آخر:
افا للرزايل حاشا ما بدنو 
الجار والعشير دايما عليهو بحنو 
قراف الصقور من الكباد شابعنو 
نشرب صافي والغيرنا بي الكدر ساقينو
حسان وابعلي واب سن حدار الجار
كاتلين عز مكوك كم بردوها الدار
من الهايكوته لي بلد ابو قنا وصغار
ما خلوها نية تتقلب للنار
نحن الود لبونا بشيل حمول النائب
تصرم عندنا القحية البصيبها الصائب
نحن اولاد شكير جور نالنا كلو نقائب
ديمة نلولي في المحن الكبار وغرايب
وقال ود عبشبيش:
بندق فيك نحاساً من قديم راجينا
فيه خيولنا عارضات كيه للمابينا
كان ما تجرتقك دماً علوجه سمينة
لا تجيبي لنا حنتوت يا ام هواياً زينة
***
حليل اهلك حليل البردوك قبيل
داهجين المقادير بي مرور الخيل
قبال التصاويت والبهادل ديل
ما شافو الاضافر في جوامع السيل