أخوي ترياق سموم حلّالْ كروبي و هَمّيْ
أخوي الفي العروق ريدتو بتسيل في دمي
أخوي المرفعين بيعرف جعيري و نَمّيْ
أخوي عكازي وكتين يا مِحَنْ تتلمّيْ
……
أخوي من تَبَّ قام معروف كريم أجواد
أخويَ بيضبح الشايله و بيدي الزاد
أخوي زينة الفريق نوارة الأولاد
أخويَ كلامو بلسم و في الخِلوُقْ بيتراد
……..
أخوي كل النضم مابيوفي فضل أفعالو
أخوي جبل الذهب منو المساكين كالو
أخوي إن كُنتَ حفيان ليك بيجود بي نعالو
أخوي وقت الدواس تخشي الاسود لي نِزالو
اضف تعليقا