ﺍﺧﻮﻙ ﺍﻻﺻﻠﻲ ﻟﻲ ﺭﺩ ﺍﻟﺠﻤﻴﻞ ﻣﺎ ﺑﻌﺎﻳن
ﻭﻳﻮﻡ ﺍﻟﺤﺎﺭﻩ ﻗﺒﻞ ﺗﻨﺎﺩﻱ ﻇﺎﻫﺮ ﻭﺑﺎﻳﻦ
ﻗﻠﺒﻲ ﻣﻜﺠﻦ ﺍﻟﺰﻭﻝ ﺍﻟﺨﺴﻴﺲ ﻭﺍﻟﺨﺎﻳﻦ
ﻭﺍﻟﺮﺍﺟﻞ ﺍﻟﺒﻤﺸﻨﻮ ﺍﻟﺤﺮﻳﻢ ﺑﻲ ﺭﺍﻳﻦ
ﻣﺎ ﺑﺮﻳﺤﻨﻲ ﺯﻭﻝ ﻟﻲ ﺿﻴﻮﻓﻮ ﻛﺸﺸﺮ ﻭﺻﺮﻩ
ﻭﻡ ﺑﺒﺮﺍﻧﻲ ﻧﻘﺎﻝ ﺍﻟﻜﻼﻡ ﺑﺎﻟﻤﺮﻩ
ﺍﻟﻨﻲ ﻭﺍﻟﺒﺨﻮﻥ ﺍﺻﺤﺎﺑﻮ ﻭﺍﻟﺒﻐﺘﺮﻩ
ﺩﻳﻞ ﺍﻧﺎ ﺑﻜﺮﻫﻦ ﻣﻦ ﻋﺮﻓﺘﻦ ﺑﺘﺒﺮﻩ
ﺍﻧﺎ ﺧﺎﻭﻳﺖ ﺭﺟﺎﻻ ﻛﻠﻬﻢ ﻓﺮﺍﺱ
ﻣﻨﻘﻮﺩﻳﻦ ﻧﻘﺪ ﻣﻦ ﻛﺎﻓﺔ ﺍﻻﺟﻨﺎﺱ
ﻳﻮﻡ ﺍﻟﻜﻮﻉ ﺇﺣﺮ ﺳﺎﻋﺔ ﺍﻟﺮﺟﺎﻝ ﺗﻨﻘﺎﺱ
ﻛﻼﻣﻦ ﺑﺒﻘﻰ ﺑﺎﻟﺴﻴﻒ ﻭﺍﻟﻠﻔﺦ ﻓﻲ ﺍﻟﺮﺍﺱ
ﺧﻮﺍﻧﻲ ﺍﻟﺒﻌﺎﻓﻮ ﺍﻟﻤﻨﻜﺮﺍﺕ ﻭﺍﺷﺒﺎﻫﻪ
ﻓﻴﻬﻦ ﻗﻮﻩ ﻃﻴﺒﻪ ﻭﺧﻮﻩ ﺟﻮﺩ ﻭﻧﺒﺎﻫﻪ
ﺭﺟﺎﻻً ﻋﺎﻟﻴﻪ ﺑﻲ ﻓﻮﻕ ﺍﻟﺜﺮﻳﺎ ﺟﺒﺎﻫﻪ
ﺑﻔﺨﺮ ﻭﺍﻓﺘﺨﺮ ﺑﻲ ﺧﻮﺗﻦ ﻭﺍﺗﺒﺎﻫﻪ
ﻋﻨﺪﻱ ﺭﻓﻴﻖ ﻣﻌﺰﺯ ﻭﺍﻟﻜﺮﻡ ﻣﻦ ﺷﻴﻤﺘﻮ
ﻋﺸﺮﻳﻦ ﺣﻠﻪ ﺗﺸﺒﻊ ﺑﺎﻟﻜﺒﺎﺩ ﻓﻲ ﻭﻟﻴﻤﺘﻮ
ﻣﺎ ﺑﺒﺎﺭﻱ ﺍﻟﺴﻔﻴﻪ ﻭﺍﻟﻼﻓﻲ ﺑﻴﻬﺎ ﻧﻤﻴﻤﺘﻮ
ﺯﻱ ﺍﻟﻤﺎﺱ ﺍﺧﻮﻱ ﻳﻮﻣﺎﺗﻲ ﺑﺘﺰﻳﺪ ﻗﻴﻤﺘﻮ
ﺭﻓﻴﻘﻮ ﺑﺸﻴﻠﻮ ﻓﻮﻕ ﺍﻟﺮﺍﺱ ﻭﻣﺎ ﺑﻤﻜُﺮﺑﻮ
ﺍﻻ ﺍﻥ ﺣﺴﻪ ﻓﻴﻬﻮ ﺍﻟﺮﺧﻮﻩ ﺑﻤﺸﻲ ﻳﻜُﺮﺑﻮ
ﺍﻥ ﻫﺎﺝ ﻣﻨﻮ ﺭﻫﺒﻪ ﻋﺪﻭﻫﻮ ﻣﺎ ﺑﻜﻮﻥ ﻗُﺮﺑﻮ
ﺍﺳﺪﺍً ﺑﻜﺘﻞ ﺍﻟﺰﻭﻝ ﺧﻠﻌﻪ ﻗﺒﻞ ﻳﻀﺮﺑﻮ
ﻓﻲ ﺍﻟﺪﻧﻴﺎ ﺍﻟﻤﺒﺪﻟﻪ ﻛﻞ ﻳﻮﻡ ﺍﺣﻮﺍﻟﻪ
ﻗﻴﻤﺔ ﺍﻟﻨﺎﺱ ﺑﻘﺖ ﺑﻲ ﺳﻠﻄﺘﻪ ﻭﺍﻣﻮﺍﻟﻪ
ﻓﻴﻬﺎ ﻣﻜﺠﻦ ﺍﻟﻘﺎﻫﺮﻩ ﺍﻟﻤﻨﺎﺑﺬﻩ ﺍﺧﻮﺍﻟﻪ
ﻭﺍﻟﺮﺍﺟﻞ ﺍﻟﺒﻘﺖ ﻫﻤﻮ ﻭﺷﻐﻠﺘﻮ ﻗﻮﺍﻟﻪ
ﺧﺎﻭﻳﺖ ﺍﻟﺒﻔﺘﺘﺢ ﻟﻠﻤﺴﺎﻛﻴﻦ ﺑﻴﺘﻮ
ﻭﺧﺎﻭﻳﺖ ﺍﻟﻠﺼﻢ ﺍﻟﻤﺎ ﻛﺘﺮ ﻟﺨﺒﻴﺘﻮ
ﺧﺎﻭﻳﺖ ﺍﻟﺒﺴﺎﻣﺢ ﻛﻠﻤﺎ ﺟﺎﻓﻴﺘﻮ
ﺇﻻ ﺍﻟﺨﻤﻠﻪ ﻣﻦ ﻣﺎ ﻗﻤﺘﻪ ﻣﺎ ﺧﺎﻭﻳﺘﻮ
ﺍﻟﻠﻲ ﻗﺮﻭﺵ ﻧﺴﻲ ﺍﻟﻌﺸﺮﻩ ﻭﺍﺑﺎﻫﺎ ﻭﺳﺎﻣﻚ
ﺍﺑﻌﺪ ﻣﻨﻮ ﻭﺍﻟﺰﻭﻝ ﺍﻟﺒﺪﻧﻲ ﻣﻘﺎﻣﻚ
ﺧﺎﻭﻱ ﺍﻟﺒﻨﺼﺤﻚ ﺑﺎﻟﺮﺍﻱ ﻭﻳﻮﻡ ﻣﺎ ﻻﻣﻚ
ﻗﺒﻞ ﻣﺎ ﺗﻨﺎﺩﻱ ﻟﻠﺤﻮﺑﺎﺕ ﺑﻤﺶ ﻗﺪﺍﻣﻚ
ﻣﺎ ﺗﺨﺎﻭﻱ ﺍﻟﺒﻐﺶ ﻭﺗﺨﻠﻲ ﻣﻦ ﺳﻤﺎﺭﻙ
ﻭﺫﻭ ﺍﻟﻮﺟﻬﻴﻦ ﺑﻀﺎﺣﻜﻚ ﻭﺗﻠﻘﻰ ﻫﻤﻮ ﺩﻣﺎﺭﻙ
ﺧﻠﻴﻚ ﻛﺎﻟﻨﺨﻴﻞ ﺍﻟﻌﺎﻟﻲ ﺑﺎﻧﻲ ﻋﻤﺎﺭﻙ
ﻳﺮﻣﻮﻙ ﺑﺎﻟﺤﺠﺎﺭﻩ ﻭﺇﻧﺖ ﺍﺭﻣﻲ ﺛﻤﺎﺭﻙ
ﻣﺎ ﺗﺒﺎﺭﻱ ﺍﻟﺮﻭﻳﺠﻞ ﺍﻟﻨﻲ ﻭﻋﺎﻃﻞ ﺍﻟﺤﻠﻪ
ﻭﻗﺎﻃﻊ ﺭﺳﻤﻲ ﻟﻠﺰﻭﻝ ﺍﻟﻤﻘﺎﻃﻊ ﺍﻟﻤﻠﻪ
ﺳﺮﻙ ﺩﺳﻮ ﻣﺎ ﺗﻮﺭﻳﺘﺒﻮ ﺻﺎﺣﺐ ﻭﺧﻠﻪ
ﻳﻮﻡ ﺗﺨﺘﻠﻔﻮ ﺑﺒﻘﺎﻟﻚ ﺇﻫﺎﻧﺔ ﻭﺫﻟﻪ
ﻛﺘﻴﺮ ﺍﻟﺸﻜﻠﻮ ﻃﻴﺐ ﻭﻭﺩﻗﺒﻴﻠﻪ ﻭﺣﺮ
ﻋﻴﻞ ﻣﻦ ﺟﻮﺓ ﺣﺎﺳﺪ ﻭﻗﻠﺒﻮ ﻣﻠﻴﺎﻥ ﺿﺮ
ﺍﻟﺮﻳﺤﺎﻥ ﺗﺠﻴﻚ ﺭﺍﻳﺤﺘﻮ ﺣﻠﻮﺓ ﺗﺴﺮ
ﻭﻛﺎﻥ ﺟﺮﺑﺘﻮ ﺑﻲ ﻟﺴﺎﻧﻚ ﺑﺘﻠﻘﺎﻭ ﻣﺮ
ﺳﻤﺢ ﺍﻟﺰﻭﻝ ﻳﻜﻮﻥ ﺍﺟﻮﺍﺩ ﻭﺻﺎﻓﻲ ﺳﺮﻳﺮﻩ
ﻭﺳﻤﺢ ﺍﻟﺒﻔﻘﺪ ﺍﻻﺧﻮﺍﻥ ﻭ ﻳﻌﺎﻣﻞ ﺍﻟﺠﻴﺮ
ﻣﻬﻤﺎ ﺣﻴﺎﺗﻨﺎ ﻃﺎﻟﺖ ﻭﻻ ﻟﻴﻨﺎ ﻗﺼﻴﺮﻩ
ﺍﻻﻋﻤﺎﺭ ﺑﺘﻜﻤﻞ ﻭﺍﻟﺒﺘﺒﻘﻰ ﺍﻟﺴﻴﺮﻩ
ﺍﻟﻠﻲ ﻣﺎﺩﻩ ﻭﺍﻗﻊ ﻟﻠﺮﺟﺎﻝ ﻣﺬﻟﻮﻝ
ﺑﺒﻘﻰ ﺩﻻﻫﺔ ﺳﺎﻛﺖ ﻭﺑﻨﺴﻔﻪ ﻓﻲ ﺍﻟﻘﻮﻝ
ﻣﻜﺎﻧﺘﻚ ﺍﺣﻔﻈﺎ ﻭﺧﻠﻴﻚ ﺩﻭﺍﻡ ﻣﺴﺆﻭﻝ
ﺍﻟﻐﻨﺎ ﻭﺍﻟﻔﻘﺮ ﻋﻨﺪ ﺍﻟﻠﻪ ﻣﺎ ﻋﻨﺪ ﺯﻭﻝ
ﺻﺎﺣﺒﻚ ﻟﻮ ﺳﻔﻴﻪ ﻭﻣﻊ ﺍﻟﻘﻴﻢ ﻣﺘﻨﺎﻓﻲ
ﻣﺎ ﺗﺒﺎﺭﻳﻬﻮ ﻗﻂ ﻟﻜﻦ ﻛﻤﺎﻥ ﻣﺎ ﺗﺠﺎﻓﻲ
ﻳﻤﻜﻦ ﺗﻬﺪﻱ ﻭﺍﻟﺨﻴﺮ ﻣﻨﻮ ﻳﻤﺮﻕ ﻛﺎﻓﻲ
ﺷﻮﻑ ﺣﺘﻰ ﺍﻟﻌﻘﺎﺭﺏ ﻓﻴﻬﺎ ﺑﻠﺴﻢ ﺷﺎﻓﻲ
ﺳﻤﺤﻪ ﺍﻟﻤﻦ ﻭﻟﻴﻬﺎ ﻭﻣﻦ ﻓﻀﻴﺤﺘﻮ ﺗﺨﺎﻑ
ﺳﻤﺤﻪ ﺍﻟﻔﻮﻗﻪ ﻋﺰﻩ ﻭﺗﻮﺏ ﻭﻗﺎﺭ ﻭﻋﻔﺎﻑ
ﻗﻮﻝ ﻟﻠﻤﺘﺒﺮﺟﺎﺕ ﻭﺍﻟﺒﻠﺒﺴﻦ ﺷﻔﺎﻑ
ﺍﻟﻘﺪﺡ ﺍﻟﺒﻀﻮﻗﻨﻮ ﺍﻟﻜﻼﺏ ﺑﻨﻌﺎﻑ
ﺍﻟﺸﺮ ﺷﺮ ﻭﺣﺘﻰ ﺇﻥ ﻣﺎﺕ ﺑﺘﺒﻘﻲ ﺭﻭﺍﺳﺒﻮ
ﻭﺍﻟﻤﺮﻩ ﻋﺰﻫﺎ ﺍﻟﻮﻟﻴﺎﻥ ﻭﻟﻴﻬﺎ ﻳﺤﺎﺳﺒﻮ
ﺍﻟﻬﻤﻞ ﻋﺮﻭﺿﻮ ﻭﻫﻤﻮ ﻛﻠﻮ ﻣﻜﺎﺳﺒﻮ
ﻟﻮ ﻛﻤﻠﻦ ﺣﺮﻳﻢ ﺍﻟﺪﻧﻴﺎ ﺟﺖ ﻣﺎ ﺗﻨﺎﺳﺒﻮ
ﻟﻮ ﺩﺍﻳﺮ ﺣﻴﺎﺗﻚ ﺗﺒﻘﻰ ﺑﺎﻟﺨﻴﺮ ﺭﺍﻓﻠﻪ
ﺻﻮﻡ ﻭﺇﺗﺰﻛﻲ ﻗﻴﻢ ﺍﻟﻠﻴﻞ ﻭﺯﻳﺪ ﺍﻟﻨﺎﻓﻠﻪ
ﻗﻮﻝ ﻟﻠﺒﻌﺼﻮ ﻭﺍﻟﻨﺎﺱ ﺍﻟﺒﻌﻴﺪﻩ ﻭﻏﺎﻓﻠﻪ
ﺍﺑﻮﺍﺏ ﺭﺣﻤﺔ ﺍﻟﻤﻮﻟﻰ ﺍﻟﻜﺮﻳﻢ ﻣﺎ ﻗﺎﻓﻠﻪ
ﻭﻋﻚ ﺗﺒﻘﻰ ﻟﻠﻔﺎﺭﻏﺎﺕ ﺩﻭﺍﻡ ﻣﺘﺸﺒﺢ
ﻭﻧﻔﺴﻚ ﻫﻴﻨﺔ ﻣﻦ ﺑﺎﺏ ﺍﻟﺘﻮﺍﺿﻊ ﻭﻗﺒﺢ
ﺇﻥ ﻛﺎﻳﺲ ﺗﺠﺎﺭﺓ” ﻫﺴﻲ ﻟﻴﻚ ﺑﺘﺮﺑﺢ
ﺍﺫﻛﺮ ﻟﻺﻟﻪ ﺑﻲ ﻫﻤﻪ ﺻﻠﻲ ﻭﺳﺒﺢ
ﻧﺎﺳﺎ” ﻗﺎﻃﻌﻮ ﺍﻻﺭﺣﺎﻡ ﻭﺩﻳﻤﻪ ﻣﺸﺎﺗﻤﻪ
ﻧﺎﺳﻴﻦ ﺍﻡ ﻟﻬﺎﻳﺐ ﻭﺍﻟﻘﺒﻮﺭ ﺍﻟﻜﺎﺗﻤﻪ
ﻓﻲ ﺍﻟﺪﻧﻴﺎ ﺍﻟﺒﻘﺖ ﻗﺪﺍﻣﻨﺎ ﺳﻮﺩﺍ ﻭﻋﺎﺗﻤﻪ
ﻳﺎ ﺭﺏ ﻧﻠﻘﻰ ﺭﺿﺎ ﻭﺍﻟﺪﻳﻦ ﻭﺣﺴﻦ ﺍﻟﺨﺎﺗﻤﻪ
ﺍﻟﺼﻼﻩ ﻭﺍﻟﺴﻼﻡ ﺗﺼﻞ ﺍﻟﻨﺒﻲ ﺍﻟﻤﺤﺒﻮﺏ
ﻭﺍﻟﺘﺴﻠﻴﻢ ﻋﺪﺩ ﻣﻦ ﻛﻞ ﺣﺮﻑ ﻣﻜﺘﻮﺏ
ﻣﻦ ﺍﻭﻫﺎﻡ ﻧﻔﺴﻦ ﺍﻟﻘﺸﻄﺘﻨﺎ ﺫﻧﻮﺏ
ﻧﻘﻮﻝ ﻳﺎ ﺍﻟﻠﻪ ﺗﻬﺪﻳﻨﺎ ﻭﻋﻠﻴﻨﺎ ﺗﺘﻮﺏ
53d7o7