بيتاي ودالضوء
كلام يسر الوجدان
اسياد سلطتك يا بطانه حاضر وماضي
هم ابناء اب علي للراضي والمو راضي
كراما” عندهم غرض البجيهم قاضي
ما مرقت حسوسهم في الكلام الفاضي
******
فيك اولاد شكير عرك الدخيل صدامهم
كونو مملكه وكانو الدغم قدامهم
فيكي هسي يالليل كالسيوف اقلامهم
اهلي الماشي لا يوم القيامه كلامهم
*******
فيك يا بطانه ماضينا اب حقايقا” داويه
تاريخ عز ملفات للروائع حاويه
اهلي المن طمع دائما” قلوبهم خاويه
تركو امجاد معجزه للحروف الراويه
*****
فيك تاريخ كبارنا وصورتك اجمل صوره
فيك اخوان عنيبه الفرتقو المحكوره
فيك رمة كرنكه وقصتو المشهوره
فيك دقت نقاقير اب علي المنصوره
****
نحن الفيكي حاضرين يوم وقعت الكاينه
ونحن الفيكي بصدح بالجمال غناينا
نحن الفيك مجندل للتلوب هراينا
ونحن الفيكي اوسع من وطاتك راينا
******
نحن الديمه معروف النصر صالحنا
ونحن عدونا في اليوم الكعب مادحنا
نحن الكل زول عارف تمام مين نحن
نحن معاول الصبر البهد المحنه
*****
نحن الساطعه بالعز والاصاله شمسنا
ونحن مناره في الزمن البجي يهمشنا
نحن الضايقه فرسان الملاقي خمشنا
نحن طميمه في التاريخ قدر ما يشنا
*****
ونحن الفي الحكم ذي الملوك ندول
ونحن جبال شوامخ ثابته ما بتتحول
نحن المن مصائب الدنيا ما بنتهول
نحن اللينا دون العالمين الاول
******
ان جيت في الكرم وافر عطانه
وطوعنا الكلام عربي ورطانه
منو القايل خطاه بتشبه خطانه
ومنو الغيرنا افتخر عندو البطانه
*****
في دنيا العلم ساطع بدرنا
وعن ساعة الغضب واسع صدرنا
نجوم زحل البعاد فوقن قدرنا
وقدر ما يسو دول ماهم قدرنا
******
قايدين بالدهور مانا التبعنا
ووافين للزمم ما قالو بعنا
في دنيا البشر يعجب طبعنا
وماليانا القيم لامن شبعنا
******
فوق ضهر الخيول يعجب مروقنا
وفي العز الرفيع ضاربات عروقنا
سايقين الجميع مين البسوقنا
وسمونا الزعاف كضب البضوقنا
*******
بتشبهنا الاسود ساعة نترنا
وبتهابنا الرجال ضاقت تترنا
بتعرفنا المحن فيه انسترنا
وقايدين بالدهور ما عاد فترنا
ﻣﻦ ﺳﺎﻋﺔ ﺍﺻﻄﻔﻴﺖ ﺳﻴﺪ ﺍﻟﻮﺳﺎﻣﺔ ﻭﺭﺩﺗﻮ
ﻗﻠﺒﻲ ﺃﺳﺘﺒﺪﻝ ﺍﻟﺪﻡ ﺑﺎﻟﻐﺮﺍﻡ ﻓﻲ ﺃﻭﺭﺩﺗﻮ
ﻟﻴﻠﻲ ﺑﻘﺎﺑﻠﻮ ﺑﺎﻟﻨﻢ ﺍﻟﺴﺨﺖ ﺷﺎﺭﺩﺗﻮ
ﻭﺍﻟﺸﻮﻕ ﺍﻟﺒﺘﻨﺰﻝ ﻣﻦ ﻋﺸﻴﺔ ﻭﺭﺩﺗﻮ
×××
ﻳﺎ ﺭﻳﺖ ﻟﻮ ﺑﺘﻨﻔﻊ ﻭﺍﻟﺘﻤﻨﻲ ﺑﻔﻴﺪﻧﻲ
ﺍﻗﻮﻝ ﻳﺎﺭﻳﺖ ﺍﺷﻮﻓﻚ ﻭﺍﻟﺒﺼﻴﺪﻧﻲ ﻳﺼﻴﺪﻧﻲ
ﻳﺎ ﺍﻟﺒﻴﻚ ﺯﺍﺩ ﻫﻴﺎﻣﻲ ﻭﻓﻲ ﺍﻟﻌﺬﺍﺏ ﺑﺘﺬﻳﺪﻧﻲ
ﺍﻋﺮﻑ ﺍﻧﻲ ﺭﺍﻳﺪﻙ ﻭﻣﺎﺿﺮﻭﺭﻱ ﺗﺮﻳﺪﻧﻲ
×××
ﻳﺎ ﺷﻤﺲ ﺍﻷﺻﻴﻞ ﺍﻟﻤﻦ ﻏﻴﻮﻣﻚ ﻣﺎﺭﻗﺔ
ﺍﺫﻧﻚ ﻟﺤﻈﺔ ﻗﺒﻞ ﺗﻮﺩﻋﻴﻨﻲ ﻣﻔﺎﺭﻗﺔ
ﺍﻏﺸﻴﻠﻲ ﺍﻟﻔﺮﺍﻗﻬﻢ ﻧﺎﺭﻭ ﺗﻠﻬﺐ ﺣﺎﺭﻗﺔ
ﺟﻴﺒﻲ ﻣﻌﺎﻙ ﺧﺒﺮﻫﻢ ﻳﻮﻡ ﺗﻘﺒﻠﻲ ﺷﺎﺭﻗﺔ
×××
ﻣﻊ ﻛﺘﺮﺕ ﻣﺸﺎﻛﻠﻲ ﻭﻣﻮﻗﻔﻲ ﺍﻟﻤﻮ ﺟﻴﺪ
ﻳﻈﻞ ﺣﺒﻚ ﻋﻠﻲ ﻛﻞ ﺍﻷﻣﻮﺭ ﻣﺘﺴﻴﺪ
ﻣﺎﺩﺍﻡ ﻇﺮﻓﻲ ﻟﻲ ﻗﺪﻣﻲ ﺍﻟﺒﺘﻤﺸﻲ ﻣﻘﻴﺪ
ﻣﻌﺎﻙ ﺗﻠﻘﻴﻨﻲ ﺑﻲ ﻛﺎﻣﻞ ﺣﻮﺍﺳﻲ ﻣﻌﻴﺪ
×××
ﻛﻼﻡ ﺍﻟﺮﻳﺪﺓ ﻭﺍﻟﺰﻣﻦ ﺍﻟﻠﻘﻴﻨﺎ ﻣﺠﺎﻟﻮ
ﻓﻲ ﺫﺍﻛﺮﺓ ﺩﻣﺎﻏﻚ ﻭﻻ ﺷﺎﻟﻮ ﺍﻟﺸﺎﻟﻮ؟
ﺻﺤﻴﺢ ﺍﻟﻤﺪﺓ ﻃﺎﻟﺖ ﻭﺍﻟﻌﻮﺍﺫﻝ ﻗﺎﻟﻮ
ﻟﻜﻦ ﻋﻨﺪﻱ ﻗﺪﺭﻙ ﻣﺎ ﻧﻘﺺ ﻓﻲ ﺣﺎﻟﻮ
×××
ﺍﻟﻄﻴﺮ ﺍﻟﻤﻬﺎﺟﺮ ﻭﺯﻱ ﻇﺮﻭﻓﻲ ﻇﺮﻭﻓﻮ
ﻟﻴﻚ ﺑﺪﻳﻬﻮ ﻣﺮﺳﺎﻟﻲ ﺍﻟﺤﺰﻳﻨﺔ ﺣﺮﻭﻓﻮ
ﻗﻮﻝ ﻟﻲ ﺍﻟﺒﺎﻛﻲ ﺑﺎﻟﺪﻣﻌﺔ ﺍﻟﺮﻭﻳﺔ ﻭﻟﻮﻓﻮ
ﺑﻜﺮﺍ ﻧﻌﻮﺩ ﻋﻠﻲ ﻭﻃﻨﻮ ﻭﻋﻴﻮﻧﺎ ﺗﺸﻮﻓﻮ
×××
ﻳﺎ ﺍﻟﻤﺎﻟﻚ ﺷﻌﻮﺭﻱ ﻭﻧﻤﻲ ﻓﻮﻗﻚ ﺟﺎﺩﻋﻮ
ﺍﺩﻣﻦ ﻗﻠﺒﻲ ﺣﺒﻚ ﻭﻋﺎﺭﻑ ﺍﻧﻚ ﺧﺎﺩﻋﻮ
ﺑﺒﺪﺍ ﻧﻬﺎﺭﻱ ﺑﻲ ﻋﺸﻢ ﺍﻟﺘﻼﻗﻲ ﻭﺍﻭﺍﺩﻋﻮ
ﻟﻴﻠﻲ ﺑﺤﺎﻛﻲ ﺳﺎﺟﻌﺘﻮ ﻭﺑﻨﺎﺟﻲ ﺿﻔﺎﺩﻋﻮ
×××
ﺭﻏﻢ ﺍﻟﻐﺮﺑﺔ ﻭﺍﻟﻬﻢ ﻣﻦ ﻓﺮﺍﻕ ﺩﻳﺮﺗﻨﺎ
ﺟﺎﺗﻨﺎ ﺍﺷﻮﺍﻕ ﻋﻴﻮﻧﻚ ﻭﻏﻄﺴﺖ ﺟﻴﺮﺗﻨﺎ
ﻳﺎ ﺍﻟﻤﻦ ﺍﻟﻨﺴﻴﻢ ﺑﺘﻜﻮﻥ ﻋﻠﻴﻚ ﻏﻴﺮﺗﻨﺎ
ﻫﻞ ﻃﺎﺭﻳﻨﺎ ﻗﻠﺒﻚ ﻭﻻ ﻓﺎﻙ ﺳﻴﺮﺗﻨﺎ؟؟
×××
ﺣﺒﻞ ﺻﺒﺮﻱ ﺍﻟﻌﻠﻴﻚ ﻓﻲ ﻛﻞ ﻟﺤﻈﻪ ﺑﻤﺪﻭ
ﻟﻴﻚ ﺑﺮﺧﻴﻬﻮ ﺩﺍﻳﻤﺎ ﻭﻟﻲ ﺍﻟﺒﻘﻴﺔ ﺑﺸﺪﻭ
ﻳﺎ ﺍﻟﻤﻨﻚ ﺑﺸﻮﻑ ﻧﺠﻢ ﺍﻟﻨﻬﺎﺭ ﻭﺑﻌﺪﻭ
ﺑﻌﻤﻞ ﻓﻲ ﺍﻟﺒﺠﻴﺒﻚ ﻭﺍﻧﺖ ﺗﻌﻤﻞ ﺿﺪﻭ
×××
ﺟﺴﻤﻲ ﺍﻟﺮﻳﺪﺓ ﻋﻤﺖ ﺟﻤﻴﻊ ﺍﻧﺤﺎﻫﻮ
ﺑﺎﻟﻠﻮﻥ ﺍﻟﻤﺸﻮﻩ ﻭﺍﻟﻬﺰﺍﻝ ﻓﺎﺿﺤﺎﻫﻮ
ﺍﻗﻮﻝ ﺍﻧﺴﺎﻙ ﺍﻗﺮﺭ ﻭﻗﻮﻟﻲ ﻣﺎ ﺑﺼﺤﺎﻫﻮ
ﺑﺒﻘﻲ ﻛﻼﻣﻲ ﺑﺎﻟﻠﻴﻞ ﻭﺍﻟﻨﻬﺎﺭ ﻳﻤﺤﺎﻫﻮ
×××
ﺑﺴﺎﺗﻴﻨﻲ ﺍﻟﻌﻠﻴﻚ ﺑﺮﻣﻲ ﺍﻟﻤﺤﺒﺔ ﻧﺨﻠﻬﺎ
ﻋﻄﺸﺎﻧﺔ ﻭﺣﻨﺎﻧﻚ ﻣﻮﻳﺘﻮ ﻣﺎ ﺗﺒﺨﻠﻬﺎ
ﺭﻭﺣﻲ ﺍﻟﻘﺎﻓﻠﺔ ﻗﻮﺍﺕ ﺍﻟﻌﻨﺎﺩ ﻣﺪﺧﻠﻬﺎ
ﺭﻳﺪﻙ ﺩﻭﻥ ﺟﻮﺍﺯ ﺭﻏﻢ ﺍﻟﺤﺮﺍﺳﺔ ﺩﺧﻠﻬﺎ
×××
ﻟﻮ ﻣﺎ ﻋﺎﺭﻓﺔ ﻧﻔﺴﻚ ﻭﻟﻲ ﺳﻤﺎﺣﻚ ﺟﺎﻫﻠﺔ
ﺍﻧﺘﻲ ﺍﻟﻤﻮﺭﺩ ﺍﻟﻤﻨﻮ ﺍﻟﻤﺤﺎﺳﻦ ﻧﺎﻫﻠﺔ
ﻓﻴﻚ ﺍﺗﻨﻴﻦ ﻣﻊ ﺍﻟﺮﻭﺑﺔ ﺍﻟﺒﺘﻨﺰﻝ ﺑﺎﻫﻠﺔ
ﻗﺎﻣﺔ ﺍﻟﺒﺎﻥ ﻭﻛﻔﻞ ﺍﻟﻔﻲ ﺍﻟﻤﻌﺎﺭﻙ ﺻﺎﻫﻠﺔ
×××
ﻛﺘﺎﺭ ﺟﻤﻌﻮ ﺍﻟﻤﺤﺎﺳﻦ ﺍﻻ ﻣﻬﻤﺎ ﻳﻜﻮﻧﻮ
ﺑﺒﻘﻲ ﺍﻟﻘﻤﺔ ﻋﺎﺷﻘﻲ ﻭﺑﺒﻘﻮ ﺩﻭﻟﻚ ﺩﻭﻧﻮ
ﺍﻟﺮﺍﻳﺪﺍﻫﻮ ﻧﻔﺴﻲ ﻭﺣﺎﻟﻔﺔ ﻣﺎ ﺑﺘﺨﻮﻧﻮ
ﺗﺤﺼﻞ ﻛﺎﺭﺛﺔ ﻛﺎﻥ ﺷﺎﻓﺖ ﻋﻴﻮﻧﻲ ﻋﻴﻮﻧﻮ
×××
ﺿﺤﻜﺎﺕ ﺁﺧﺮ ﺍﻟﻠﻴﻞ ﻭﺍﻟﺤﺪﻳﺚ ﺍﻟﻬﺎﻣﺲ
ﺩﻳﻞ ﺍﺳﺒﺎﺏ ﺩﻣﺎﺭﻱ ﻭﻟﻮﻥ ﺣﻴﺎﺗﻲ ﺍﻟﺪﺍﻣﺲ
ﻏﺮﺍﻡ ﺍﻟﺤﺴﻨﻮ ﻟﻲ ﻛﻞ ﺍﻟﻤﺤﺎﺳﻦ ﻃﺎﻣﺲ
ﺍﺧﺘﺮﻕ ﺍﻟﺤﻮﺍﺟﺰ ﻭﻟﻲ ﻓﺆﺍﺩﻱ ﻣﻼﻣﺲ
×××
ﻗﻠﺒﻲ ﺍﻟﺰﺍﻳﺪﺓ ﻣﻦ ﺧﺸﻴﺔ ﻟﻘﺎﻙ ﺩﻗﺎﺗﻮ
ﻋﻠﻤﺘﻮ ﺍﻟﻤﺨﺎﻭﻑ ﻭﺭﻫﺒﺔ ﻣﻲ ﺣﻘﺎﺗﻮ
ﻳﺎ ﺍﻟﺸﻮﻗﻚ ﻣﺴﻠﺴﻞ ﻣﺎ ﺍﻧﺘﻬﺖ ﺣﻠﻘﺎﺗﻮ
ﻟﻴﻚ ﻋﺎﺷﻘﺎ ﺑﺮﻳﺪﻙ ﻭﺩﻳﻤﺔ ﻓﻲ ﺣﺪﻗﺎﺗﻮ
×××
ﻳﻮﻡ ﻳﺼﻠﻚ ﻏﻨﺎﻱ ﺍﻹﻧﺘﻲ ﺳﺒﺒﻮ ﺍﻷﺻﻠﻲ
ﺣﺎﻭﻟﻲ ﺍﺗﺬﻛﺮﻱ ﺍﻟﻌﻬﺪ ﺍﻟﻘﺪﻳﻢ ﻭﺃﺗﺼﻠﻲ
ﻳﺎ ﺭﻭﺣﻲ ﺍﻟﻤﺤﺎﻝ ﻋﻦ ﺍﻟﺠﺴﺪ ﺗﻨﻔﺼﻠﻲ
ﻓﻲ ﻏﻴﺎﺑﻚ ﺩﻭﺍﻡ ﻧﺎﺭ ﺍﻟﺪﻭﺍﺧﻞ ﺗﺼﻠﻲ
×××
ﺭﻭﺣﻲ ﺍﻟﻤﻦ ﻣﻴﺎﻩ ﺍﻟﺤﺐ ﻣﻄﻮﻝ ﺻﻮﻣﻬﺎ
ﻭﻟﻬﺎﻧﺔ ﺑﻴﻚ ﺗﺄﻛﺪ ﻟﻮ ﻏﺮﺍﻣﻚ ﻳﻮﻣﻬﺎ
ﺍﻟﻔﺎﻗﺪﺓ ﺍﻟﺒﺘﺒﻜﻲ ﻣﻊ ﺍﻟﺴﻮﺍﺟﻊ ﺗﻮﻣﻬﺎ
ﻓﻲ ﻏﺎﻳﺔ ﺍﻟﺘﻄﺎﺑﻖ ﻧﻮﻡ ﻋﻴﻮﻧﻲ ﻭﻧﻮﻣﻬﺎ
×××
ﺻﺪﺭﺍ ﺷﺒﺎ ﻗﺎﻳﻢ ﻭﺍﻟﻀﻤﻴﺮ ﺍﻟﻬﺎﻭﻱ
ﺟﺒﺘﻲ ﻋﻠﻴﻬﺎ ﻛﻔﻞ ﺍﻟﻔﻲ ﻟﺠﺎﻣﻮ ﺑﻼﻭﻱ
ﺍﻟﺰﻛﺮﻭﻫﻮ ﻣﻦ ﺿﻤﻦ ﺍﻟﺘﻼﺗﺔ ﺑﺪﺍﻭﻱ
ﻓﻲ ﺍﻟﻔﻢ ﺍﻟﻤﻌﺘﻖ ﻭﺣﺎﺭﺳﻮ ﺑﺴﻤﺎ ﺿﺎﻭﻱ
×××
ﺃﺭﺑﺎﻉ ﺍﻟﻨﻤﻴﻢ ﻟﻮ ﻛﺎﻥ ﺑﺘﻨﻔﻊ ﺯﻭﻟﻬﺎ
ﻧﺤﻨﺎ ﻓﺘﺮﻧﺎ ﻣﻦ ﻛﺘﺮﺕ ﻧﺸﺮﻫﺎ ﻭﻗﻮﻟﻬﺎ
ﺍﻟﻤﺎﺑﻴﺔ ﺍﻟﻮﻟﻒ ﺑﺎﻟﺤﻴﻞ ﻗﺪﺭ ﻣﺎﺳﻮﻟﻬﺎ
ﻣﻨﻬﺎ ﺿﻘﻨﺎ ﺟﺮﺍﺣﺎﺗﺎ ﺗﻨﺰ ﻻ ﺣﻮﻟﻬﺎ
×××
ﻳﺎ ﺍﻟﻐﺎﻳﺒﻴﻦ ﺣﻘﻴﻘﺔ ﻭﻓﻲ ﺍﻟﺨﻴﺎﻝ ﻣﺎ ﺯﺭﺗﻮ
ﺷﺎﻳﻔﻜﻢ ﻧﺴﻴﺘﻮ ﻭﺍﻓﺘﺮﻳﺘﻮ ﻭﺟﺮﺗﻮ
ﻳﺎ ﺍﻟﺪﺍﻳﻤﺎ ﻭﺻﺎﻟﻜﻢ ﺑﻘﺴﺎ ﻭﻳﻦ ﻣﺎﺩﺭﺗﻮ
ﺳﻮﻳﺖ ﺍﻟﻌﻠﻲ ﻭﺍﻟﺰﻭﻝ ﺑﺴﻮﻱ ﻗﺪﺭﺗﻮ
×××
ﺯﻣﻦ ﺍﻟﻔﺮﻗﺔ ﻟﻮ ﻓﺎﻛﺮ ﻭﺩﺍﺩﻧﺎ ﻗﻄﻌﻠﻮ
ﻣﺎﺷﺔ ﺳﻨﻴﻨﻮ ﺗﻨﻘﺺ ﻭ ﻣﺎﺷﻲ ﻗﺪﺭﻙ ﻳﻌﻠﻮ
ﺍﻟﻤﻀﻲ ﻣﻦ ﺳﻮﺍﻟﻔﻚ ﻟﻮ ﺛﻮﺍﻧﻲ ﺭﺟﻌﻠﻮ
ﺑﺘﺜﻮﺭ ﺍﻟﻌﻮﺍﻃﻒ ﻭﺍﻟﺤﻮﺍﺱ ﺑﺸﺘﻌﻠﻮ
×××
ﺍﺫﺍ ﻓﻮﻕ ﺇﺳﻤﻲ ﺍﺻﻼ ﺑﻲ ﺍﻟﻐﻠﻂ ﻣﺎ ﻭﻫﻤﺘﻲ
ﺑﻲ ﺇﺳﻤﻚ ﺑﻜﻮﺭﻙ ﻭﺭﺍﻳﺤﺔ ﻣﻨﻲ ﺳﻬﻤﺘﻲ
ﻳﺎ ﺍﻟﻌﺎﺭﻓﻚ ﻟﺒﻴﺒﺔ ﻭﺑﻲ ﺍﻷﺷﺎﺭﺓ ﻓﻬﻤﺘﻲ
ﺍﻧﺘﻲ ﺇﺣﺴﺎﺱ ﻗﺼﻴﺪﻱ ﺍﻟﺒﻜﺘﺒﻮ ﻭﻣﻠﻬﻤﺘﻲ
×××
ﻳﺎ ﺍﻟﺪﺍﻳﻤﺎ ﺑﺘﺴﺄﻝ ﻧﺤﻨﺎ ﻛﻴﻒ ﺍﻣﺴﻴﻨﺎ
ﻟﻴﻚ ﻣﺘﻘﺮﻳﻔﻴﻦ ﻭﺍﺗﻜﺴﺮﻥ ﺭﻭﺳﻴﻨﺎ
ﺩﻣﻮﻋﺎ ﻟﻴﻬﺎ ﺑﻲ ﻃﻮﻝ ﺍﻟﺰﻣﻦ ﺩﺳﻴﻨﺎ
ﻻﻣﻦ ﺟﺎﺕ ﺗﺪﺍﻓﺮ ﺑﻴﻬﺎ ﻣﺎ ﺣﺴﻴﻨﺎ
×××
ﻛﻞ ﻣﺎ ﺗﺠﻴﻨﻲ ﺧﺎﻃﺮﺓ ﻭﺍﻧﺘﻈﺮ ﺗﻜﻮﻳﻨﻬﺎ
ﺑﻤﻼ ﺣﻮﺍﺳﻲ ﺷﻮﻗﻚ ﻭﺑﺒﺪﺍ ﻓﻲ ﺗﺪﻭﻳﻨﻬﺎ
ﻣﺎﺿﻲ ﺍﻳﺎﻣﻨﺎ ﻭﺍﻟﻔﺘﺮﺓ ﺍﻟﺠﻤﻴﻠﺔ ﺳﻨﻴﻨﻬﺎ
ﻓﺎﺿﻞ ﻋﻨﺪﻱ ﺫﻛﺮﺍﻫﺎ ﻭﻟﻴﺎﻟﻲ ﺣﻨﻴﻨﻬﺎ
×××
ﻳﺎ ﻗﻤﺮ ﺍﻟﻌﺸﺎ ﺍﻟﺴﺘﺮ ﺍﻟﻈﻼﻡ ﺿﺎﻭﻳﻠﻮ
ﻋﺎﻳﻦ ﻛﺎﻥ ﺗﺸﻮﻓﻮ ﻭﺟﻴﺐ ﺭﻗﻢ ﺗﺤﻮﻳﻠﻮ
ﻗﻮﻝ ﻟﻲ ﺍﻟﺤﺒﻮ ﻏﺎﻳﺐ ﻭﻣﻨﻘﻄﻊ ﺗﻤﻮﻳﻠﻮ
ﻭﻳﻦ ﻣﻴﻌﺎﺩ ﺭﺟﻮﻋﻚ ﻭﻻ ﻣﺎﻙ ﻧﺎﻭﻳﻠﻮ؟؟
×××
ﻛﻞ ﻣﺎ ﻗﻠﺒﻨﺎ ﺩﻓﺘﺮ ﺍﻻﻳﺎﻡ ﺑﺪﻳﻨﺎ ﻗﺮﺍﻳﺘﻮ
ﺗﻌﻜﺲ ﺻﻮﺭﺓ ﺍﻟﺤﺎﻟﺔ ﺍﻟﺤﺰﻳﻨﺔ ﻣﺮﺍﻳﺘﻮ
ﻗﻠﺒﻲ ﺍﻟﻨﺎﺿﺠﺔ ﺗﺠﺮﺑﺘﻮ ﻭﻛﺘﻴﺮﺓ ﺩﺭﺍﻳﺘﻮ
ﺳﻘﻄﺖ ﻓﻲ ﻣﻴﺎﺩﻳﻦ ﺍﻟﻌﻮﺍﻃﻒ ﺭﺍﻳﺘﻮ
×××
ﻣﻬﻤﺎ ﻧﻌﺎﻧﻲ ﻣﻦ ﻟﻴﻞ ﺍﻧﺘﻈﺎﺭﻧﺎ ﻭﻃﻮﻟﻮ
ﻣﺎ ﺑﺘﻤﻮﺕ ﺍﻣﺎﻧﻴﻨﺎ ﺍﻟﺒﺘﺮﺟﺎ ﻭﺻﻮﻟﻮ
ﻏﻨﺎﻱ ﺍﻟﻘﻠﺘﻮ ﺑﺪﺭﻱ ﻭﻫﺴﻲ ﺩﺍﻳﺮ ﺍﻗﻮﻟﻮ
ﻛﺎﻥ ﻣﻠﻬﻢ ﺣﺮﻭﻓﻮ ﻭﻣﺴﺘﺤﻘﻮ ﻭﻫﻮﻟﻮ
×××
ﻋﻴﻮﻧﻲ ﺍﻟﺸﺎﻛﻴﺔ ﻣﻦ ﺳﻬﺮﻱ ﺍﻟﻜﺘﻴﺮ ﻭﻧﺤﻴﺒﻲ
ﺷﻦ ﺩﺍﻳﺮﺑﻮ ﺷﻮﻓﻬﻦ ﻟﻤﺎ ﺍﻧﺘﻲ ﺗﻐﻴﺒﻲ؟؟
ﻣﻊ ﻗﻨﻄﺎﺭ ﺷﻄﺎﺭﺗﻲ ﺍﻷﺩﻣﻨﺖ ﺗﻌﺬﻳﺒﻲ
ﻓﺎﻗﺪ ﺩﺭﻫﻢ ﺍﻟﺤﻆ ﺍﻟﺒﻘﻮﻱ ﻧﺼﻴﺒﻲ
×××
ﻣﺎﺿﻴﻚ ﻳﺎ ﺍﻟﻮﺻﺎﻟﻚ ﻣﺎﻧﻲ ﺩﺍﻳﺮ ﺍﻛﻮﺳﻮ
ﺑﺎﺧﺪ ﻣﻨﻮ ﻋﺒﺮﺓ ﻭﺑﻨﻔﻌﻨﻲ ﺩﺭﻭﺳﻮ
ﺣﺒﻚ ﺑﺒﻘﻲ ﺫﻛﺮﻱ ﻭﺑﻲ ﻣﺮﺍﺭﺓ ﺑﺪﻭﺳﻮ
ﻗﺎﺩﺭ ﻗﻠﺒﻲ ﻳﻨﺴﺎﻙ ﻭﺍﻟﻌﺠﻨﺘﻮ ﺗﻌﻮﺳﻮ
×××
ﺗﻠﻘﺎﻧﻲ ﺩﺍﻳﻤﺎ ﻓﻲ ﺭﺟﺎﻙ ﻗﺎﺑﺾ ﻣﻮﺍﻋﻴﺪ ﺍﻟﻮﺻﻮﻝ
ﻻ ﺑﻐﻴﺮ ﺍﺣﺴﺎﺳﻲ ﺍﻟﺰﻣﻦ ﻻ ﺑﻬﻤﻨﻲ ﺍﻻﻳﺎﻡ ﺗﻄﻮﻝ
ﺧﻠﻴﻚ ﺻﺮﻳﺢ ﺩﺍﻳﻤﺎ ﻣﻌﺎﻱ ﻭﺭﻳﻨﻲ ﺷﻦ ﺩﺍﻳﺮ ﺗﻘﻮﻝ
ﻭﺍﻟﺮﻳﺪﺓ ﻻ ﺑﺘﻌﺮﻑ ﻧﻔﺎﻕ ﻻ ﺑﺘﻘﺒﻞ ﺍﻧﺼﺎﻑ ﺍﻟﺤﻠﻮﻝ
×××
ﺍﻳﺎﻣﻲ ﻟﻮ ﻛﺎﻧﻦ ﻇﻼﻡ ﺫﻛﺮﺍﻙ ﺑﺘﺒﻘﺎﻟﻬﻦ ﺳﺮﺍﺝ
ﻭﻣﺎ ﺑﻘﻮﻝ ﺍﺷﺘﻘﺖ ﻟﻴﻚ ﻷﻧﻲ ﻣﺤﺘﺎﺟﻚ ﺇﺣﺘﻴﺎﺝ
ﺍﻧﺖ ﺍﻟﻬﻮﻱ ﺍﻟﺒﺴﺘﻨﺸﻘﻮ ﻭﺟﺮﺡ ﺍﻟﻤﺸﺎﻋﺮ ﻭﺍﻟﻌﻼﺝ
ﻭﺍﻧﺎ ﻏﻴﺮ ﻋﻴﻮﻧﻚ ﻻ ﺑﺤﺐ ﻻ ﻋﻨﺪﻱ ﻓﻲ ﺍﻻﻓﺮﺍﺡ ﻣﺰﺍﺝ
×××
ﻣﻬﻤﺎ ﺍﻟﻐﻴﺒﺔ ﺑﻴﻨﺎﺗﻨﺎ ﺍﻟﺰﻣﺎﻥ ﻃﻮﻟﻬﺎ
ﺳﻴﺮﺗﻚ ﺟﺮﻋﺔ ﺗﻜﺘﻞ ﻭﻻﺯﻡ ﺍﺗﻨﺎﻭﻟﻬﺎ
ﺍﻳﺎﻣﻨﺎ ﺍﻟﻘﺒﻴﻴﻴﻞ ﺳﻤﺤﺔ ﻭﻟﺬﻳﺬ ﺍﻭﻟﻬﺎ
ﻟﻲ ﻋﺎﻟﻢ ﺣﺰﻳﻦ ﻟﻴﻞ ﺍﻟﻔﺮﺍﻕ ﺣﻮﻟﻬﺎ
×××
ﺭﻳﺢ ﺍﻟﺬﻛﺮﻱ ﻫﺒﺖ ﻭﺍﻟﻜﺘﻴﺮ ﺯﺣﺘﻮ
ﺷﻮﻗﻚ ﻭﻧﺎﻳﻢ ﺍﻟﺮﻳﺪ ﺍﻟﻘﺪﻳﻢ ﺻﺤﺘﻮ
ﺣﺒﻚ ﻓﻲ ﺟﺪﺍﺭ ﻗﻠﺒﻲ ﻭﺿﻤﻴﺮ ﻧﺤﺘﻮ
ﻻ ﺑﻐﺸﺎﻫﻮ ﻏﺎﺷﻲ ﻭﻻ ﺍﻟﻠﻴﺎﻟﻲ ﻣﺤﺘﻮ
×××
ﺑﻴﻦ ﻭﺍﻗﻊ ﺣﻴﺎﺗﻨﺎ ﻭﻋﺎﺻﻴﺎﺕ ﺍﺣﻼﻣﻨﺎ
ﺑﻄﻠﻊ ﺩﻭﻥ ﺇﺭﺍﺩﺍﺕ ﺍﻟﻘﻮﺍﻓﻲ ﻛﻼﻣﻨﺎ
ﺭﻳﺪﺍ ﻣﻨﻮ ﺿﺎﻳﻘﻴﻦ ﺍﻟﺸﻘﺎ ﻭﺍﻻﻣﻨﺎ
ﺗﺮﺟﻤﻮ ﺳﻴﻞ ﺩﻣﻮﻋﻨﺎ ﻭﺑﻜﺘﺒﻨﻮ ﺍﻗﻼﻣﻨﺎ
×××
ﺍﺭﺟﻮﻙ ﻳﺎ ﻧﺴﻴﻢ ﺷﻮﻗﻲ ﺍﻟﻤﻮﺍﺗﺮ ﻭﺩﻭ
ﺑﺮﺟﺎﻙ ﻓﻮﻕ ﻟﻬﻴﺐ ﻭﺍﻋﺮﻑ ﻃﺮﻳﻘﺔ ﺭﺩﻭ
ﻗﻮﻝ ﻟﻲ ﺍﻟﻤﺎﻟﻲ ﻣﺎﻋﻮﻥ ﺍﻟﺠﻤﺎﻝ ﻻ ﺣﺪﻭ
ﺑﺮﺿﻮ ﺑﺮﻳﺪﻭ ﺭﻏﻤﺎ ﻋﻦ ﺟﻔﺎﻫﻮ ﻭﺻﺪﻭ
×××
ﻧﺠﻤﻴﺎﺗﺎ ﻗﺼﺎﺩﻙ ﻭﺷﺎﻫﺪﻥ ﻣﻼﻟﺘﻲ
ﻣﻤﻜﻦ ﺗﺴﺄﻟﻴﻬﻦ ﻭﺑﺸﺮﺣﻦ ﻟﻚ ﺣﺎﻟﺘﻲ
ﻳﺎ ﺍﻟﻘﺎﻟﺖ ﻣﺸﺎﻋﺮﻙ ﻭﺍﻧﺘﻲ ﻓﻴﻬﺎ ﺗﻐﺎﻟﻄﻲ
ﺭﺩﻱ ﺑﺄﻱ ﻣﻨﻄﻖ ﻟﻮ ﻗﺮﻳﺘﻲ ﺭﺳﺎﻟﺘﻲ
×××
ﺑﻌﻴﺪﺍ ﻋﻨﻲ ﻟﻮ ﻓﻌﻼ ﺗﻜﻮﻧﻮ ﻃﺮﺑﺘﻮ
ﻓﻲ ﻏﻴﺎﺑﻜﻢ ﺻﺤﻴﺢ ﻛﺄﺱ ﺍﻟﺴﻌﺎﺩﻩ ﺷﺮﺑﺘﻮ
ﻳﺎ ﺍﻟﺒﻴﻜﻢ ﺑﺪﻳﺖ ﻋﻬﺪ ﺍﻟﻬﻮﻱ ﻭﺗﺠﺮﺑﺘﻮ
ﻣﻬﻤﺎ ﻳﻜﻮﻥ ﺑﻌﺎﺩﻛﻢ ﻣﻦ ﻓﺆﺍﺩﻱ ﻗﺮﺑﺘﻮ
×××
ﺭﻳﺪ ﺍﻟﻌﻨﺪﻱ ﻛﺎﺳﺐ ﻭﺩﻳﻤﺔ ﺭﺍﺑﺢ ﻛﺮﺗﻮ
ﺛﺎﺑﺖ ﻣﺎﻫﻮ ﺗﻬﻤﺔ ﻭﻋﻤﺮﻱ ﻣﺎ ﺍﻧﻜﺮﺗﻮ
ﻗﻠﺒﻲ ﻋﻠﻲ ﻏﺮﺍﻣﻮ ﻛﻤﺎ ﻳﺠﺐ ﺳﻜﺮﺗﻮ
ﺑﺎﻻﺣﺴﺎﺱ ﻃﺮﺍﻧﻲ ﻭﻋﺎﺭﻑ ﺍﺗﺬﻛﺮﺗﻮ
×××
ﻋﻠﻤﻨﻲ ﺍﻟﻬﻮﻱ ﻭﻋﺸﺮﺓ ﻏﺮﺍﻣﻨﺎ ﻭﻃﻮﻟﻬﺎ
ﺍﻛﻮﻥ ﺻﺎﺩﻕ ﻣﻌﺎﻙ ﻓﻲ ﻛﻞ ﻛﻠﻤﺔ ﺑﻘﻮﻟﻬﺎ
ﺭﻳﺪﺗﻲ ﺍﻻﻧﺘﻲ ﻋﺎﺭﻓﺎﻫﺎ ﻭﻣﻌﺎﻳﺸﺔ ﻓﺼﻮﻟﻬﺎ
ﺳﻨﻮﺍﺕ ﺍﻟﻔﺮﺍﻕ ﺗﺐ ﻣﺎ ﺍﺑﻄﻠﺖ ﻣﻔﻌﻮﻟﻬﺎ
×××
ﻟﻮ ﺟﺎﺭﺕ ﻋﻴﻮﻧﻜﻢ ﻭﺍﺳﺘﺒﺪﺍ ﻗﺴﺎﻛﻢ
ﺍﻧﺘﻮ ﻋﻠﻲ ﺍﻟﻌﻤﻮﻡ ﻣﺴﺘﺤﻴﻞ ﺍﻧﺴﺎﻛﻢ
ﺍﻧﺎ ﺍﻟﺒﺴﺄﻝ ﺩﻭﺍﻡ ﻋﻦ ﻭﻳﻦ ﺑﻜﻮﻥ ﻣﺮﺳﺎﻛﻢ
ﺍﻣﻠﻲ ﺗﻜﻮﻧﻮ ﺭﺍﻳﻘﻴﻦ ﻭﺍﻟﺴﻌﺎﺩﺓ ﻣﺴﺎﻛﻢ
×××
ﻣﻦ ﺗﺤﺮﻳﻚ ﺣﺴﺎﻳﺴﺎ ﻧﻔﺴﻲ ﻣﺎ ﺑﺘﺸﺮﺣﺎ
ﺍﻧﺎ ﻳﺎ ﺧﻠﻲ ﻫﻤﺎ ﻓﻮﻗﻲ ﻣﺎ ﺑﻨﺰﺣﺎ
ﺩﻣﻌﻲ ﺑﺘﺮﺟﻢ ﺍﺷﻮﺍﻗﻲ ﻭﺳﺮﺍﻳﺮﻱ ﻓﻀﺤﺎ
ﺗﻔﻜﻴﺮﻱ ﺍﻟﻤﻠﺢ ﺫﺍﻛﺮﺓ ﺩﻣﺎﻏﻲ ﻣﺴﺤﺎ
***
ﻳﺎ ﺃﺟﻤﻞ ﻗﺼﻴﺪﻱ ﻭﻳﺎ ﺑﺪﻳﻊ ﺃﻟﺤﺎﻧﻲ
ﺷﺎﻏﻮﻝ ﺍﻟﻔﻜﺮ ﻋﻮﻭﺩ. ﻋﻠﻲ ﺳﺮﺣﺎﻧﻲ
ﺟﺎﻧﻲ ﺧﻴﺎﻟﻮ ﻓﻲ ﺍﻟﻨﻮﻡ ﻭﺍﻟﻘﻠﺐ ﻓﺤﺎﻧﻲ
ﻟﻬﻔﺔ ﻭﺷﻮﻕ ﻧﺰﻝ ﺩﻣﻊ ﺍﻟﻌﻴﻮﻥ ﺻﺤﺎﻧﻲ
***
ﻛﻞ ﻣﺎ ﺍﺭﻓﻊ ﺍﻗﺪﺍﻣﻲ ﻭﺧﻄﺎﻱ ﺗﺘﻘﺪﻡ
ﺍﻟﻘﻲ ﺣﺴﺎﺑﻲ ﻣﺪﻓﻮﻉ ﺑﺎﻟﺨﺴﺎﺭﻩ ﻣﻘﺪﻡ
ﺍﻧﺎ ﻳﺎ ﺯﻫﺮﺓ ﺍﻳﺎﻡ ﺍﻟﻌﻠﻴﻚ ﺑﺘﻨﺪﻡ
ﺍﻟﻤﻌﻤﻮﺭﺓ ﺧﺮﺑﺖ ﻭﺍﻟﻜﺘﻴﺮ ﺍﺗﻬﺪﻡ
***
ﺍﺫﺍ ﻛﺎﻥ ﺍﻟﺒﻌﺎﺩ ﺑﺮﺿﻴﻚ ﻭﺍﻧﺖ ﻣﻮﺍﻓﻘﺔ
ﻗﻠﺒﻲ ﻣﻌﺎﻙ ﺑﺴﺎﻓﺮ ﻭﻟﻴﻚ ﻋﻴﻮﻧﻲ ﻣﺮﺍﻓﻘﺔ
ﻳﺎ ﺍﻟﺰﺍﺭﻋﻚ ﻣﺤﺒﺔ ﻭﺟﺎﺕ ﻣﻮﺍﺳﻤﻚ ﺻﺎﻓﻘﺔ
ﻟﻴﻚ ﻣﺤﺰﻭﻥ ﻗﺼﻴﺪﻱ ﻭﺳﻴﻞ ﻣﺸﺎﻋﺮﻱ ﺍﻟﺪﺍﻓﻘﺔ
***
ﻳﺎﺭﻭﺣﻲ ﺍﻟﻤﺸﺎﻋﺮ ﻟﻮ ﺑﺘﺮﺟﺎ ﺩﺭﺍﺳﺘﻲ
ﻣﺎﻛﺎﻥ ﺍﺧﻄﺄﺕ ﻟﻮﻥ ﺍﻟﺨﺪﻳﻌﺔ ﻓﺮﺍﺳﺘﻲ
ﺭﻏﻢ ﺑﻜﺎﻱ ﻋﻠﻰ ﺍﻻﻃﻼﻝ ﻭﻛﻞ ﺟﺮﺍﺳﺘﻲ
ﻣﻌﺠﺐ ﺑﺴﻌﺎﺩﺗﻚ ﻓﻮﻕ ﺷﻘﺎﻱ ﻭﺗﻌﺎﺳﺘﻲ
***
ﻳﺎ ﺍﺟﻤﻞ ﻗﺼﻴﺪﻱ ﻭﻳﺎﺑﺪﻳﻊ ﺍﻟﺤﺎﻧﻲ
ﺷﺎﻏﻮﻝ ﺍﻟﻔﻜﺮ ﻋﻮﺩ ﻋﻠﻲ ﺳﺮﺣﺎﻧﻲ
ﺟﺎﻧﻲ ﺧﻴﺎﻟﻮ ﻓﻲ ﺍﻟﻨﻮﻡ ﻭﺍﻟﻘﻠﺐ ﻓﺤﺎﻧﻲ
ﻟﻬﻔﺔ ﻭﺷﻮﻕ ﻧﺰﻝ ﺩﻣﻊ ﺍﻟﻌﻴﻮﻥ ﺻﺤﺎﻧﻲ
***
ﻟﻮ ﻋﺎﺭﻑ ﻋﻴﻮﻧﻚ ﻛﻞ ﻣﺎﺗﻮﺍﺟﻬﻨﻲ
ﺑﻤﺴﻜﻨﻲ ﺍﻟﺘﻮﺗﺮ ﻭﺍﻟﺸﺮﻭﺩ ﺍﻟﺬﻫﻨﻲ
ﺑﻐﺎﺯﻝ ﻓﻴﻬﺎ ﻏﺎﻳﺐ ﻭﺣﺴﻨﻬﺎ ﻣﺘﻮﻫﻨﻲ
ﻻﻣﻦ ﻏﻴﺮ ﻣﺒﺎﻟﻐﺔ ﺩﻣﻌﺘﻲ ﺗﻨﺒﻬﻨﻲ
***
ﺑﺮﻳﺪﻙ ﻳﺎ ﺍﻟﻌﻔﺎﻓﻚ ﻓﻴﻚ ﻏﺮﻳﺰﺓ ﻭﻃﺒﻌﺔ
ﺭﻳﺪ ﺧﻼﻫﺎ ﺻﻮﺭﺗﻚ ﻓﻲ ﺍﻟﻀﻤﻴﺮ ﻣﻨﻄﺒﻌﺔ
ﺑﺮﻳﺪﻙ ﻳﺎ ﺍﻟﻬﻤﻮﻣﻚ ﻋﺎﻭﺩﺕ ﻣﺘﺒﻌﺔ
ﻻﻣﻦ ﻳﻜﻤﻞ ﺍﻟﺮﻳﺪ ﻓﻲ ﺍﻻﺭﺍﺿﻲ ﺍﻟﺴﺒﻌﺔ
***
ﻳﻤﻜﻦ ﺗﺨﺘﻠﻒ ﻋﻦ ﺑﻌﻀﻜﻢ ﺗﺮﻛﻴﺒﺘﻲ
ﺑﺘﻨﻮﻡ ﺍﻟﺤﺪﺓ ﻋﻨﺪﻱ ﻟﻢ ﺗﻈﻬﺮ ﻃﻴﺒﺘﻲ
ﺑﺎﻟﻐﺰﻝ ﺍﻟﻌﻔﻴﻒ ﺩﺍﻳﻤﺎ ﺑﻮﺭﻱ ﻣﺼﻴﺒﺘﻲ
ﺑﻜﺘﺐ ﺑﺎﻟﺒﺤﺴﻮ ﻭﻣﺎﺑﺴﻤﻲ ﺣﺒﻴﺒﺘﻲ
***
ﻧﺠﻤﻚ ﺑﺎﻟﺠﻤﺎﻝ ﻓﻮﻕ ﺍﻟﻨﺠﻮﻡ ﻋﻠﻴﺘﻮ
ﻭﺍﻟﺘﺤﺘﻚ ﺑﻌﺎﻳﻦ ﻟﻲ ﺳﻤﺎﻙ ﺧﻠﻴﺘﻮ
ﻳﺎ ﺍﻫﻞ ﺍﻟﻤﺮﻭﻩ ﺍﻟﻔﻲ ﺍﻟﺤﺠﺎﺯ ﺻﻠﻴﺘﻮ
ﻟﻴﻞ ﺍﻟﻔﺮﻗﻪ ﻃﺎﻝ ﻭﺍﻻﻧﺘﻈﺎﺭ ﻣﻠﻴﺘﻮ
***
ﻣﺎ ﺍﺗﻌﻮﻟﻢ ﺩﺧﻞ ﻓﻲ ﺍﻟﻔﻴﺲ ﻭﺷﺎﻑ ﺍﻟﻐﻴﺮﻭ
ﺟﻮ ﺍﻟﺒﺎﺩﻳﻪ ﻭﺍﻟﺮﺵ ﻭﺍﻟﻤﺸﺎﻁ ﻛﻮﻓﻴﺮﻭ
ﻓﻲ ﺧﺪﺭﻭ ﺍﻟﻤﺄﻣﻦ ﻭﻓﻲ ﻧﻌﻴﻤﻮ ﻭﺧﻴﺮﻭ
ﻣﺎﺗﺒﻊ ﺍﻟﻬﻮﺍﺗﻒ ﻭﻏﻴﺮﺕ ﺧﻂ ﺳﻴﺮﻭ
***
ﺍﺗﻼﻗﻴﻨﺎ ﺻﺪﻓﻪ ﻭﺍﻻﻳﺎﺩﻱ ﺍﺗﺴﺎﻟﺖ
ﺍﻟﺸﻮﻕ ﻧﺎﺩﺍ ﺑﻌﻀﻮ ﻭﺍﻟﻤﺪﺍﻣﻊ ﺳﺎﻟﺖ
ﻟﺤﻈﺎﺕ ﺻﺎﻣﺘﻪ ﻣﺮﺕ ﻭﺍﻟﺴﻌﺎﺩﻩ ﺍﻧﻬﺎﻟﺖ
ﺍﻟﻜﻠﻤﻪ ﺍﻟﻤﻌﺒﺮﻩ ﺑﺎﻟﻌﻴﻮﻥ ﺍ ﺗﻘﺎﻟﺖ
***
ﻛﺘﻴﺮ ﺍﺗﺤﺪﺛﻮ ﺍﻟﻨﺎﺱ ﻭﺍﻟﻜﻼﻡ ﻣﺘﻜﺮﺭ
ﺍﻻ ﺍﻟﺤﺎﻟﻪ ﻭﺍﺿﺤﻪ ﻭﻣﺎﻫﺎ ﺩﺍﻳﺮﻩ ﻣﺒﺮﺭ
ﺍﻟﻌﺎﺭﻓﻨﻲ ﻣﻨﺘﻈﺮﻭ ﻭﺑﻘﻴﺖ ﻣﻀﺮﺭ
ﻣﻠﻔﻲ ﺍﻟﺸﺨﺼﻲ ﻋﻨﺪﻭ ﻭﺑﺮﺿﻮ ﺭﺍﻓﺾ ﺇﻗﺮﺭ
***
ﺑﻄﺮﺍﻙ ﻭﺍﻟﻤﻮﺍﺟﻊ ﻳﻮﺕ ﻣﻌﺎﻱ ﻣﻲ ﻏﺎﺑﻪ
ﺑﺴﺄﻝ ﻋﻨﻚ ﺍﻟﻄﻴﺮ ﻭﺍﻟﻬﺒﻮﺏ ﺍﻟﻬﺎﺑﻪ
ﺭﻏﻢ ﺍﻟﻔﺮﻗﻪ ﻭﺍﻟﺸﻮﻕ ﻭﺍﻟﺪﻣﻮﻉ ﺍﻟﺼﺎﺑﻪ
ﺗﺒﻘﻲ ﺍﻟﺒﻴﻨﺎ ﻋﺎﻣﺮﻩ ﻭﺍﻟﻘﻠﻮﺏ ﻣﺘﺤﺎﺑﻪ
***
ﺍﻳﺎﻡ ﺍﻟﺘﻮﺍﺻﻞ ﻭﺍﻣﺴﻴﺎﺕ ﻓﻲ ﺍﻟﺰﺍﻛﺮﻩ
ﺭﺍﺣﺖ ﻭﺍﻧﻄﻮﺕ ﻟﺤﻈﺎﺕ ﺣﻈﻮﻇﻦ ﺑﺎﻛﺮﻩ
ﻣﺘﻴﻦ ﻣﺎﺗﻌﺪﻱ ﻟﻴﻼﺕ ﺍﻟﻤﺤﺎﻕ ﺍﻟﻤﺎﻛﺮﻩ
ﺗﺴﺒﻖ ﺩﻣﻌﻪ ﺍﻟﺸﻮﻕ ﺍﻟﺪﻣﻮﻉ ﺍﻟﺸﺎﻛﺮﻩ
***
ﻟﻴﻞ ﺍﻟﻠﻘﻴﺎ ﺧﻴﻢ ﻓﻲ ﺣﻴﺎﺗﻲ ﺿﺒﺎ ﺑﻮ
ﻣﺮﻩ ﺑﺸﻮﻓﻮ ﻗﺮﺏ ﻭﻣﺮﻩ ﻗﺎﻓﻞ ﺑﺎﺑﻮ
ﻳﺎ ﺍﻟﻬﺠﺮﻙ ﻫﻠﻜﻨﻲ ﻭﻣﺎ ﻋﺮﻓﺖ ﺍﺳﺒﺎﺑﻮ
ﻋﻘﻠﻲ ﻣﺸﻮﺷﻮ ﺍﻟﺸﻮﻕ ﻭﺍﻟﺤﻨﻴﻦ ﻏﺒﺎﺑﻮ
***
ﻣﺬﺍﻳﺎ ﻋﺪﻳﺪﻩ ﻟﻴﻬﻦ ﺳﺖ ﻫﻮﺍﻱ ﻣﺤﺘﻮﻳﻪ
ﻭﺍﻳﺎﺕ ﺍﻟﺠﻤﺎﻝ ﻣﻦ ﻧﺒﻌﻬﻦ ﻣﺮﺗﻮ ﻳﻪ
ﺍﻟﻔﻮﻕ ﻋﺮﺵ ﺍﻟﺤﺴﺎﻥ ﻣﻠﻜﻪ ﺳﻤﺎﺡ ﻣﺴﺘﻮﻳﻪ
ﺑﻴﻬﺎ ﺍﺗﻌﻠﻘﻮ ﺍﻟﻨﺎﺱ ﻭﺍﻟﻘﻠﻮﺏ ﻣﻜﺘﻮﻳﻪ
***
ﻋﻈﻴﻢ ﺍﺣﺴﺎﺳﻲ ﻧﺤﻮﻙ ﻳﺎ ﺍﻟﻐﻴﺎﺑﻚ ﻃﻮﻝ
ﻻ ﺍﺗﺮﺟﻢ ﻛﻼﻡ ﻻ ﺳﻴﻞ ﺩﻣﻮﻉ ﺑﺘﺤﻮﻝ
ﻋﻠﻴﻚ ﻳﺎ ﻣﻨﺎﺩﻱ ﺍﺣﺴﺎﺳﻲ ﻭﻏﺮﺍﻣﻲ ﺍﻻﻭﻝ
ﺍﻟﺸﻮﻕ ﺳﺎﻗﻨﻲ ﻏﺼﺒﺎ ﻭﺍﻟﻀﻤﻴﺮ ﺍﺗﻬﻮﻝ
***
ﺍﻟﺼﻴﺪ ﻭﺍﻟﺠﻮﺍﻫﺮ ﻭﻛﻞ ﺣﺎﺟﻪ ﺟﻤﻴﻠﺔ
ﻣﻦ ﺛﺮﻭﻩ ﻣﺤﺎﺳﻨﻚ ﻣﺎﺧﺪﻩ ﻟﻤﺤﻪ ﻗﻠﻴﻠﺔ
ﻳﺎ ﺍﻟﺼﻤﺘﻚ ﻗﻄﻊ ﺳﺒﻞ ﺍﻟﻮﺻﺎﻝ ﻭﺍﻟﺤﻴﻠﺔ
ﻏﻴﺮ ﻣﺎﻳﺰﻭﺭﻧﻲ ﻃﻴﻔﻚ ﺗﺎﻧﻲ ﻣﺎ ﻟﻲ ﺣﻴﻠﺔ
***
ﻏﻴﺮ ﺍﺫﻥ ﺍﻟﻤﻐﺎﺩﺭﻩ ﻭﺍﻟﺨﺮﻭﺝ ﺷﻦ ﺩﺍﻳﺮﺓ
ﻭﺍﻳﺎﻣﻚ ﺧﻼﺹ ﻧﻌﻤﻞ ﻋﻠﻴﻬﻦ ﺩﺍﻳﺮﺓ
ﻳﺎ ﺍﻟﻮﺟﻬﻚ ﺷﺒﻴﻬﻪ ﻃﺎﺑﻖ ﺍﻟﺴﺒﻮﻉ ﻓﻲ ﺍﻟﺪﺍﻳﺮﺓ
ﺑﻜﺮﻩ ﺍﻟﺸﻮﻕ ﺑﺠﻴﺒﻚ ﻭﺍﻟﺪﻭﺍﻳﺮ ﺩﺍﻳﺮﺓ
***
ﻫﻤﻮﻣﻚ ﻓﻮﻗﻨﺎ ﺟﻤﻠﺔ ﻭﻣﻨﻬﻦ ﻣﺎ ﺿﻘﻨﺎ
ﻭﻳﻦ ﻣﺎ ﻓﺘﻨﺎ ﻭﺍﺣﺪ ﻟﻲ ﺍﻟﻮﺭﺍﻫﻮ ﺍﺷﺘﻘﻨﺎ
ﺍﻟﺨﻠﻘﻮﻫﻮ ﻓﺘﻨﺔ ﻭﻟﻲ ﻫﻮﺍﻫﻮ ﺧﻠﻘﻨﺎ
ﺳﻴﻨﺎﻟﻮ ﺍﻟﻤﻮﺍﺗﺮ ﻭﺑﺮﺿﻮ ﻣﺎﻣﺼﺪﻗﻨﺎ
ﺑﻴﺘﺎﻱ ﻭﺩ ﺍﻟﻀﻮ – -2009 2015
ظروف الدنيا والجري في سبيل اعمالنا
من دون نحن نقصد من محيطكم شالنا
يا الليكم معزة وشوق مبشتن حالنا
غبتو عن العيون لكنكم في بالنا
بطراك والمواجع يوت معاي مي غابه
بسأل عنك الطير والهبوب الهابة
رغم الفرقة والشوق والدموع الصابة
تبقى البينا عامرة والقلوب متحابة
كل ماشمسي غابت وليلي عم سوادو
هف القلب ودمع العين نزل عدادو
القناصو بخفي حنين عادوا
جمال الكون وقف يوم اكتمل ميلادو
مابصدق ضميري وعقلي مابصور
انو غرامك اصبح ياحناني مزور
يالريدك مالكني وكل ليل بطور
مصيرو الحي بلاقي والزمان بدور
يا الطيفك معاي طول الموازرني
مشواري انتهى وعجز الوصال عاذرني
ابيت اسمع نصائح لي البجي يحذرني
لامن دق ناقوس الخطر بنذرني
لو عارف عيونك كل ما تواجهني
بمسكني التوتر والشرود الذهني
بغازل فيها غايب وحسنها متوهني
لامن غير مبالغة دمعتي تنبهني
يا اجمل قصيد ويابديع الحاني
شاغول الفكر عود علي سرحاني
جاني خيالو في النوم والقلب فحاني
لهفة وشوق نزل دمع العيون صحاني
اضف تعليقا