أسياد سلطتك يابطانة حاضر وماضي
هم ابناء اب علي لي الراضي والمو راضي
كراما عندهم غرض البجيهم قاضي
ومامرقت حسوسن في الكلام الفاضي
بطانة وعز وتاريخ بالمكارم حافل
شجاعة ورأي ومجدا اسسوهو جحافل
قيم محمول في عيون مجتمع متكافل
عروضن سابلة تتحدى الصعيد والسافل
بتشبهنا الاسود ساعة نترنا
وبتهابنا الرجال ضاقت تترنا
بتعرفنا المحن فيها انسترنا
شايلين للهموم ماعاد فترنا
ان جيت في الكرم وافر عطانا
وطوعنا الكلام عربي ورطانة
المنو القايل خطاهو بتشبهنا خطانا
ومنو الغيرنا افتخر عندو البطانة
اضف تعليقا