ﻣﺴﺪﺍﺭ ﺍﻟﺸَّﺮَّﺍﺩ
ﻋﺒﺪ ﺍﻟﻠﻪ ﻭﺩ ﺣﻤﺪ ﻭﺩ ﺷﻮﺭﺍﻧﻲ
ﺍﺏ ﺗﻘﺰﻱ ﺍﻟﺤﻜﺎﺭ ﺍﻣﻮ ﺍﻟﻔﺤﻞ ﻣﻮ ﻓﺎﻟﺘﻮ
ﻣﺮﺑﻮﻁ ﻋﺪﻩ ﺷﻬﺮﻳﻨﻮ ﻭﺩﺧﻞ ﻓﻲ ﺗﺎﻟﺘﻮ
ﺍﻟﺨﻼﻧﻲ ﻣﺠﻨﻮﻥ ﻟﻴﻠﻰ ﺍﻓﻮﻕ ﻓﻮﻕ ﺣﺎﻟﺘﻮ
ﺳﻤﺤﺎ ﻣﺴﺘﺤﻖ ﺗﻌﺐ ﺍﻟﻤﻐﺎﺩﺭ ﻧﺎﻟﺘﻮ
ﻣﻨﺴﻮﻝ ﺍﻟﻌﻨﺎﻧﻴﻒ ﺍﻟﻮﺑﺮﺗﻮ ﻧﻀﻴﻔﺔ
ﻗﻠﻠﻮ ﺍﻟﺸﺮﺍﺏ ﺳﻴﺘﻠﻮ ﺍﻟﻌﻠﻴﻘﺔ ﺧﻔﻴﻔﺔ
ﺍﻟﺨﻠﺔ ﺍﻟﺒﺜﻠﺞ ﻋﻨﺪﻭ ﻣﻨﻲ ﻣﺨﻴﻔﺔ
ﻓﺎﻫﻤﺎ ﻣﻌﺘﻨﻲ ﻭﺳﻤﺤﺎ ﻃﺒﻴﻌﺘﻮ ﻋﻔﻴﻔﺔ
ﻳﺎﺗﻴﺲ ﺭﺯﻣﻲ ﺍﻟﻤﺰﺭﻗﻦ ﺭﺍﻋﺪﻭ
ﺧﺸﺒﻚ ﺩﻗﻮ ﻣﻦ ﺫﻭﺭﻙ ﺟﻨﺎﺣﻚ ﺑﺎﻋﺪﻭ
ﺳﻴﺪﻙ ﻛﺎﻥ ﻳﺘﻢ ﺍﻣﻠﻮ ﻭﻇﺮﻭﻓﻮ ﺗﺴﺎﻋﺪﻭ
ﻋﺎﺯﻡ ﺑﻜﺮﺓ ﺣﻮﺍ ﻻﻡ ﺷﺪﻳﺪﺓ ﻳﻮﺍﻋﺪﻭ
ﺳﻬﺮﺍﻧﺎ ﻣﺴﺎﻗﺪ ﻭﺟﻔﻨﻲ ﻣﺎﻳﻘﻮ ﻟﺠﻮﺝ
ﺍﺣﺴﺐ ﻓﻲ ﺍﻟﻨﺠﻮﻡ ﻭﺍﻟﻌﺎﺩﻱ ﺟﻨﺒﻲ ﻳﺴﻮﺝ
ﺟﺴﻢ ﺍﻟﻤﻨﻮ ﻟﻲ ﺟﻤﺮ ﺍﻟﻜﻤﻴﻦ ﻣﻔﺠﻮﺝ
ﺩﻫﺐ ﺑﺮﺗﻪ ﻭﺣﺮﻳﺮ ﻧﺎﻓﺸﻪ ﻭﻗﻄﻦ ﻣﺤﻠﻮﺝ
ﺍﻟﺸﺮﺍﺩ ﻳﻨﺎﺗﻞ ﻓﻲ ﺍﻟﺮﺑﺎﻁ ﺣﺪ ﻟﻴﻠﻮ
ﻋﺎﺭﻑ ﺍﻟﻨﻴﺔ ﺳﻔﺮﺓ ﻭﻟﻴﻬﺎ ﺷﺎﻣﺦ ﺣﻴﻠﻮ
ﺍﻟﺸﺎﻏﻞ ﺍﻟﻔﻜﺮ ﺗﺎﺗﺎﻱ ﻣﺸﻲ ﻭﻭﺣﻴﻠﻮ
ﻧﺎﻳﺮ ﻭﻧﺎﺩﻱ ﻋﺎﻟﻲ ﻋﻠﻲ ﺍﻟﺸﺒﺎﺏ ﺍﺳﻜﻴﻠﻮ
ﺍﺭﺟﻴﺖ ﺍﻟﻔﺠﺮ ﻭﺩ ﻋﻴﻨﻲ ﺟﺎﻓﻲ ﻣﻨﺎﻣﻮ
ﺻﻠﻴﺖ ﺍﻟﻮﻛﺖ ﻫﺎﻡ ﺑﻲ ﺍﻟﺸﺪﻳﺪ ﻭﻗﻴﺎﻣﻮ
ﺍﻧﺎ ﻭﺍﻟﻤﻘﺪﺭ ﺍﻟﺒﺪﺃ ﺑﺎﻟﻬﻴﺎﺝ ﻭﺯﻳﺎﻣﻮ
ﻋﺎﺑﻴﻴﻦ ﺳﻔﺮﺓ ﻟﻠﻨﻴﻠﺔ ﺍﻟﺴﺤﺎﺑﺔ ﻭﺷﺎﻣﻮ
ﺑﻌﺪ ﺍﻟﺸﺎﻱ ﻭﻋﻤﻞ ﺍﻟﻘﻬﻮﺓ ﻟﻠﺘﻠﺘﺎﻭﻱ
ﻗﻢ ﺷﺮﻋﻠﻮ ﺭﺳﻨﻮ ﺍﻟﻔﻲ ﺭﺑﻄﺒﺘﻮ ﺑﻼﻭﻱ
ﺍﻟﺨﻠﺘﻨﻲ ﺍﻫﺒﺮ ﺍﻟﺸﺎﻳﺔ ﻣﻦ ﺍﻟﺪﺍﻭﻱ
ﺳﺪﺭﺍ ﺷﺎﺏ ﻭﺭﺩﻓﺎ ﻟﻠﻤﻼﺑﺲ ﻃﺎﻭﻱ
ﻭﺩ ﺍﻟﺤﻮﺭﻱ ﻭﺍﻟﺮﻗﺎﺏ ﻣﻨﺴﻞ ﻋﺎﻳﺪ
ﻧﻮﺧﺘﻮ ﻭﺑﺮﻙ ﺗﻴﺲ ﺍﻟﻮﺣﻴﺶ ﺍﻟﻘﺎﻳﺪ
ﻛﺎﻥ ﻣﺎﻳﺒﻘﻰ ﻳﺎﻟﺸﺮﺍﺩ ﻋﺒﺎﺭﻙ ﺯﺍﻳﺪ
ﻣﺸﻮﺍﺭﻥ ﺑﻌﻴﺪ ﺩﻛﻚ ﺍﻟﻄﺒﺎﻳﻌﻮ ﺣﻤﺎﻳﺪ
ﻭﺩ ﺍﻟﻌﺎﻧﺲ ﺍﻟﺘﺤﻮﻳﺮﻭ ﺳﻤﺢ ﺻﻮﻓﺘﻮ
ﺷﺪﻳﺘﻮ ﻭﻟﺸﻖ ﻃﻮﻓﻮ ﻭﺣﺪﺭ ﻣﺨﻠﻔﻮﺗﻮ
ﻗﺼﺪﻱ ﺍﻟﻠﻴﻠﺔ ﺩﻫﺐ ﺍﻟﺒﺮﺗﺔ ﺍﺷﻮﻑ ﻣﻨﺴﻮﻓﺘﻮ
ﻗﺒﺎﻝ ﻓﻮﻗﻨﺎ ﺻﻘﻂ ﺍﻟﻤﺼﺮﻱ ﺗﻘﺮﻥ ﻓﻮﻗﻮ
ﺳﺮﺝ ﺍﻟﻤﻘﺪﺭ ﺍﻟﻠﺸﻘﺔ ﺍﻟﻄﻮﺍﻟﻪ ﻋﺮﺍﻗﺒﻮ
ﻟﺪﻳﺖ ﻏﺮﺩﻭ ﻟﺒﻴﺘﻮ ﻭﻛﺮﺏ ﻟﻮ ﻣﺤﺎﻗﺒﻮ
ﺍﺳﻤﻊ ﻳﺎﻟﺤﺴﺎﺏ ﺍﻟﺴﺒﻌﺔ ﺟﺪﻝ ﻋﺎﻗﺒﻮ
ﺳﻴﺪﻙ ﻗﺼﺪﻭ ﻣﺮﻭﺍﺡ ﺍﻟﻐﺮﺍﻣﺔ ﻣﺮﺍﻗﺒﻮ
ﻭﺩ ﺍﺏ ﺻﻴﺪﻩ ﻭﺟﻪ ﺑﺎﻟﻤﺴﺎﻓﺎﺕ ﺷﺎﻕ
ﻋﻘﺐ ﺍﻟﺴﻮﻕ ﻭﺍﺑﻮ ﺍﻟﻨﺎﻓﻠﺔ ﻭﻗﻬﻮﺓ ﺍﺳﺤﻖ
ﻧﺎﻃﺢ ﻣﻬﺮﺓ ﺍﻟﻌﺮﺿﺔ ﺍﻡ ﻧﺤﺎﺳﺎ ﺩﺍﻕ
ﻇﺮﻳﻔﺔ ﺟﻤﻴﻠﺔ ﺩﻳﺴﺔ ﻋﻠﻲ ﺍﻟﺤﺰﻡ ﻛﻼﻕ
ﺩﺭﻉ ﻓﺮﺷﻲ ﻓﻮﻗﻮ ﻭﺧﻠﻔﺖ ﺍﻟﺴﺎﻕ
ﻭﻗﺎﻡ ﺑﻲ ﺗﺎﺏ ﻫﺠﻴﻨﻲ ﺍﻟﻨﺎﻳﺒﻮ ﺑﺎﻗﺰ ﺷﺎﻕ
ﺭﺣﻴﻞ ﺍﻟﻌﻔﺮﺕ ﺍﻟﺒﺮﺍﻗﻮ ﻟﻔﻀﻮ ﺳﻴﺎﻕ
ﺳﺎﻫﻮ ﻋﻠﻲ ﻋﺠﻮﺓ ﺍﻟﻤﺸﺮﻕ ﺍﻟﺪﻓﺎﻕ
ﻭﺩ ﺟﻤﻞ ﺍﻟﺸﺪﺍﻳﺪﺓ ﺍﻟﻤﻘﺪﺭ ﺍﻟﺨﺒﺎﺏ
ﻗﺒﺾ ﺍﻟﺪﺭﺏ ﻭﻟﻔﺦ ﺍﻟﺤﻠﺔ ﻭﺍﻟﻬﺎﺷﻤﺎﺏ
ﻋﻠﻲ ﺍﻟﺤﺎﻭﻳﺔ ﺍﻟﺠﻤﺎﻝ ﻭﺍﻟﻌﻔﺔ ﻭﺍﻻﺩﺍﺏ
ﻏﺰﺓ ﻭﻓﺰﺓ ﺭﺣﻞ ﺟﺎﻟﺴﺔ ﺍﻡ ﻛﺮﺍﺏ
ﺷﺐ ﻓﻮﻕ ﺍﻟﻨﺨﻴﻼﺕ ﺍﻟﻀﺮﺍﻋﻮ ﺻﻤﻴﻢ
ﻓﺎﺕ ﺣﺪ ﺍﻟﺴﻴﺎﻟﺔ ﻭﻋﺰﺍﺯﺓ ﺍﻟﺒﻨﺰﻳﻢ
ﻋﻠﻲ ﻳﺎﻗﻮﺗﺔ ﺍﻟﺪﺭ ﺍﻟﻨﻔﻴﺲ ﻭﺍﺗﻴﻢ
ﻣﺼﻊ ﺍﻟﻜﻮﻋﻮ ﺷﺎﺭﺩ ﻭﻋﺰ ﺣﺮﺍﺭﺗﻮ ﻗﺪﻳﻢ
ﺿﺮﺍﻉ ﻭﺍﺳﻊ ﺍﻟﻌﺘﻤﻮﺭ ﺷﺮﻭﻓﻮ ﻭﺻﻴﻮ
ﻣﺪﺓ ﻭﻗﺪﺓ ﻓﺎﺕ ﺣﺴﺎﻥ ﻭﺫﻭﻟﺔ ﺣﻴﻮ
ﻧﺎﻃﺢ ﺍﻟﺨﻠﺔ ﺑﺼﺮﻱ ﺍﻟﻨﻮﻡ ﻣﺠﺎﻓﻲ ﺻﺒﻴﻮ
ﻭﺣﻼ ﺭﺩﻓﻮ ﺷﺎﻛﻴﺎﺕ ﺍﻟﺘﻴﺎﺏ ﻣﻦ ﻃﻴﻮ
ﻧﺴﻞ ﺍﻟﺤﻮﺭﻱ ﺟﻤﻞ ﺍﻟﻜﺎﻫﻠﻲ ﻭﺩ ﺣﺎﺝ ﺣﺎﻣﺪ
ﺣﺒﻮﺑﺎﺗﻮ ﺗﺴﻌﺔ ﻋﺰﺍﺯ ﺣﺴﺎﺑﻦ ﺟﺎﻣﺪ
ﻗﻔﺔ ﻭﺧﻔﺔ ﻟﻲ ﺑﻠﺪ ﺍﻟﻤﻌﺎﻧﺲ ﻋﺎﻣﺪ
ﻋﺎﺭﻑ ﺳﻴﺪﻭ ﻣﺼﺤﺒﻠﻮ ﺍﻟﺴﻬﺮ ﻣﻮ ﻏﺎﻣﺪ
ﺍﻟﺨﻼﻧﻲ ﺍﻧﺴﺒﻮﺍ ﻟﺒﻲ ﻧﻮﺍﻳﺒﻮ ﻳﻐﺎﻣﺪ
ﻛﺘﻞ ﺍﻟﺼﻴﺪﺓ ﺟﺪﻭ ﻃﺮﺩ ﺻﺒﺎﺡ ﻣﻮﻣﺮﺍﻣﺾ
ﺍﻟﺸﺮﺍﺩ ﻓﻼﻧﺔ ﺍﻟﺤﺎﻭﻳﺔ ﻛﻞ ﻣﺤﺎﻣﺪ
ﺍﻫﺠﻢ ﺩﻭﺭﻩ ﺻﺒﺢ ﻧﺎﺭﻱ ﺟﻤﺮﻫﺎ ﺧﺎﻣﺪ
ﻣﻦ ﻣﻴﻌﺔ ﺣﺪﻳﺪ ﺧﺘﺮ ﺍﻟﻜﺬﺍﺫﻱ ﻣﻘﻔﻰ
ﻗﺼﺪﻭﺍ ﻟﻴﻠﺔ ﻟﻲ ﻣﻮﻋﺪ ﻓﻼﻧﺔ ﻳﻮﻓﻲ
ﻋﻠﻲ ﺑﺮﻧﺠﻴﺔ ﺍﻟﺠﻴﻞ ﻟﻠﺒﻘﻴﺲ ﻭﻳﺼﻔﻲ
ﺷﺎﻝ ﺭﺍﺳﻮ ﻭﺯﻋﻞ ﺍﺧﺪ ﺍﻟﺮﺳﻦ ﻣﻦ ﻛﻔﻲ
ﺍﻟﺸﺮﺍﺩ ﺑﻌﺪ ﻭﺧﺮ ﻋﻠﻮ ﺍﻟﻘﻨﻄﻮﺭ
ﺗﺮﺍﻙ ﺍﻟﻠﻴﻠﺔ ﻋﻨﺪﻙ ﻣﺪﺓ ﻣﺎﻙ ﻣﺨﺘﻮﺭ
ﻫﺠﻴﻢ ﺍﻡ ﻭﺿﻴﺒﺎ ﻣﺮﻭﻱ ﺧﻤﺮ ﻭﻋﻄﻮﺭ
ﻋﻠﻴﻚ ﻣﺎﺑﻴﻘﺴﻰ ﻳﺎﺗﻴﺲ ﺍﻟﻌﻠﻮ ﺍﻟﻤﻤﻄﻮﺭ
ﺩﺍﻙ ﻋﻠﻢ ﺍﻟﻘﺪﻳﺤﺎﺕ ﺍﻟﺸﺮﻭﻓﻮ ﺍﺗﺒﺎﺩﻥ
ﺍﺳﺮﻉ ﺿﻤﻮ ﻻﺗﻌﻘﺪ ﺍﻟﻘﻔﻲ ﻭﺗﺘﻔﺎﺩﻥ
ﺳﺖ ﺗﻮﻩ ﺍﻟﺠﻤﺎﻝ ﺳﻤﺤﺔ ﺍﻡ ﺿﻔﺎﻳﺮﺍ ﻗﺎﺩﻥ
ﻛﺎﻥ ﻣﺎﺗﻤﺸﻲ ﻳﺎﻟﺸﺮﺍﺩ ﺑﻠﻮﺩﺓ ﺑﻌﺎﺩﻥ
ﻭﺩ ﺍﺏ ﺻﻴﺪﻩ ﺳﺎﻋﺔ ﻗﺘﻠﻮ ﺣﻴﻠﻚ ﺷﺪﻭ
ﻣﻨﻊ ﺍﻟﺴﻮﻁ ﻭﺷﻮﺵ ﻭﺟﺎﺏ ﻧﻘﺎﻳﺐ ﺟﺪﻭ
ﻋﻠﻲ ﺍﻟﺨﻠﺘﻨﻲ ﻧﺠﻢ ﺍﻟﻠﻴﻞ ﺍﻏﻔﺮﻭ ﻭﺍﻋﺪﻭ
ﺧﺮﺕ ﺍﻟﺬﻡ ﻭﻧﻔﺾ ﺍﻟﺴﺮﺝ ﻭﻗﻄﻊ ﻗﺪﻭ
ﺍﻟﻤﻦ ﻛﻞ ﻋﻴﻦ ﺣﻮﻳﺘﻮ ﺟﻴﻠﻲ ﺍﻟﻘﻮﻡ
ﺟﺪﻭ ﺍﻟﻨﺎﺱ ﺑﺴﻮﻫﻮ ﻃﻠﻴﻌﺔ ﺯﻣﻦ ﺍﻟﻘﻮﻡ
ﺟﺎﻓﻼ ﺑﺎﻟﺬﻣﺎﻡ ﺻﺎﺭﻑ ﺯﻭﺍﻝ ﺍﺏ ﺩﻭﻡ
ﻗﺼﺪﻭ ﻳﻮﺍﻗﻞ ﺍﻟﻤﻨﻌﺖ ﺑﺼﺮﻧﺎ ﺍﻟﻨﻮﻡ
ﻳﺎﻟﺸﺮﺍﺩ ﺳﺒﻊ ﺳﻤﺮﺍﺕ ﻋﻘﺒﺖ ﻗﻮﻳﺰﻥ
ﻧﺎﻃﺢ ﺍﻟﻌﻨﺪﻫﺎ ﻛﻴﻮﻓﻨﺎ ﻭﺣﻈﻮﻇﻨﺎ ﻭﻣﻴﺰﻥ
ﺍﻟﻠﺴﻌﺎﺕ ﻏﺮﺍﻣﺔ ﻏﻠﺒﻨﺎ ﻧﻜﺘﻢ ﻏﻴﺰﻥ
ﺳﻤﺤﺔ ﻭﻓﺎﻫﻤﺔ ﻧﺬﺭﺓ ﻋﻔﻴﻔﺔ ﻣﺎﻩ ﻗﺮﻳﺰﻥ
ﺍﻟﻌﻘﺪ ﺍﻟﺤﻤﺮ ﺟﻴﺘﻦ ﻣﺸﻴﻚ ﺷﺮﺍﺩ
ﺷﻘﻴﺘﻦ ﻣﺸﻮﺵ ﻭﻟﻲ ﻫﺴﺎﻟﻚ ﺷﺎﺩ
ﺑﻌﺪ ﺩﻭﻣﻚ ﺑﻜﻰ ﻭﺧﻔﻴﺖ ﻭﺟﻨﻚ ﺯﺍﺩ
ﻳﻘﻦ ﺩﻭﻥ ﻓﻼﻧﺔ ﺍﻟﻔﺎﻫﻤﺔ ﻣﺎﻓﻲ ﺭﻗﺎﺩ
ﻋﻘﺎﺩ ﺍﻡ ﻋﻘﺎﺭﺏ ﻓﺎﺗﻮ ﺫﻱ ﺍﻟﻠﻤﺤﺔ
ﺟﺎﻓﻞ ﺑﺎﻟﺬﻣﺎﻡ ﻛﻞ ﻣﺮﺓ ﻳﺎﺧﺪ ﻃﻤﺤﺔ
ﻧﺎﻃﺢ ﺍﻟﺬﻭﻗﻪ ﻟﻲ ﻛﻞ ﺍﻟﻤﺤﺒﺎﺕ ﻳﻤﺤﻪ
ﻗﻠﺒﻲ ﺑﺮﻳﺪﻩ ﻣﺎﻫﺎ ﺑﻠﻴﺪﺓ ﻓﺎﻫﻤﺔ ﻭﺳﻤﺤﺔ
ﻟﺤﺎﻕ ﺍﻟﻨﻌﺎﻡ ﺍﻟﺴﺪﺭﻭ ﻭﺍﺳﻊ ﻭﺷﺎﺏ
ﻣﺼﻌﻲ ﻣﻬﺪﺩ ﺍﻟﻤﺨﻠﻮﻓﺔ ﻭﺍﻟﺮﻛﺎﺏ
ﺧﺖ ﺣﻦ ﻓﺘﻮ ﻗﺒﺎﻝ ﻳﻜﺘﻢ ﺍﻟﻬﺒﺎﺏ
ﻧﺎﻃﺢ ﺍﻟﺬﻭﻗﺔ ﻓﺎﻳﻖ ﺭﺍﺳﻲ ﻣﻮﺗﺒﺎﺏ
ﻳﺎﻟﺸﺮﺍﺩ ﻋﻘﺪ ﻛﺎﻧﺠﻴﻞ ﺑﻌﻴﺪﻩ ﺷﺮﻭﻓﻦ
ﺯﻭﻉ ﻭﺍﺗﻌﺐ ﻗﻮﺍﻳﻤﻚ ﻭﺍﺳﺘﻌﻴﻦ ﺑﻲ ﻛﻔﻮﻓﻦ
ﻛﺎﻥ ﺍﻟﻠﻴﻠﺔ ﺑﻠﺪﺍﻥ ﺍﻡ ﻃﻌﻢ ﻣﺎ ﺗﻄﻮﻓﻦ
ﺍﻟﻐﻨﺎﺀ ﻭﺍﻟﺼﻌﻮﺕ ﻭﺍﻟﻌﻴﺶ ﺟﺤﺪ ﻣﻌﺮﻭﻓﻦ
ﻗﺎﻝ ﻟﻲ ﺍﻟﻌﻠﻮﻕ ﺍﻟﺴﺎﺳﻮ ﻗﻮﻱ ﻋﻀﺎﻣﻲ
ﻋﺎﺭﻓﻚ ﺩﺍﻓﻘﻮ ﻟﻲ ﺍﻫﺠﻤﺒﻲ ﺭﻛﻒ ﺍﻟﺸﺎﻣﻲ
ﻛﺎﻥ ﻃﺎﻭﻋﺘﻠﻲ ﺍﻟﺤﺴﻜﺔ ﻭﺭﺧﻴﺘﻠﻲ ﺯﻣﺎﻣﻲ
ﺑﻮﻳﻚ ﺿﺮﻋﻲ ﻟﻲ ﻭﺍﺳﻊ ﺍﻟﺨﻼ ﺍﻟﻘﺪﺍﻣﻲ
ﻭﺩ ﺍﺏ ﺻﻴﺪﺓ ﺍﺭﻓﻖ ﺑﺎﻟﻘﺸﺎﻁ ﻭﺍﻟﺪﺍﻳﺮ
ﺗﺎﺧﺪ ﻣﺮﺣﺔ ﻭﺯﻳﻦ ﻣﺎﻧﻄﺔ ﺷﺮﻓﺎ ﻃﺎﻳﺮ
ﺍﻟﻜﺎﺗﻼﻫﻮ ﺳﻴﺪﻙ ﻳﺎﻟﻌﺒﺎﺭﻙ ﺟﺎﻳﺮ
ﻣﻬﺮﺓ ﺩﻛﺔ ﻣﺎﺑﺘﺸﻮﻑ ﺷﻤﻮﺱ ﻭﻫﺠﺎﻳﺮ
ﺍﺩﺭﻉ ﻗﺮﺡ ﺍﻟﺮﻳﻞ ﺍﻟﺴﻜﻮﻧﻮ ﻣﺤﺎﻳﺮ
ﻓﻮﻗﻮ ﺍﻟﺠﺪﻭ ﺷﻔﺎﻉ ﺍﻟﺬﻧﻮﺏ ﻭﻛﺒﺎﺋﺮ
ﻓﺎﺕ ﺷﺪﺭ ﺍﻟﻄﻠﻲ ﻭﺑﻘﻰ ﻟﻠﺒﻌﻴﺪﺓ ﺑﻀﺎﻳﺮ
ﻧﺎﻃﺢ ﻣﻬﺮﺓ ﺣﺎﻓﻠﺔ ﻭﻇﺒﻴﺔ ﺧﺪﻫﺎ ﻧﺎﻳﺮ
ﺍﻟﻤﺎﻧﻌﻨﺎ ﻣﺎﻧﺸﺮﻱ ﻭﻧﺒﻴﻊ ﻭﻧﺘﺠﺮ
ﺳﻤﺤﺎ ﻭﺟﻬﻪ ﻛﺎﻟﺒﺪﺭ ﺍﻟﺸﻌﺎﻋﻮ ﻣﻔﺠﺮ
ﺍﻟﺨﻼﻧﻲ ﺍﻗﻮﻡ ﻭﺍﻗﻌﺪ ﻭﺍﻏﻨﻲ ﻭﺍﺳﺠﺮ
ﻗﻴﻞ ﺩﻭﻧﻮ ﻟﻠﺸﺮﺍﺩ ﻗﺒﻞ ﻻﻳﻬﺠﺮ
ﺗﻴﺲ ﻭﺣﺶ ﺍﻟﻌﻠﻮ ﺍﻟﺨﻮﺭ ﺍﺏ ﻗﺮﻑ ﺗﺒﺒﻠﻮ
ﻓﻲ ﺷﺪﺭ ﺍﻟﺪﻗﻦ ﺗﺎﻻ ﺍﻟﺸﻤﺎﻝ ﻫﺒﺒﻠﻮ
ﻋﻠﻲ ﺳﺖ ﺍﻟﺼﺒﺎ ﺍﻟﺬﻭﻗﻪ ﺍﻟﻘﻠﺐ ﺣﺒﺒﻠﻮ
ﺷﺪﻳﺘﻮ ﻭﺭﻛﺐ ﺧﺮﺕ ﺍﻟﺮﺳﻦ ﺭﺑﺒﻠﻮ
ﻗﺎﻡ ﻣﻦ ﻣﺒﺮﻛﻮ ﺍﻟﺸﺮﺍﺩ ﻳﺨﺐ ﻣﺘﺰﺍﻳﺪ
ﻋﺎﺭﻑ ﺳﻴﺪﻭ ﻣﺨﻠﺺ ﻗﻠﺒﻮ ﺣﺎﺑﺎ ﺭﺍﻳﺪ
ﺍﻻﻣﺎﺗﻮ ﺩﺭﺗﻦ ﻭﺩ ﺣﺮﻳﺮﻱ ﻃﺮﺍﻳﺪ
ﺍﻟﺪﻭﻑ ﻣﻬﺮﺓ ﻭﺍﻟﺨﺪ ﺑﻬﺮﺓ ﻭﺍﻟﺪﻳﺲ ﻗﺎﻳﺪ
ﻫﺠﻴﻦ ﺍﻟﺠﺮﺣﻮ ﻓﺘﻘﻨﻮ ﺍﻟﺒﺮﻭﻕ ﺑﻲ ﺩﻋﺎﺷﻦ
ﻣﻦ ﻗﺎﻡ ﻣﻦ ﻣﻘﻴﻠﻮ ﻋﺎﺭﻓﻨﻲ ﻟﻴﻬﻮ ﻣﺨﺎﺷﻦ
ﻋﻠﻲ ﺳﻴﺪ ﺍﻟﺠﻤﺎﻝ ﺍﻟﺤﺎﺩﻕ ﺍﻟﻤﻮ ﺩﺍﺷﻦ
ﻟﻮﺑﻊ ﻭﺍﻟﺠﻮﺍﻟﺲ ﺭﺣﻠﻦ ﺑﻲ ﻓﺮﺍﺷﻦ
ﻋﻨﺎﻓﻲ ﺍﻟﺮﺑﺎﻁ ﺍﻟﻌﻨﺪﻭ ﻣﺪﺓ ﻣﻤﻘﺎﺭ
ﺯﺍﺩﻟﻮ ﺍﻟﺘﻘﻲ ﺣﺒﻮﺑﺎ ﻋﻠﻴﻬﻦ ﻣﻐﺎﺭ
ﻋﻘﺐ ﺍﺏ ﻋﺶ ﻳﺮﺵ ﺧﺮﺕ ﺍﻟﺮﺳﺎﻧﺔ ﻭﻓﺎﻗﺮ
ﻗﺼﺪﻭ ﻣﺒﻴﺖ ﻣﻊ ﺍﻟﻨﻮﺭ ﺧﺪﻭ ﻣﺎﺑﺘﻮﺍﻗﺮ
ﻳﺎﺍﺏ ﺗﻘﺰﻱ ﺍﻟﺨﺒﻴﺒﻚ ﻛﻠﻮ ﺳﻴﺘﻮ ﺯﻭﺍﻋﺔ
ﻓﺖ ﺣﺪ ﺍﻟﺸﺪﺭ ﺷﺎﻕ ﺍﻟﺒﻄﺎﻧﺔ ﺍﻟﻘﺎﻋﺔ
ﺑﻌﺪ ﺍﻟﺤﺮ ﺑﺮﺩ ﻭﺍﻻﻥ ﺗﻼﺗﺔ ﺍﻟﺴﺎﻋﺔ
ﻋﺠﻠﻚ ﺗﺮﻭ ﺍﻫﺠﻢ ﺩﻛﺔ ﺍﻟﻤﺮﻧﺎﻋﺔ
ﺩﻕ ﺯﻭﺭﻙ ﺻﻐﻴﺮ ﺣﺠﻤﻮ ﻭﺟﻴﻮﺑﻚ ﻭﺍﺳﻌﺔ
ﺑﺖ ﺍﻡ ﻗﺮﻣﺔ ﺣﺒﻮﺑﺔ ﺍﻡ ﺍﺑﻮﻙ ﺍﻟﺘﺎﺳﻌﺔ
ﻣﺎﺩﺍﻡ ﺍﻻﺭﺽ ﻋﻘﺒﺔ ﻭﺧﻼ ﻭﻣﺴﺎﺳﻌﺔ
ﺍﺧﻠﺺ ﻓﻲ ﺍﻟﻤﺸﻲ ﻭﺁﻗﻞ ﺍﻡ ﻋﻘﺎﺭﺑﺎ ﻻﺳﻌﺔ
ﻗﺎﻝ ﺍﻟﺨﺒﻴﺐ ﺍﻟﺒﻴﻬﻮ ﺑﺘﻮﺻﻴﻨﻲ
ﻣﺎﻻﺣﻈﺘﻮ ﻓﻲ ﻛﻔﻲ ﺍﻟﺸﻤﺎﻝ ﻭﻳﻤﻴﻨﻲ
ﺑﻠﺪ ﺍﻟﻔﻤﺔ ﺍﺯﺭﻕ ﻭﻓﺎﻃﺮﻭ ﺍﺑﻴﺾ ﺻﻴﻨﻲ
ﺑﺪﻧﻲ ﺑﻌﻴﺪ ﻭﺑﻲ ﺍﻥ ﺷﺎﺀ ﺍﻟﻜﺮﻳﻢ ﻭﻋﻨﻴﻨﻲ
ﺍﻟﻌﺘﺮﻭﺑﺔ ﻳﺎﻟﺸﺮﺍﺩ ﺯﻭﺍﻟﻪ ﺍﻟﺒﺎﺩﻱ
ﻓﺘﻮ ﻭﻗﺰ ﺑﺼﺮﻙ ﻓﻲ ﺍﻟﺸﺮﻭﻑ ﺍﻟﻐﺎﺩﻱ
ﻭﺁﻗﻞ ﺳﻤﺤﺔ ﺍﻟﻬﻀﻠﻴﻢ ﻧﻌﺎﻡ ﺍﻟﻮﺍﺩﻱ
ﻓﺎﻫﻤﺔ ﺑﻼ ﺗﻜﻠﻒ ﺫﺍﻛﻲ ﺫﻫﻨﻬﺎ ﻋﺎﺩﻱ
ﺩﻧﺎﻱ ﺍﻟﺒﻌﻴﺪ ﻭﺩ ﺍﻟﻌﺰﺍﺯ ﻭﻋﻮﺍﺩﻱ
ﺣﺬﺭﻳﻚ ﻣﻦ ﻟﺴﺎﻥ ﺍﻟﺴﻮﻁ ﻋﻠﻴﻚ ﻳﻘﺎﺩﻱ
ﻳﺎﻟﺸﺮﺍﺩ ﻓﻼﻧﺔ ﺍﻟﺠﺎﻙ ﻃﺮﻳﻘﺔ ﺍﺧﺪﺍﺩﻱ
ﺭﺩﻓﻬﺎ ﺧﻴﻞ ﻭﻋﻨﻘﻬﺎ ﺻﻴﺪ ﻭﻗﺮﻧﻬﺎ ﻧﺎﺩﻱ
ﻭﺧﺮ ﺷﻴﻨﻜﻮ ﻗﺎﺭﺡ ﺍﻟﺒﺎﺩﺭﻥ ﻣﺮﺷﺎﺷﻦ
ﻃﺎﻣﺢ ﺑﺎﻟﺬﻣﺎﻡ ﻧﻬﺪﻭ ﺍﻟﻌﻨﺞ ﻣﺎﻧﺎﺷﻦ
ﺍﻟﺨﻠﺖ ﺣﻤﻴﺮﻭ ﻣﻘﻠﺪﻥ ﺑﺸﺎﺷﻦ
ﺳﻤﺤﺔ ﺳﻤﺎﺣﺔ ﺍﻟﺼﻴﺪ ﻭﺍﻟﺨﻴﻮﻝ ﻳﻮﻡ ﻓﺎﺷﻦ
ﺟﻴﺖ ﺧﺎﺗﻢ ﺍﻟﻔﺮﻉ ﻛﺎﺳﺮ ﺳﺠﻮﻧﺎ ﻫﺎﺭﺏ
ﺳﻜﺮﺍﻥ ﺑﻨﻘﻮ ﺳﺎﻃﻞ ﻣﻦ ﻛﻠﺒﻚ ﺷﺎﺭﺏ
ﺑﻠﺪ ﺍﻟﺴﻤﺤﺔ ﻳﺎﻟﺸﺮﺍﺩ ﺑﻘﻴﺖ ﻟﻮ ﻣﻘﺎﺭﺏ
ﺟﺐ ﻟﻮ ﺟﻔﻴﻞ ﺍﺑﻮﻙ ﺳﻤﺢ ﺍﻟﺴﺪﺭ ﻭﺍﻟﻐﺎﺭﺏ
ﻋﻘﺐ ﺍﺏ ﻋﻴﻞ ﺍﺏ ﺗﺮﻋﺎ ﺗﺮﺵ ﻣﻲ ﻫﺎﻣﺴﺔ
ﻋﺮﻑ ﺍﻟﻠﻴﻠﺔ ﺩﻳﺮﺓ ﺍﻡ ﺧﺪ ﺑﻘﺘﻠﻮ ﻣﻼﻣﺴﺔ
ﺍﻟﻤﺤﻴﺎﻫﺎ ﻣﺼﺒﺎﺡ ﺍﻟﻠﻴﺎﻟﻲ ﺍﻟﺪﺍﻣﺴﺔ
ﺗﺎﺑﺮﺓ ﺧﻴﻞ ﺣﺠﻮﻟﺔ ﺍﻟﻐﺮﺓ ﻟﻴﻬﻦ ﺧﺎﻣﺴﺔ
ﺍﻟﻤﺎﺭﻳﻤﺒﺔ ﻭﺍﻟﻘﻠﻌﺔ ﺍﻡ ﺣﺠﺎﺭ ﻭﺟﺒﻴﻠﻦ
ﺟﺎﻫﻦ ﻃﺎﻳﺮ ﺍﻟﻀﺮﻋﺎﺗﻮ ﺟﺎﻳﺮ ﻛﻴﻠﻦ
ﻗﺼﺪﻭ ﻣﺒﻴﺖ ﻣﻊ ﺍﻟﻌﻘﻞ ﺍﻟﺒﻴﻨﺪﻱ ﻓﻠﻴﻠﻦ
ﻗﺒﺎﻝ ﺍﻟﺪﻣﺎﺳﺎﺕ ﻓﻮﻗﻨﺎ ﻳﻈﻠﻢ ﻟﻴﻠﻦ
ﺍﻟﻬﺮﺑﺔ ﻭ ﺷﻘﻮﻕ ﺍﻟﻤﺰﺭﻋﺔ ﺍﻟﻤﻄﺮﻳﺔ
ﺟﻤﻌﻦ ﺍﻟﻜﻔﻮﻓﻮ ﺳﺮﺍﻋﺔ ﻣﺎﻫﺎ ﺑﻄﺌﻴﺔ
ﺍﻟﺒﺴﻤﺎﺗﺔ ﺗﺪﻫﺶ ﻭﺍﻓﺮ ﺍﻟﻌﻘﻠﻴﺔ
ﻋﺪﻭ ﻣﻌﺎﻫﺎ ﻳﺎﻟﺸﺮﺍﺩ ﻣﺒﻴﺘﻨﺎ ﻋﺸﻴﺔ
ﻧﺴﻞ ﺍﺑﻮ ﺻﻴﺪﺓ ﻭﺍﻟﻜﺴﺎﺭ ﻭﻻﺩ ﺍﻟﺤﻮﺭﻱ
ﺍﺟﺪﻉ ﻓﻮﻕ ﻳﻤﻴﻨﻚ ﻓﻚ ﻃﺮﻳﻖ ﺍﻟﻠﻮﺭﻱ
ﺍﻟﺤﺘﻤﻨﺎ ﻧﺮﻗﺪ ﻗﺼﺮﻫﺎ ﺍﻟﺠﻤﻬﻮﺭﻱ
ﻗﺪ ﺳﺮﺟﻚ ﻋﻮﻯ ﻭﺩﻕ ﺍﻟﻮﺗﺮ ﺍﻟﻤﻨﺼﻮﺭﻱ
ﺣﺒﻮﺑﺔ ﺍﻡ ﺍﺑﻮﻙ ﺻﻬﺒﺔ ﻭﻋﻠﻴﻬﺎ ﻛﺮﻳﺖ
ﻭﺟﺪ ﺟﺪﻙ ﻣﻦ ﺍﻟﻌﻴﻦ ﻣﺨﻔﻲ ﺑﺎﻟﻜﺮﻳﺖ
ﻋﻠﻲ ﻗﺴﻴﻤﺔ ﺟﻨﺎﺯﻳﺮ ﺍﻟﺪﻫﺐ ﻓﻲ ﺟﺒﻴﺖ
ﻳﺎﻟﺸﺮﺍﺩ ﺩﺧﻠﻨﺎ ﺍﻟﺤﻲ ﻭﺭﺍﺱ ﺍﻟﻘﻴﺖ
ﺗﺮﻋﺔ ﺧﺎﻣﺴﺔ ﻳﺎﻟﺸﺮﺍﺩ ﻋﻘﺐ ﻛﺒﺮﻳﻬﺎ
ﻭﺍﻗﻞ ﺳﻤﺤﺔ ﻭﺍﻟﻔﺮﻗﺎﺕ ﺟﻤﻊ ﻗﺎﺳﻴﻬﺎ
ﻋﻠﻲ ﺍﻟﺠﺮﺣﺎﺗﻪ ﺩﻛﺘﻮﺭ ﻏﻴﺮﻩ ﻣﺎﺑﺪﺍﻭﻳﻬﺎ
ﻫﻴﻨﺔ ﻭﻟﻴﻨﺔ ﻟﻮﺣﺎﺗﻪ ﺍﻟﺸﻌﺮ ﻛﺎﺳﻴﻬﺎ
ﺩﻭﺭﺍﻥ ﻏﺎﻳﺲ ﺍﻟﺒﺮﻕ ﺍﻟﺴﺤﺎﺑﻮ ﺑﺮﻋﺪ
ﺩﻧﺎﻱ ﺑﻮﻧﺔ ﻣﺎﻫﻮ ﻟﻠﻘﺮﻳﺒﺔ ﺑﺒﻌﺪ
ﻭﺧﺮ ﻗﻨﻄﺮﺓ ﺗﺎﺗﺎﻱ ﻭﻗﻔﺔ ﻣﺼﻌﺪ
ﻧﺎﻃﺢ ﺍﻟﻤﺪﺭﻉ ﺍﻟﻔﻮﻕ ﺍﻟﻨﺤﺎﺱ ﻣﺘﻘﻌﺪ
ﻳﺎﺍﺏ ﻗﻨﻔﺔ ﺍﻟﻤﺼﻴﻒ ﻓﻮﻕ ﻋﺴﻴﻦ ﻭﻣﻠﻴﻦ
ﺟﻴﺖ ﺑﺎﺭﻱ ﺍﻟﺪﺑﻞ ﻋﺎﺭﻕ ﺍﺭﺑﻌﺔ ﻭﻋﺸﺮﻳﻦ
ﺍﻟﺨﻼﻧﺎ ﻧﺠﺮﻱ ﻋﻠﻴﻬﺎ ﻣﺸﺘﺎﻗﻴﻦ
ﺫﻭﻗﻪ ﻃﺒﻴﻌﻲ ﻭﻫﺒﻲ ﺫﻛﺎﻫﺎ ﻣﻮﺗﻔﻨﻴﻦ
ﻣﻌﻨﺎﺩ ﺍﻟﺮﺳﻦ ﻧﺎﻗﻲ ﺍﻟﺨﺘﻢ ﻭﺍﻟﻌﺮﻕ
ﻋﻘﺐ ﺍﻟﻨﺎﺟﺤﻲ ﻭﺍﻟﺸﻴﺦ ﺫﻱ ﻟﻤﺤﺔ ﺍﻟﺒﺮﻕ
ﻋﻠﻲ ﺍﻟﻤﻌﺪﻭﻣﺔ ﻏﺮﺏ ﻭﺻﻌﻴﺪ ﻭﺳﺎﻓﻞ ﻭﺷﺮﻕ
ﺷﺎﻑ ﺍﻟﻠﻴﻞ ﻗﺮﺏ ﺩﺍﻳﺮ ﻳﺠﻴﺐ ﺍﻟﻔﺮﻕ
ﻗﻬﻮﺓ ﻋﻴﺴﻰ ﻭﺍﻟﻔﺴﺤﺔ ﻭﻛﺎﺗﺐ ﺍﻟﺼﺮﻑ
ﻟﻮﺑﻊ ﻭﻓﺎﺗﻦ ﺍﻟﺘﺪﺭﻱ ﺍﺏ ﻋﻠﻮﻗﺎ ﻏﺮﻑ
ﻗﻤﺰﻱ ﺍﻟﻠﺮﻳﻞ ﺍﻟﺨﻠﻌﻮ ﻭﺧﺘﺎﻫﻮ ﺍﻟﻈﺮﻑ
ﺳﺎﻫﻮ ﻋﻠﻲ ﺟﻤﻴﻞ ﺍﻟﺨﺪ ﻛﺤﻴﻞ ﺍﻟﻄﺮﻑ
ﻫﺠﻴﻦ ﺍﻟﺤﺎﺟﺒﻮ ﻛﺎﻟﻨﻮﻥ ﺍﻟﻤﺤﻜﻢ ﺣﺮﻑ
ﺟﻤﻞ ﻣﺨﻠﻮﻓﺘﻲ ﻣﺎﻫﻮ ﺑﻌﻴﺮ ﺣﻮﻳﺔ ﻭﻗﺮﻑ
ﺍ ﻣﺪﺭﻋﺔ ﺍﻟﻤﻐﺎﺩﺭﺓ ﻛﺪﻳﺐ ﻟﺘﻴﺐ ﺍﻟﺼﺮﻑ
ﺑﻴﻨﻚ ﻭﺑﻴﻨﺎ ﻳﺎﻟﺸﺮﺍﺩ ﻧﻮﺍﻳﻢ ﻭﺷﺮﻑ
ﻭﺩ ﺍﺏ ﺻﻴﺪ ﻭﺳﻊ ﻟﻠﻤﺴﺎﻓﺎﺕ ﺑﺎﻟﻮ
ﻭﺧﺮ ﺗﺮﻋﺔ ﻭﺍﺣﺪ ﻭﺫﺍﻉ ﻭﺷﺪ ﻫﺴﺎﻟﻮ
ﻗﺼﺪﻭ ﺍﻟﻠﻴﻠﺔ ﻫﺠﻴﻢ ﺍﻟﺤﻤﻴﺪﺓ ﺧﺼﺎﻟﻮ
ﻏﺮﺏ ﻭﺻﻌﻴﺪ ﻭﺳﺎﻓﻞ ﻭﻗﺒﻠﺔ ﻣﺎﻓﻲ ﻣﺠﺎﻟﻮ
ﺯﻣﻴﻠﻨﺎ ﺍﻟﺼﺎﺩﻕ ﺍﻟﻔﻲ ﺍﻟﻘﺎﻓﻴﺔ ﺷﺎﺭﺡ ﻭﻣﺎﺗﻦ
ﻋﻤﺎﻟﻮ ﻭﺣﻮﺍﻭﻳﺸﻮ ﺍﻟﻤﺸﻤﻢ ﻓﺎﺗﻦ
ﺑﺎﻟﻤﺼﻌﻲ ﻭﺟﺮﻳﻚ ﺍﻟﺨﻠﺔ ﺳﺮﺟﻚ ﺭﺍﻃﻦ
ﻗﺮﺏ ﻟﻲ ﻓﻼﻧﺔ ﻭﺍﻟﺰﻭﺍﻻﺕ ﺟﻤﻌﺖ ﺷﺘﺎﺗﻦ
ﻳﺎﻗﺎﺭﺡ ﺗﻴﻮﺱ ﻣﺎﺩﺓ ﺍﻟﻤﻘﺎﺷﺮ ﺍﻟﺤﺎﻳﻢ
ﺟﻴﺖ ﻋﺎﺭﻕ ﺍﻟﻌﺮﻳﺾ ﺑﻴﻦ ﺍﻟﻘﻤﺢ ﻭﺍﻟﻨﺎﻳﻢ
ﺍﻟﺒﻲ ﺩﺭﻳﺒﺔ ﻳﻮﻣﻚ ﻛﻠﻮ ﺗﻤﺼﻊ ﻋﺎﻳﻢ
ﺍﺭﻳﻞ ﺷﺎﺭﻓﺔ ﻛﺎﺭﻓﺔ ﺩﻋﺎﺵ ﺑﺮﻭﻕ ﻭﻧﺴﺎﻳﻢ
ﺷﻴﻮﺥ ﺧﻂ ﺍﻟﺒﻄﺎﻧﺔ ﻭﻭﺍﺭﺛﻴﻦ ﺳﻠﻔﺎﻙ
ﻋﻘﺒﺖ ﻣﻨﺎﺯﻟﻦ ﻟﻲ ﺧﺮﻭﺱ ﺣﺴﻜﺘﻚ ﻓﺎﻙ
ﺍﻟﺮﻗﻖ ﺿﻤﻴﺮﻙ ﻭﺣﺮ ﺷﻴﻮﻡ ﻭﻛﻼﻙ
ﻗﺮﺏ ﻳﺎﻗﺎﺭﺡ ﺍ ﻣﺪﺭﻋﺔ ﺍﻟﻜﺮﻓﺖ ﻫﻮﺍﻙ
ﻗﺎﻳﺪ ﺍﻟﻘﻮﺩ ﺑﻌﺪ ﻣﺎﻳﻜﻮﻥ ﻣﺸﻴﻬﻮ ﻋﻨﻴﻦ
ﻣﺘﻞ ﻟﻮﺣﺔ ﺍﻟﺒﺼﺮ ﻋﻘﺐ ﺍﻟﻄﺮﻳﻔﻴﻦ
ﺧﺘﻢ ﺍﻟﻤﺼﺮﻑ ﺍﻟﺸﺮﺍﺩ ﺟﻮﺍﻟﺴﻮ ﺗﻨﻴﻦ
ﻗﺼﺪﻭ ﺍﻟﻴﻮﻡ ﻳﺸﻮﻑ ﺣﻮﺭﻳﺔ ﻣﻦ ﺍﻟﻌﻴﻦ
ﺷﻮﺡ ﺯﻣﻞ ﺍﻟﺮﺑﺎﻁ ﺍﻟﻜﻤﻞ ﺍﻻﺣﺮﺍﺭ
ﻓﺎﺕ ﻣﻨﺰﻝ ﺣﻤﻴﺪ ﺍﻟﺴﻤﻌﺔ ﺣﺎﺝ ﻣﺨﺘﺎﺭ
ﻳﺎﻟﺸﺮﺍﺩ ﻓﻼﻥ ﻛﺤﻴﻠﺔ ﺍﻻﺑﺼﺎﺭ
ﻇﺮﻳﻔﺔ ﻭﻭﺣﻠﺔ ﻣﺎﺷﺎﻟﻦ ﻗﺪﻭﻣﺔ ﻏﺒﺎﺭ
ﻳﺎﻗﺎﺭﺡ ﺍﻟﺘﻴﻮﺱ ﺍﻟﻘﻔﺮ ﻧﺒﻲ ﻧﻘﻮﻋﺔ
ﻳﻮﻣﻚ ﺭﺍﺡ ﻭﺷﻤﺴﻚ ﺿﺮﺿﺮﺕ ﻟﻲ ﻭﻗﻮﻋﺔ
ﺑﻌﺪ ﺳﺮﺟﻚ ﻋﻮﻯ ﻭﺩﻭﻣﺘﻚ ﺩﻓﻖ ﻣﺠﻤﻮﻋﺔ
ﺍﺭﺟﻰ ﺍﻟﻐﻴﺒﺔ ﻋﻨﺪ ﺍ ﻣﺬﻛﺮﺓ ﻣﺮﻓﻮﻋﺔ
ﻳﺎﻟﺸﺮﺍﺩ ﺑﺪﺕ ﺭﻳﺮﺓ ﻭﻋﻠﻢ ﺳﻜﺎﻧﺔ
ﻓﻴﻬﺎ ﺍﻟﻌﻮﺩﺓ ﺍﻟﻴﻦ ﻣﻦ ﻓﺮﻭﻉ ﺍﻟﺒﺎﻧﺔ
ﻣﺎﺩﺍﻡ ﺍﻧﺖ ﻛﻔﻚ ﻟﻠﻤﺴﺎﻓﺎﺕ ﺩﺍﻧﺔ
ﺍﻧﺎ ﻭﺍﺛﻖ ﺍﺷﻮﻑ ﺭﻭﻗﺔ ﻭﺟﻤﺎﻝ ﻭﺭﺯﺍﻧﺔ
ﺍﻟﺨﺸﺐ ﺍﺏ ﺳﻠﻚ ﻭﺍﻟﻘﻨﻄﺮﺓ ﺍﻡ ﺗﻠﻔﻮﻥ
ﺟﺎﻫﻦ ﺟﺎﻓﻞ ﺍﻟﺸﺮﺍﺩ ﻧﻀﻴﻒ ﺍﻟﻠﻮﻥ
ﺩﺭﻋﺎﺕ ﺍﻟﺒﺠﺎﺩﻋﻦ ﺑﺎﻟﺒﻄﺎﻧﺔ ﻫﻨﻮﻥ
ﻛﻠﺖ ﺩﻧﺎﻱ ﻣﺴﺎﻓﺎﺕ ﺍﻟﺨﻼﻫﻦ ﺑﻮﻥ
ﻳﺎﺟﻤﻞ ﻳﻮﻡ ﺭﻓﻌﺖ ﺍﻟﻬﺒﻮﻝ
ﻓﺖ ﻧﺎﻳﻢ ﺣﻮﺍﻭﻳﺶ ﺍﻟﻘﻄﻦ ﻭﺍﻟﻔﻮﻝ
ﺩﺍﺧﻞ ﺍﻟﻘﺮﻳﺔ ﺟﺎﻓﻞ ﺑﺎﻟﺰﻣﺎﻡ ﻣﺸﺒﻮﻝ
ﻧﺎﻃﺢ ﺍﻟﺒﺎﺑﺔ ﻣﻦ ﺟﺎﻧﺐ ﺍﻟﺪﻧﺎﺕ ﻣﻘﻔﻮﻝ
ﺟﻴﺖ ﻋﺎﺭﻕ ﺍﻟﺪﻛﺎﻛﻴﻦ ﺍﻟﺒﻨﺎﻫﺎ ﺯﻧﺎﻛﻲ
ﺭﺳﻨﻚ ﺯﺍﻋﺖ ﺍﻟﻮﺭﺩﺍﻥ ﻭﺩﻣﻚ ﺑﺎﻛﻲ
ﺗﻔﺎﺡ ﺩﻧﻘﻼ ﺍﻟﻌﻤﺖ ﺍﻟﺴﺒﻴﻂ ﻣﺘﺎﻛﻲ
ﺍﻟﺬﺫ ﻣﻨﻮ ﺭﺩ ﺳﻴﺪ ﺍﻟﺰﻛﺎ ﺍﻻﺩﺭﺍﻛﻲ
ﺣﻮﺵ ﺳﻴﺪ ﺍﻟﺠﻤﺎﻝ ﺍﻟﻤﻮﺧﻔﻴﻒ ﺩﻭﺍﺵ
ﺍﺑﺮﻙ ﺧﺎﺗﻤﻮ ﻳﺎﻟﻤﻦ ﺍﻟﺪﻫﻢ ﻛﻮﺍﺵ
ﻣﺎﺩﺍﻡ ﻫﻮ ﻓﻲ ﺣﺠﺐ ﺍﻟﺴﺘﺎﺭﺓ ﺍﻡ ﺷﺎﺵ
ﻧﺒﻬﻮ ﺑﺎﻟﺴﻼﻡ ﺯﻭﻟﻨﺎ ﺍﻟﺒﻴﺎﺧﺪ ﺍﻟﻔﺎﺵ
ﺳﻤﻊ ﺯﻳﻤﺔ ﺍﻟﻜﺰﺍﺯﻱ ﺍﻟﻤﻮ ﻗﺒﻴﺾ ﺭﻏﺎﻱ
ﻗﺎﻝ ﻣﺮﺣﺐ ﺣﺒﺎﺏ ﺍﻟﻠﻲ ﺍﻟﺮﺳﻦ ﻣﻘﺎﻱ
ﺍﻟﻤﻠﺴﻮﻋﻮ ﻟﻲ ﻫﺪﺍﻳﻮ ﻣﻮ ﺳﻘﺎﻱ
ﺟﻤﻴﻞ ﻭﻇﺮﻳﻒ ﺓﻟﻲ ﺷﺮﻑ ﺍﻟﻨﻔﺲ ﻭﻗﺎﻱ
ﺭﺣﺐ ﻭﺍﺑﺘﺴﻢ ﺯﻭﻟﻨﺎ ﺍﻟﻌﺪﻳﻠﺔ ﻗﻮﺍﻣﻮ
ﺟﺎﻧﺎ ﻳﺘﺎﺗﻲ ﻣﺘﻮﺍﻃﻲ ﺍﻟﺤﺸﻢ ﺑﻘﺪﺍﻣﻮ
ﻓﻲ ﺳﺎﻋﺔ ﻣﺠﺎﻭﺑﺘﻮ ﺍﻟﻤﻌﺎﻱ ﻭﺳﻼﻣﻮ
ﻳﻔﻮﺡ ﻣﻦ ﺟﺴﻤﻮ ﺭﻛﻔﺎ ﺯﺑﻨﻮ ﺗﺠﺎﺭ ﺷﺎﻣﻮ
ﺍﻣﺮﻧﻲ ﻭﺟﻠﺴﺖ ﻋﻠﻲ ﺍﻟﻔﺮﺍﺵ ﺍﻟﺴﺎﻫﻞ
ﻣﻬﺘﻢ ﺷﺎﻳﻔﻮ ﺑﻲ ﻧﺰﻭﻝ ﺍﺏ ﻗﻔﺎﻳﺎ ﺑﺎﻫﻞ
ﻛﻔﻴﺖ ﺑﺼﺮﻱ ﻗﺖ ﻟﻲ ﻗﻠﺒﻲ ﺧﻠﻴﻚ ﻣﺎﻫﻞ
ﻫﺰﺍﻙ ﺧﻠﺔ ﻋﺰﻣﻚ ﺻﺒﺮﻭ ﺫﻱ ﺍﻟﺠﺎﻫﻞ
ﺷﺎﻝ ﺍﻟﻔﺮﺷﺔ ﻭﺍﻟﺴﻴﻒ ﻭﺍﻟﺴﺮﺝ ﻭﺍﻟﺘﺎﺑﻌﺔ
ﻣﻦ ﺿﻬﺮ ﺍﺏ ﻗﻔﺎ ﺍﻟﺨﺮﺏ ﺍﻟﻘﻼﻳﺪ ﻧﺎﺑﻌﻮ
ﺭﻳﺪﻙ ﺭﺑﻲ ﻓﻲ ﻗﻠﻮﺏ ﺍﻟﺨﻼﻳﻖ ﻃﺎﺑﻌﻮ
ﻓﺮﻗﻚ ﺣﺎﺭ ﻭﺗﻌﺐ ﺍﻟﺴﻮﻁ ﻏﺮﺍﻣﻚ ﻻﺑﻌﻮ
ﺍﻟﻜﻴﻌﺎﻧﻮ ﻟﻲ ﺯﻭﺭ ﺍﻟﺼﻐﻴﺮ ﻣﺎﺑﺤﻜﻦ
ﺍﻧﻘﺎﺫ ﻭﺍﻧﺮﺑﻂ ﻓﻲ ﺍﻟﺸﺎﻳﺔ ﻧﺨﺮﻳﻪ ﻳﺘﻜﻦ
ﺍﻫﺠﻢ ﻣﻬﺮﺓ ﺍﻟﺨﻴﻞ ﺍﻟﺪﺭﻭﻋﺔ ﺑﺸﻜﻦ
ﻣﺎﺑﺘﺠﻴﻚ ﺗﺮﺡ ﻭﺍﻗﺪﺍﻣﺔ ﺷﺎﻳﻼﺕ ﺩﻛﻦ
ﻓﻼﻧﺔ ﺍﻟﻌﺰﻟﺖ ﻓﻘﺮ ﺍﻟﺒﺰﻳﻢ ﻭﺑﺮﺵ
ﻗﺎﻟﺖ ﻟﻲ ﺁﺫﻧﺎﻟﻚ ﺍﺩﺧﻞ ﺧﺶ
ﻫﺎﻙ ﺻﺎﺑﻮﻧﺔ ﺍﻟﺤﻤﺎﻡ ﻭﺍﺩﺧﻞ ﺍﻟﺪﺵ
ﺗﺎﻋﺒﻚ ﺿﺎﺭﻉ ﺍﻟﺼﻲ ﺍﻟﺒﺰﻭﻉ ﻣﺎﺑﻜﺶ
ﺍﺧﺪ ﺭﺍﺣﺘﻲ ﻭﻃﻠﻊ ﻣﻦ ﺣﺼﺔ ﺍﻟﺤﻤﺎﻡ
ﻭﺟﺪﺗﻪ ﺳﺮﺍﻳﺮﻭ ﻣﻌﻤﻮﻝ ﻓﻴﻬﺎ ﺍﺭﻗﻰ ﻧﻈﺎﻡ
ﺍﻻﺗﻌﺒﻠﻮ ﺟﻤﻠﻲ ﺍﻟﺒﻲ ﺍﻟﺪﻫﺲ ﻋﻮﺍﻡ
ﺟﻤﻴﻞ ﻭﻇﺮﻳﻒ ﻃﺒﻌﻮ ﻭﺻﺮﺍﺣﻮ ﻣﺪﺍﻡ
ﺍﻟﺨﻼﻧﺎ ﻣﺎﻧﻬﻢ ﻓﻲ ﺍﻟﻜﺘﻴﺮ ﻭﺍﻟﺤﻮﺯ
ﺳﻤﺤﺔ ﻭﻓﺎﻫﻤﺔ ﻟﻴﻬﺎ ﻋﻠﻲ ﺍﻟﻨﺪﺍﻳﺪ ﻓﻮﺯ
ﺟﻤﻠﻲ ﺍﻟﺒﺪﺭﻱ ﺟﺪﻭ ﺑﺮﻧﺠﻲ ﺯﻳﻨﺔ ﺍﻟﻘﻮﺯ
ﺷﺮﺏ ﻓﻲ ﺍﻟﺸﺎﻳﺔ ﺑﻲ ﻣﺎﺳﻮﺭﺓ ﻣﻦ ﻏﻴﺮ ﺟﻮﺯ
ﺑﻌﺪ ﻣﺎﺭﺍﻕ ﻭﻧﺴﻢ ﺟﺎﺗﻮ ﻣﺎﻟﻴﺔ ﺍﻟﻄﺶ
ﻋﺎﺭﻓﺔ ﻫﺠﻴﻨﻲ ﻣﺎﻫﻮ ﺑﻌﻴﺮ ﺣﻮﻳﺔ ﻭﻗﺶ
ﺍﻟﻤﻬﺘﻤﺔ ﺑﻲ ﺭﺍﺣﺔ ﺍﺏ ﻗﻔﺎﻳﺎ ﺑﺶ
ﻏﻨﺎﻱ ﻋﻠﻴﻬﺎ ﻻﻫﻮ ﻣﺨﺎﺗﺮﺓ ﻭﻟﻮ ﻏﺶ
ﻳﺎﺗﻔﺎﺣﺔ ﺍﻟﻤﻨﻘﺔ ﺍﻡ ﺻﻨﻴﻌﺎ ﺷﺎﺗﻞ
ﻧﻔﺴﻚ ﻣﺴﻜﺔ ﺍﻟﺒﻲ ﺻﻴﺪﺗﻮ ﻏﻮﺹ ﺣﺎﺗﻞ
ﻣﺎﺩﺍﻡ ﻫﺎﻣﺔ ﺭﺍﺣﺔ ﺍﻟﺘﻴﺲ ﻗﺒﻞ ﻣﺎﻳﻨﺎﺗﻞ
ﺧﺘﻴﻠﻮ ﺍﻟﻌﻠﻮﻕ ﻭﺍﻧﺼﺮﻓﻲ ﻣﻨﻮ ﺑﻜﺎﺗﻞ
ﻟﻴﻨﺔ ﺍﻟﻄﺒﻴﻌﺔ ﺍﻟﻔﺎﻫﺎ ﻣﻮﺯ ﻓﺎﺭ
ﻏﺮﺍﻣﺎ ﺍﺧﻔﻮ ﺿﺮﺏ ﻗﻠﺐ ﺷﻤﺎﻝ ﻭﺟﻔﺎﺭ
ﻋﻨﺪﻫﺎ ﺷﺎﻓﻮ ﻭﺩ ﺍﺑﻮ ﺻﻴﺪﺓ ﻭﺍﻟﻜﺴﺎﺭ
ﺭﺑﻂ ﻓﻲ ﺍﻟﺸﺎﻳﺔ ﻳﺘﻤﺮﻍ ﻳﻤﻴﻦ ﻭﻳﺴﺎﺭ
ﺻﻐﺖ ﻟﻲ ﻣﻦ ﻳﻨﺎﺩﻱ ﺍﻭﻻﺩ ﻣﻜﺎﻥ ﻭﻣﻌﺰﺓ
ﺟﻮﻧﺎ ﻭﺭﺣﺒﻮﺑﻨﺎ ﺑﻼ ﻗﻀﺎﺿﺔ ﻭﻛﺬﺓ
ﺳﻤﺤﺔ ﺍﻟﻌﺰﻟﺖ ﻓﻘﺮ ﺍﺏ ﻗﻔﺎﻳﺎ ﻧﺬﺓ
ﺍﻃﻌﻢ ﻭﺍﺣﻠﻰ ﻣﻦ ﻋﺴﻞ ﺍﻟﺒﻨﻮﻧﻲ ﻭﺍﻟﺬﺓ
ﺧﺪﻣﺔ ﺍﻟﺸﺨﺺ ﻓﻲ ﻣﺎﻭﺍﻫﻮ ﻋﺰ ﻣﻲ ﻫﺎﻧﺔ
ﺗﺮﻓﻊ ﺫﻛﻜﺮﺓ ﺍﻟﻤﻀﻴﻮﻑ ﻭﺗﺪﻱ ﻣﻜﺎﻧﺔ
ﺍﻟﻔﺎﻗﺖ ﻋﻠﻲ ﺗﻌﺒﻴﺮ ﻗﻮﺍﻓﻲ ﻏﻨﺎﻧﺎ
ﻓﻲ ﻛﻞ ﺍﻟﻤﺤﺎﻣﺪ ﻭﺍﻓﻴﺔ ﻣﺎﻟﻴﺔ ﺍﻟﺨﺎﻧﺔ
ﻓﻼﻧﺔ ﺍﻟﻠﻴﺔ ﻣﺪﺓ ﻋﺪﻳﺪﺓ ﺭﺍﻏﺐ ﺍﺷﻮﻓﺔ
ﻣﻴﺰﺕ ﺍﻟﺠﻤﻞ ﻭﺍﻟﻌﺪﺓ ﻭﺍﻟﻤﺨﻠﻮﻓﺔ
ﺑﻲ ﺫﻭﻗﺔ ﻭﺫﻛﺎﻫﺎ ﻭﺧﺪﻣﺘﻪ ﺍﻟﻠﻲ ﺿﻴﻮﻓﺔ
ﺧﻠﺖ ﻛﻞ ﻓﺎﻫﻢ ﻳﺤﻜﻲ ﺑﻲ ﻣﻌﺮﻭﻓﺔ
ﺣﺸﻴﻤﺔ ﺍﻟﻤﺠﻠﺲ ﺍﻟﻜﻞ ﺍﻟﺨﻄﺎﺏ ﺑﺘﻔﻴﺪﻭ
ﺗﻤﺖ ﺭﺍﺣﺔ ﺍﻟﺸﺮﺍﺩ ﻭﺟﺎﺕ ﻟﻲ ﺳﻴﺪﻭ
ﺩﻧﺎﻱ ﺍﻟﻤﺴﺎﻓﺔ ﺍﻟﻘﻴﺪﻭ ﺷﻞ ﺣﺪﻳﺪﻭ
ﺍﻣﺲ ﺍﻟﻠﻴﻠﺔ ﻣﻊ ﺍﻟﺸﻮﻓﺔ ﻗﻠﺒﻲ ﺑﺮﻳﺪﻭ
ﻣﺠﻠﺴﻨﺎ ﺍﻟﺒﻨﺎﺗﻮ ﻣﺤﻔﻼﺕ ﺗﺰﻭﻳﻘﺘﻮ
ﺣﺎﻟﻲ ﻭﻏﺎﻟﻲ ﻋﻦ ﻧﺪﻣﺎ ﺍﻟﺒﻌﺮﻓﻮ ﺣﻘﻴﻘﺘﻮ
ﺑﻌﺪ ﻗﻔﻞ ﻣﺠﺎﻝ ﺍﻟﺸﺎﻓﻴﺔ ﻗﻠﺒﻲ ﻃﺒﻴﻘﺘﻮ
ﻭﺟﺐ ﺍﻟﻨﻮﻡ ﻭﻛﻞ ﺯﻭﻻ ﺭﻗﺪ ﺑﻲ ﻃﺮﻳﻘﺘﻮ
ﺑﻌﺪ ﺍﻟﻤﺠﻠﺲ ﺍﻟﺪﺍﻋﻨﻮ ﺟﺎﻣﻞ ﻭﻓﺎﺗﻨﺎ
ﺩﺍﺭﺕ ﻭﻧﺴﺔ ﺍﻟﺴﺮ ﻭﺍﻟﺠﻬﺮ ﺑﻴﻨﺎﺗﻨﺎ
ﻭﺟﺪﺕ ﺻﺮﺍﺡ ﻣﻊ ﺍﻟﻔﻲ ﺟﻮﻓﻲ ﻧﺎﺭﺍ ﻣﻮﺍﻃﻨﺔ
ﻻﻣﻦ ﻧﺒﻪ ﺍﻻﺫﺍﻥ ﻭﺟﺎﺗﻨﺎ ﺻﻼﺗﻨﺎ
ﻓﻼﻧﺔ ﺍﻟﻔﺮﻗﻬﺎ ﺍﻟﺪﻭﻑ ﻣﻨﻨﺎ ﻣﻠﺤﻴﻬﻮ
ﺭﻭﺡ ﻣﻨﺰﻟﺔ ﺍﻟﻘﺪﺍﻣﻲ ﺻﻠﻴﺖ ﻓﻴﻬﻮ
ﺍﺧﺪ ﻟﻲ ﻗﻔﻮﺓ ﻗﺎﻟﺖ ﻭﺍﺟﺒﻲ ﻣﺎﺍﺻﺤﻴﻬﻮ
ﻣﺘﻰ ﻣﺎﻳﺤﺲ ﻧﻈﺎﻡ ﺍﻟﻘﻬﻮﺓ ﻣﺘﺮﺟﻴﻬﻮ
ﻳﺎﻗﻠﺒﻲ ﺍﻟﻜﺎﻥ ﺑﻌﺪ ﺍﻟﺴﻬﺮ ﻧﻮﺣﺘﻪ
ﺍﺧﺪ ﻏﻔﻮﺓ ﻭﺻﺤﻴﺖ ﻋﻨﺪ ﺍﻡ ﻃﻌﻢ ﻛﻮﻋﺘﺔ
ﺑﺮﺍﻭﺓ ﻋﻠﻴﻚ ﻳﺎﺗﻴﺲ ﺍﻟﻬﻮﻳﺪ ﺑﻮﻋﺘﻪ
ﺍﺑﻮﻙ ﻓﺎﺭﻁ ﺍﻟﺠﺮﻱ ﻭﺍﻣﻚ ﺳﻬﻴﺘﺔ ﻭﺷﻌﺘﺔ
ﺟﻤﺎﻝ ﺳﻴﺪ ﺍﻟﻌﻔﺎﻑ ﺍﻟﻤﺎﺑﺒﻴﻊ ﻭﻗﺎﻓﻲ
ﺍﺻﻔﻰ ﻋﻠﻲ ﺍﻟﺪﻫﺐ ﻣﻮﺑﻴﻨﻲ ﺛﺎﺑﺖ ﻭﻧﺎﻓﻲ
ﺻﺎﺣﺐ ﺭﻳﺪﻧﺎ ﻣﺎﺩﺍﻡ ﻣﺤﺘﺮﻡ ﻣﻮ ﻣﺠﺎﻓﻲ
ﻟﻴﻪ ﻣﺎﺍﻏﻨﻲ ﻭﺍﺧﺴﺮﻟﻮ ﻭﺍﺟﻴﺒﻠﻮ ﺍﻟﻤﺎﻓﻲ
ﺍﻣﺴﻲ ﺍﻟﺘﺪﺭﻱ ﺑﻲ ﻣﺼﻌﻲ ﻭﻓﺮﻙ ﺗﻮﻣﺎﺗﻮ
ﻣﻨﻊ ﺍﻟﻠﺴﻪ ﻭﺍﻟﻤﻄﺮﻭﺡ ﺟﻤﻊ ﻓﺮﻗﺎﺗﻮ
ﻫﺠﻢ ﺍﻟﺴﻤﺤﺔ ﻭﺍﺻﺒﺢ ﻣﺴﺘﻘﻴﻢ ﻓﻲ ﺭﺑﺎﻃﻮ
ﻇﺎﻫﺮﺍﺗﻦ ﺍﻟﺘﻌﺐ ﻃﻮﻓﻮ ﻭﺯﺭﺍﻕ ﺩﻭﻣﺎﺗﻮ
ﺍﺧﺪﺗﻪ ﺍﻟﺘﺎﻟﺘﺔ ﺭﺍﺣﺔ ﻭﻛﻴﻒ ﻭﺣﻆ ﻭﻣﺠﺎﻟﺲ
ﻓﻲ ﻣﻨﺰﻝ ﺍﻟﺒﻴﻬﺎ ﻣﻐﺮﻡ ﺧﺎﻟﺺ
ﻋﻨﺎﻓﻲ ﺍﻟﺮﺑﺎﻁ ﺍﻟﻤﺨﺔ ﺩﺍﻕ ﻣﻮ ﻓﺎﻟﺲ
ﺷﺪﻳﺘﻮ ﺍﻟﺒﺠﻴﺐ ﺳﻮﻁ ﺍﻟﻌﻨﺎﻧﻴﻒ ﻗﺎﻟﺲ
ﻭﺩﻋﺘﻮ ﻭﺭﻛﺐ ﻭﺟﻬﺘﻮ ﺭﺍﺟﻊ ﺻﺎﺩ
ﻗﺎﻓﻴﺘﻮ ﺍﻟﻤﻬﺬﺏ ﻧﺎﻳﺮ ﺍﻟﺨﺪﺍﺩ
ﻣﺮﻳﻮﺩ ﺍﻟﺠﻤﻴﻊ ﺍﻟﻌﺎﻣﺔ ﻭﺍﻻﻓﺮﺍﺩ
ﺣﻮﻳﺘﻮ ﺍﻟﺮﻓﻊ ﺳﻤﻮﺍﺗﻮ ﻏﻴﺮ ﻋﻤﺎﺩ
ﺧﻠﻮﺓ ﺍﺑﻮ ﻋﻴﺴﻲ ﺑﺮﻙ ﻋﻨﺪﻫﺎ ﺍﻟﺸﺮﺍﺩ
ﺑﺎﺷﺮﻧﻲ ﺍﺏ ﺿﻴﻮﻓﺎ ﻓﻮﺿﻲ ﻣﺎﻻ ﺍﻋﺪﺍﺩ
ﺍﺧﺪ ﻣﻌﺎﻫﺎ ﻧﺺ ﺿﺤﻮﺓ ﻭﻣﻘﻴﻞ ﻭﺭﻗﺎﺩ
ﻣﻴﻌﺎﺩ ﺍﻟﻔﻄﻮﺭ ﺍﺭﺟﻴﺘﻮ ﻋﺠﻼﻥ ﺷﺎﺩ
ﺩﺍﻋﻴﺎﻧﻲ ﺍﻟﻈﺮﻭﻑ ﺍﺭﺟﻊ ﻋﻠﻲ ﺍﻟﻠﻌﺪﺍﺩ
ﻟﻜﻦ ﻗﻠﺒﻲ ﻻﻓﺘﻮ ﺍﻟﻄﺎﻋﻢ ﺍﻟﺒﻨﺮﺍﺩ
ﻣﺎﻓﻲ ﻓﺮﺍﻍ ﻣﻌﺎﻙ ﻳﺎﻟﻤﻘﺪﺭ ﺍﻟﻤﻌﻨﺎﺩ
ﻣﺠﺎﻝ ﻃﺮﺏ ﺍﻟﺒﻨﺎﺕ ﺩﺍﻳﺮﺍ ﺍﻛﺘﺴﺎﺏ ﻭﺣﺼﺎﺩ
ﻧﻮﻳﺖ ﺑﺎﻟﺴﻔﺮ ﻗﺎﻓﻴﺖ ﺑﻄﺎﻧﺔ ﺍﻡ ﺳﺎﻕ
ﻭﺯﺭﻱ ﺍﻟﺴﻴﻒ ﻭﻭﺩﺍﺏ ﺻﻴﺪﺓ ﻭﺍﻟﺒﺮﺍﻕ
ﺑﻌﺪ ﻗﺎﻓﻴﻨﺎ ﺑﻠﺪ ﺍﻟﺤﺮﻕ ﺍﻟﻌﺸﺎﻕ
ﻣﻘﻴﻠﻨﺎ ﻗﻔﺔ ﺍﻟﺴﻤﻴﺮ ﺍﻥ ﻫﻮﻥ ﺍﻟﺨﻼﻕ