من روائع الصادق ود امنة
اعداد عمر وقيع الله بعشوم النورابي
1
ﺍﻧﺎ ﻳﺎ ﺍﻟﻌﺎﻗﺐ ﺍﻟﻨﺎﺱ ﻛﻠﻬﻢ ﺷﻤﺘﻮﺑﻲ
ﻓﻴﺸﺎﻥ ﺭﻳﺪﻱ ﻟﻠﺪﻋﺠﻪ ﺍﻟﻤﻮﺩﺭﺓ ﺻﻮﺑﻲ
ﻭﻳﻦ ﻣﺎ ﺍﺷﻮﻓﻠﻲ ﺑﺮﻗﺎ ﻓﻲ ﺍﻟﺴﺤﺎﺑﻪ ﻳﺪﻭﺑﻲ
ﺍﻭﺟﺪ ﺳﻘﺮﻩ ﺍﻟﻨﺎﺭ ﻓﻲ ﺿﻤﻴﺮﻱ ﺗﺒﻮﺑﻲ ..
/2
ﺍﺷﻔﻌﻲ ﻳﺎﻟﺴﻼﺣﻚ ﻓﻲ ﺣﺸﺎﻱ ﻣﺘﻜﺘﻞ
ﻧﻴﺮﺍﻧﻚ ﺳﻠﻦ ﺟﺴﻤﻲ ﻭﻣﺸﻴﺖ ﻣﺘﻌﻄﻞ
ﻧﻔﺴﻚ ﻣﺴﻜﺔ ﺍﻟﻜﺒﺪﻩ ﺍﻟﻜﺠﻮﺟﻪ ﻣﺤﺘﻞ
ﻟﻬﺠﻚ ﺗﻤﺮﺓ ﺍﻟﻤﺤﺴﻲ ﺍﻟﺴﻘﺎﻫﺎ ﻣﺸﺘﻞ
/3
ﻳﺎﻓﺘﻨﺔ ﻏﺮﺍﻣﻚ ﻓﻲ ﺍﻟﻌﺰﻳﺰﺓ ﺗﻠﻔﻨﺎ
ﺳﻴﻒ ﺣﺒﻚ ﺑﻜﺒﺮ ﻓﻴﻨﺎ ﻣﺎﺟﻠﻔﻨﺎ
ﺍﻛﺎﻥ ﻣﻮ ﺷﻘﺎﻧﺎ ﻧﺤﻦ ﻋﻠﻴﻚ ﺷﻦ ﻭﻟﻔﻨﺎ
ﻳﺎﺭﻳﺖ ﻗﺒﻴﻞ ﻛﺎﻥ ﻓﻲ ﺍﻟﺪﻧﻴﺎ ﻣﺎ ﺍﺗﻌﺎﺭﻓﻨﺎ
/4
ﻋﻴﻨﻚ ﺧﺎﻟﻖ ﺍﻻﻣﻪ ﺍﻟﺠﻠﻴﻞ ﺣﻜﺮﻫﺎ
ﻭﺟﻬﻚ ﺩﺍﻟﺔ ﺍﻟﺤﻴﻒ ﺍﻟﺒﺒﻮﺑﻲ ﻗﻤﺮﻫﺎ
ﺍﻟﻠﺤﻤﺎﻧﻲ ﺍﺻﻠﻦ ﺣﺎﻟﺘﻲ ﻣﺎ ﺍﺗﻔﻜﺮﻫﺎ
ﺭﻳﺪﺗﻚ ﻳﺮﻣﻲ ﻓﻮﻕ ﺭﺍﺱ ﺍﻟﺴﻨﻴﻨﻪ ﺳﻜﺮﻫﺎ
/5
ﺑﻌﺪ ﻣﺎ ﺑﻘﻴﺖ ﻛﺒﻴﺮﺍ ﺟﻖ ﻭﻧﺎﻳﺒﻲ ﺍﺗﻠﻮﻟﺐ
ﻋﻘﺒﺎﻥ ﺳﺎﻗﻲ ﻟﻲ ﻓﺮﻗﺎﻥ ﻣﻬﺎﻟﻚ ﺩﻭﻟﺐ
ﺍﻟﺪﺭﻋﺎ ﺍﻟﺘﺠﺎﺩﻉ ﺑﻲ ﺍﻟﻤﻬﻴﻮﻱ ﺍﻟﻬﻮﻟﺐ
ﺍﻭﺟﺪﺕ ﻣﺨﻲ ﻣﻦ ﺗﻴﺮﺍﻥ ﻏﺮﺍﻣﻬﺎ ﻧﻘﻮﻟﺐ
/6
ﺟﺮﻭﺣﻚ ﻧﻮﺳﺮﻥ ﺑﻌﺪ ﺍﻟﺼﻘﻮﻁ ﻣﺎ ﺷﺎﺗﻦ
ﻇﺮﻭﻓﻚ ﺟﻮﻩ ﺟﻮﻭ ﻗﻠﺒﻲ ﺍﻟﻤﺼﻮﺏ ﺑﺎﺗﻦ
ﻏﺮﺍﻣﻚ ﻣﻨﻮ ﻛﺮﻋﻲ ﻗﻨﺒﻦ ﻳﺘﺨﺎﺗﻦ
ﻛﺮﻳﻔﻚ ﻃﺒﻴﺐ ﺭﻭﺣﻲ ﻭﻋﺮﻭﻗﺎ ﺍﻟﻤﺎﺗﻦ
/7
ﺟﻤﺎﻟﻚ ﻳﻔﻮﻕ ﺑﻨﺎﺕ ﺍﻟﺒﺎﺩﻳﺔ ﻏﺮﺑﻦ ﻭﺷﺮﻗﻦ
ﺑﺴﻤﺎﺗﻚ ﻋﻠﻰ ﻧﺎﺭ ﺍﻟﺠﺤﻴﻤﺔ ﺑﺤﺮﻗﻦ
ﻃﺒﺎﻳﻌﻚ ﻣﻦ ﻣﻼﻭﺍﺕ ﺍﻟﻘﺒﻴﺢ ﺑﻨﺪﺭﻗﻦ
ﻓﻤﻚ ﻣﺰﺭﺓ ﺍﻟﺮﺯﻣﻲ ﺍﺏ ﺳﺤﺎﺑﺎ ﺯﺭﻗﻦ
/8
ﻋﻴﻨﻲ ﻣﺎ ﺑﻨﻮﻣﻦ ﻓﻴﻬﻦ ﺍﻟﺤﺼﺤﺎﺻﻪ
ﺍﻣﺴﻴﺖ ﻓﺎﻗﺪ ﺍﻟﺘﻤﺮﻩ ﺍﻟﺸﺮﻕ ﻣﺼﺎﺻﻪ
ﻧﺎﺟﻴﻪ ﻣﻦ ﺍﻟﻌﻴﻮﺏ ﻣﺎﺩﺭﻋﻮﻫﺎ ﺟﺮﺍﺳﻪ
ﻛﻞ ﻳﻮﻡ ﻭﺩﻣﻌﺰﻩ ﻣﺴﻤﻴﺎﺑﻮ ﻣﺤﺎﺻﻪ
/9
…… ﺑﺨﻴﺖ ﺍﻟﺨﺘﻮﻩ ﺑﺮﻛﺘﻮ ﻭﺷﺪﻳﺪﻭ ﻣﻘﺎﺭﺑﻮ
… ﺭﻓﻊ ﺳﺮﺟﻮ ﻭﻛﺮﺑﺖ ﻗﺎﺵ ﺍﻟﻤﺤﺎﻗﺐ ﻛﺎﺭﺑﻮ
ﺧﻠﻒ ﺣﺴﻜﻮ ﻭﺗﻜﻞ ﻛﻌﺒﻲ ﺍﻟﻴﻤﻴﻦ ﻓﻮﻕ ﻏﺎﺭﺑﻮ
……….. ﻗﻤﺰ ﺍﻻﺭﻳﻞ ﺍﻟﻀﺮﻉ ﺍﻟﻬﻮﻳﺪﻩ ﻣﺠﺎﺭﺑﻮ
/10
ﺳﺎﻗﻚ ﺷﻤﻌﺪﺍﻥ ﻋﺮﺍﻗﻮ ﻣﻮ ﻣﺘﻄﻘﻖ
ﻣﺸﻴﻚ ﺗﺎﺗﺎﻱ ﻭﺣﺎﺕ ﺍﻟﻠﻪ ﻭﻋﻠﻴﻬﻮ ﻣﺤﻘﻖ
ﻏﺮﺍﻣﻚ ﻟﺴﻪ ﻓﻲ ﺭﻳﺸﺔ ﻛﺒﺪﺗﻲ ﺑﺸﻘﻖ
ﻧﻮﻳﺢ ﺍﻟﻠﻴﻞ ﻋﻠﻴﻚ ﺻﺒﺢ ﻟﺴﺎﻧﻲ ﻣﺒﻘﻖ
/11
ﻗﺪﻣﻚ ﻓﻮﻗﻮ ﻣﺎ ﻛﺘﺤﺖ ﻏﺒﺎﺭﺓ ﺍﻟﺰﺍﻓﻴﻪ
ﻧﻔﺴﻚ ﻣﺴﻜﺖ ﺍﻟﻌﺎﺗﻲ ﻭﻫﺒﻮﺏ ﺍﻟﻌﺎﻓﻴﺔ
ﻣﻦ ﻣﺎ ﻗﻤﺘﻲ ﺧﻴﻠﻴﻪ ﻭﺟﻤﻴﻠﻪ ﻭﺻﺎﻓﻴﻪ
ﺍﺻﻠﻦ ﻣﺎ ﺑﺸﻮﻓﻠﻴﻚ ﻓﻲ ﺍﻟﺴﻤﺎﺣﻪ ﻣﻨﺎﻓﻴﻪ
/12
ﻗﻮﻝ ﻟﻲ ﻭﻟﻮﻓﺔ ﺍﻟﻄﺒﻌﻪ ﺍﻡ ﺟﻤﺎﻻ ﺻﻴﺪﻩ
ﺍﺻﻠﻮ ﺗﺪﺧﻞ ﺍﻟﺠﺎﺳﻮﺱ ﺑﺠﻴﺐ ﺍﻟﻐﻴﺪﻩ
ﺇﺑﻘﻲ ﺳﺨﺮﻧﺎ ﻓﻲ ﺍﻟﺸﺮﻗﻪ ﺍﻟﻤﺨﺎﻟﻄﻪ ﺍﻟﺮﻳﺪﻩ
ﻭﻻ ﺷﻘﺎﻭﺓ ﺍﻟﻌﻴﻦ ﺍﻟﻜﺘﺮ ﺳﻘﻴﺪﻩ
/13
ﻗﻠﺒﻲ ﺍﻟﻠﻴﻠﻪ ﺭﻳﺸﺎﺗﻮ ﺍﻟﺘﻘﺎﻝ ﺍﻧﻘﻠﻦ
ﻳﺎ ﻋﺎﻟﻢ ﺳﺮﺍﻳﺮ ﺍﻟﻐﻴﺐ ﺟﺴﻮﻣﻨﺎ ﺍﺗﺒﻠﻦ
ﺩﺭﻋﺎﺓ ﺑﺮﻡ ﺻﻲ ﺍﻟﺮﻭﺍﻳﻨﻚ ﻭﻟﻦ
ﺷﺒﻜﻚ ﻣﻦ ﻭﺭﻳﺪﻱ ﺗﻤﻠﻲ ﻣﺎ ﺑﻨﺤﻠﻦ
/14
ﻳﺎﻗﻠﺒﻲ ﺍﻟﺼﺒﺮ ﺍﻓﻌﻞ ﻛﺘﻴﺮ ﺑﻲ ﻭﺍﺟﺒﻮ
ﺍﺯﻛﺮ ﻟﻌﺒﻪ ﺍﻟﻤﺘﺒﻮﺭ ﻭﻣﻘﺮﻭﻥ ﺣﺎﺟﺒﻮ
ﻣﻮ ﺍﻟﻨﺴﺮ ﺍﻟﺒﻠﻤﻠﻢ ﻓﻲ ﺍﻟﻘﻤﺎﺵ ﺑﻨﺨﺎﺟﺒﻮ
ﻋﻘﺐ ﺍﻟﻠﻴﻠﻪ ﺣﺮﺍﺏ ﺣﺒﻮ ﺻﺪﺭﻱ ﺍﻧﺴﺎﺟﺒﻮ
/15
ﺍﻧﺎ ﻳﺎﺧﻠﻲ ﻃﻴﺮ ﺍﻟﻬﻢ ﻋﻠﻰ ﺇﺩﻟﻰ
ﺣﺮﻗﺎﻥ ﺟﻮﻓﻲ ﺯﻱ ﺟﻤﺮ ﺍﻟﻜﻤﻴﻨﺔ ﺇﺗﻠﻰ
ﺍﻟﻤﺮﻳﻮﺩﺓ ﺷﺎﻻ ﺍﻻﺷﺘﺮﺍﻛﻲ ﻭﺣﻼ
ﻇﺮﻓﻬﺎ ﺩﻕ ﻗﻠﺒﻲ ﻭﻇﺮﻓﻲ ﻣﻨﻬﺎ ﺟﻼ
/16
ﺇﻧﺘﻲ ﻓﺮﻳﺪﺓ ﺍﻟﻌﺼﺮ ﻭﻧﺨﻴﻞ ﺍﻟﺸﺒﺮﺍ
ﺷﻮﻓﺘﻚ ﺗﺬﻫﺐ ﺍﻟﻬﻢ ﻭﺍﻟﻠﻴﺎﻟﻲ ﺍﻟﻐﺒﺮﺍ
ﺑﻲ ﻓﺮﺓ ﺑﺮﺍﻃﻤﻚ ﻭﻗﺎﻣﺘﻚ ﺍﻟﻤﻨﺘﺒﺮﺍ
ﺃﺣﻴﻴﺘﻴﻠﻲ ﻧﺎﺭ ﻗﺪﺭﺓ ﺍﻟﺒﺘﻮﻗﺪ ﻛﺒﺮﺍ
/17
ﺟﺰﻳﻌﻲ ﻭﻋﺪﻡ ﺻﺒﺮﻱ ﻭﺯﻻﺯﻟﻲ ﻭﺧﻮﻓﻲ
ﻣﻦ ﺳﺮﺍﺟﺔ ﺍﻟﺪﻋﺠﺎ ﺍﻟﻮﺿﻴﺒﺎ ﻣﻔﻮﻓﻲ
ﺍﻟﺨﻼﻧﻲ ﻣﻦ ﺍﻟﻐﻴﺮﺍ ﺃﻛﺘﺮ ﻋﻮﻓﻲ
ﺭﻳﺪﺍ ﻭﻋﺸﻘﻬﺎ ﺍﻟﺒﻨﺎ ﻓﻲ ﻣﺪﺍﻳﻦ ﺟﻮﻓﻲ
/18
ﺍﻟﻐﻨﻮﻩ ﺩﻱ ﻓﻴﻬﺎ ﺷﻚ ﻣﺎﺣﻖ ﺍﻟﺼﺎﺩﻕ
ﺩﺍﻣﻴﺎﺕ ﺍﻟﺤﺮﻭﻑ ﺍﻟﺒﻘﻠﻌﻦ ﻟﺐ ﺧﺎﺗﺮﻱ
ﻓﻲ ﻏﻴﺒﻮﺑﻪ ﻣﻨﻬﻦ ﻳﻮﻭﺕ ﺑﻼﻗﻲ ﻣﺨﺎﺗﺮﻱ
ﻛﺎﻥ ﻣﻮ ﺧﻮﻓﻲ ﻣﻨﻚ ﻳﺎ ﻗﺮﻳﺤﺘﻲ ﺗﻮﺍﺗﺮﻱ
ﺍﻗﻮﻝ ﺑﻲ ﺣﺎﺩﻩ ﺑﻜﺘﺐ ﻭﻛﺒﺪﻱ ﻳﺎﻫﺎ ﺩﻓﺎﺗﺮﻱ
/19
ﻗﻠﺒﻲ ﺍﻟﻠﻴﻠﺔ ﺍﻣﺴﻲ ﻣﻮﺿﺢ ﺍﻟﻤﺪﺳﻮﺳﻪ
ﻳﺎﺑﺴﺂ ﺟﻮﻓﻮ ﺍﻓﺮﻍ ﻣﻦ ﻓﺆﺍﺩ ﺍﻡ ﻣﻮﺳﻲ
ﺍﻟﺪﺭﻋﺎ ﺍﻟﻌﻠﻲ ﺣﺪﺏ ﺍﻟﻨﺪﻳﻮﺓ ﺣﺒﻮﺳﻪ
ﺧﻠﺘﻨﻲ ﺍﻟﺒﺘﺎﺧﺪ ﻋﻤﺮﻱ ﻛﻠﻬﺎ ﺍﺩﻭﺳﻪ
/20
ﺳﻘﻄﻴﺐ ﺍﻟﻤﻨﺎﺯﻝ ﻣﻘﻠﺘﻲ ﻣﻌﻜﺮﻫﺎ
ﺫﻛﺮﻧﻲ ﺍﻟﺴﻤﺢ ﺫﻭﻗﻬﺎ ﻭﺳﻴﺎﺳﻲ ﻓﻜﺮﻫﺎ
ﻣﻲ ﺷﻴﻨﺔ ﻃﺒﻴﻌﺔ ﻟﻔﻈﻬﺎ ﻣﻔﻘﺮﻫﺎ
ﻓﻴﻬﺎ ﺟﻤﺎﻝ ﺷﻌﺎﻋﻮ ﺣﻤﺎﻧﻲ ﻣﺎ ﺍﻭﺍﻗﺮﻫﺎ
/21
ﺍﻩ ﻳﺎ ﻭﺣﺖ ﺍﻟﻐﻠﺐ ﺗﺎﻧﻲ ﻋﺎﻭﺗﻴﻨﻰ
ﺳﺒﺒﺘﻠﻰ ﻃﺎﻋﻮﻥ ﺍﻟﺴﺮﻳﺐ ﻭﺍﺑﻨﻴﻨﻰ
ﺍﻟﺪﻋﺠﺔ ﺍﻟﻌﻠﻴﻚ ﻋﻄﺸﻰ ﺍﻟﺸﺪﻳﺪ ﻭﺣﻨﻴﻨﻰ
ﻭﺩﻋﻚ ﺳﻮﺟﻮ ﺍﺣﻤﺎ ﺍﻟﺪﻧﻴﺎ ﻣﺎﺗﺮﺍﺷﻴﻨﻲ
/22
ﺛﺎﺑﺘﻪ ﻭﺭﺍﺳﻴﻪ ﺑﺖ ﺧﻴﻞ ﺍﻟﻘﺴﻴﻢ ﺍﻟﻔﻠﻮﻩ
ﻓﻮﻗﻚ ﺳﺎﻣﻊ ﺍﻟﺼﻴﺢ ﺍﻟﺒﻌﻴﺪ ﺍﺏ ﻋﻠﻮﻩ
ﻓﺮﻗﻚ ﺣﺎﺭ ﻭﺷﻮﺗﺎﻟﻚ ﻫﺒﻊ ﻓﻲ ﺍﻟﻜﻠﻮﻩ
ﻛﺮﻳﻔﻚ ﺩﻭﺍﻱ ﻳﺎﻟﺒﺮﺗﻜﺎﻧﻪ ﺍﻟﺤﻠﻮﻩ
/23
ﺛﺎﺑﺘﻪ ﻭﺭﺍﺳﻴﻪ ﺍﺻﻼ ﺭﻳﺪﺍ ﻣﻮ ﻣﺨﻠﻴﻨﺎ
ﺳﻤﺤﻪ ﻭﻏﺎﻟﻴﻪ ﺳﻠﺒﺖ ﻋﺮﺿﻨﺎ ﺍﻟﻜﺎﺳﻴﻨﺎ
ﺣﺮﻗﺘﻲ ﺍﻟﻘﻠﺐ ﺑﺎﻻﺳﻠﺤﻪ ﺍﻟﻤﻮﺭﺗﻴﻨﺎ
ﻧﺘﻘﻮﺍ ﻭﻗﻨﺎﺑﻠﻚ ﻳﺮﺩﻋﻦ ﻋﺎﺻﻴﻨﺎ
/24
ﻋﻘﺐ ﺍﻟﺴﻤﺮﻩ ﻭﺍﺩﻻ ﺍﻟﻮﻋﻴﺮ ﻣﻦ ﺿﻮ
ﺭﺩﻑ ﺍﻟﺰﻭﻋﻪ ﻭﺍﺻﻌﺪ ﻫﺒﻮﺏ ﺍﻟﻬﻮ
ﺍﻧﺲ ﺍﻟﻐﻴﺮﺍ ﻣﺎﻟﻲ ﻓﻲ ﺍﻟﺸﺒﺎﺑﺖ ﻫﻮ
ﺧﻠﺖ ﺭﻳﻘﻲ ﻗﺮﻗﺪﻩ ﻭﻟﻬﺎﺗﻲ ﻛﺮﻭ
/25
ﺍﻟﻠﻴﻞ ﺣﻴﻠﻮ ﺭﻭﺡ ﻭﻧﺠﻤﻮ ﻣﻴﻞ ﻏﺮﺏ
ﺍﻧﺎ ﻓﻮﻕ ﺳﺎﻗﻲ ﻳﺎﻣﺘﻴﻦ ﻳﺎ ﻣﺰﻳﻞ ﺍﻟﻜﺮﺏ
ﺣﺴﺲ ﺍﻟﻤﺎﻫﻮ ﻣﺎﺳﻚ ﺍﻟﺘﻴﻪ ﻭﻓﺎﻙ ﺍﻟﺪﺭﺏ
ﺟﺎﺏ ﻟﻲ ﻋﻠﺔ ﺍﻟﻜﺒﺪ ﺍﻟﺒﺘﻀﺮﺏ ﺿﺮﺏ
/26
ﺍﻟﻠﻴﻞ ﺣﻴﻠﻮ ﺭﻭﺡ ﻭﺍﻟﻤﺆﺫﻥ ﺻﺎﺡ
ﻳﺎﻭﺩﻋﻴﻨﻲ ﻣﺎﺗﻨﻮﻡ ﺳﺎﻋﺘﻴﻦ ﺗﺮﺗﺎﺡ
ﻗﺒﺎﻝ ﻳﻠﻔﺨﻚ ﺭﻳﺢ ﺍﻟﺠﻨﻮﺏ ﻟﻔﺎﺡ
ﺗﺰﻛﺮ ﻟﻨﺎ ﺍﻟﺪﻋﺠﻪ ﺍﻟﺨﻠﻘﻪ ﺳﻤﺎﺡ
/27
ﻋﻠﻴﻚ ﺑﺎﻟﻠﻪ ﻳﺎﺭﻳﺢ ﺍﻟﺠﻨﻮﺏ ﺍﻟﺴﺎﺭﺡ
ﺑﻌﻴﻨﻚ ﺭﺋﻴﺖ ﺧﺪﺍﺩ ﻓﻼﻧﻪ ﺍﻟﺒﺎﺭﺡ
ﻏﺮﺍﻡ ﺍﻟﺒﻤﺸﻲ ﺧﺘﺨﻴﺖ ﻣﺎﺑﺴﺒﺢ ﻣﺎﺭﺡ
ﺍﻳﻪ ﺍﻟﻘﺺ ﻛﺒﺪﺗﻲ ﻭﻟﻠﻤﻌﺎﻟﻖ ﺟﺎﺭﺡ
/28
ﻋﻠﻴﻚ ﺑﺎﻟﻠﻪ ﻳﺎﺭﻳﺢ ﺍﻟﺼﺒﺎ ﺍﻟﻤﻦ ﺳﺎﻓﻞ
ﺑﻠﻎ ﺭﻳﺮﻩ ﻣﻦ ﺗﺤﻴﻪ ﺗﻤﺸﻲ ﻗﻮﺍﻓﻞ
ﻛﻠﻤﻲ ﺑﺄﺩﺏ ﺷﻮﻓﻲ ﺍﻟﺮﺋﺲ ﺍﻟﺤﺎﻓﻞ
ﻳﺒﻘﻲ ﻣﻄﺎﺭﻭ ﺣﺼﻞ ﻭﻻ ﻣﻜﺘﺒﻮ ﻗﺎﻓﻞ
ﻗﺎﻝ ﻓﻲ ﻣﺴﺪﺍﺭ ﺍﻡ ﺷﺪﻳﺪﺓ ﻭﻛﺎﻥ ﺭﺩﺍ ﻋﻠﻲ ﻣﺴﺪﺍﺭ
ﺍﻟﺸﺮﺍﺩ ﻟﻮﺩﺷﻮﺭﺍﻧﻲ
/29
ﻳﺴﻮﺝ ﻣﻦ ﻟﻴﻠﻮ ﻭﺩﻧﺎﻗﺔ ﺍﻟﺸﻤﺎﻝ ﻭﺍﺳﻠﺞ
ﻭﻋﺎﺭﻓﻮ ﺍﻟﻠﻴﻠﻪ ﺭﻓﺮﻑ ﻗﻠﺒﻨﺎ ﺍﻟﻜﺎﻥ ﺩﻟﺞ
ﺑﻌﻴﺪﺓ ﻟﺘﻴﺒﺔ ﺍﻟﺤﻘﻦ ﺍﻡ ﺛﻤﺎﺭﺍ ﻋﻠﺞ
ﻛﺎﻥ ﻣﺎﻧﺸﻮﻓﺎ ﻫﻤﺎ ﻓﻮﻗﻨﺎ ﻣﺎ ﺑﺘﺒﻠﺞ
ﻭﻗﺎﻝ ﻓﻲ ﻣﺠﺎﺩﻋﺘﻪ ﻣﻊ ﻭﺩﺷﻮﺭﺍﻧﻲ ﻓﻲ ﺍﺑﻮﺩﻟﻴﻖ
…
/30
ﻭﺩﺷﻮﺭﺍﻧﻲ ﻋﻴﻨﻲ ﺍﻟﺴﻬﺮ ﻗﺒﺤﻬﺎ
ﻟﺴﻨﺎﺕ ﺍﻟﺸﻤﺖ ﻓﻲ ﻳﺎﻧﺪﻳﻢ ﻣﺘﻌﻬﺎ
ﻋﻠﻲ ﻋﺎﻧﺲ ﻣﺘﻮ ﺍﻻﺑﺎ ﻳﺘﻼ ﻣﻨﻲ ﻭﺟﻌﻬﺎ
ﺳﻮﻟﺖ ﻭﺍﻧﻜﻠﺐ ﺟﻤﻠﻲ ﺍﺏ ﺟﺮﻳﺪﺓ ﺍﻧﺪﺣﻬﺎ
ﻭﻗﺎﻝ ﻋﻨﺪﻣﺎ ﺭﺍﻱ ﻋﺮﻭﺱ ﻟﻬﺎ ﺍﻳﺎﻡ ﻣﻦ ﺯﻭﺍﺟﻬﺎ
….
/31
ﻗﺪﺭ ﻣﺎﻛﻨﺖ ﺷﺎﻳﻒ ﻭﻟﻠﺠﻤﺎﻝ ﻭﺻﺎﻑ
ﺣﻴﺮﻧﻲ ﺍﻟﻤﺪﻟﻞ ﻭﻻﺑﺲ ﺍﻟﺸﻔﺎﻑ
ﺭﻭﺍﻳﺢ ﺍﻟﻬﻨﺪ ﻭﺍﻟﺤﻨﻪ ﺍﻡ ﺭﺳﻢ ﻭﺍﻟﺸﺎﻑ
ﺯﺍﺩﻟﻲ ﺍﻟﻮﺣﻴﺢ ﻭﺍﻟﻜﺒﺪﺓ ﺟﺎﻫﺎ ﻧﺸﺎﻑ
/32
ﺍﻟﺪﺭﻋﻪ ﺍﻟﻌﻘﻴﺪﻩ ﻋﻠﻲ ﺍﻟﻨﺪﻳﺐ ﺳﻔﻠﻬﺎ
ﺧﻠﺘﻨﻲ ﺍﻟﺼﻼﻩ ﺍﻟﻔﺮﺿﻴﻪ ﺑﺘﻐﻔﻠﻬﺎ
ﺭﻭﺣﻲ ﺍﻡ ﺩﺭﻋﻪ ﺍﻳﺎﻫﺎ ﺍﻟﺒﺘﺒﻘﻲ ﺍﺟﻠﻬﺎ
ﻗﺎﺝ ﻟﻴﻬﺎ ﻭﻋﻠﻲ ﻗﺎﻃﻊ ﺍﻟﻨﺼﻴﺐ ﺟﻔﻠﻬﺎ
/33
ﺳﺎﺳﺎﻕ ﺗﺎﺟﻪ ﻟﻤﻜﺘﺐ ﺟﻨﺎﺏ ﺍﻟﻌﺎﻡ
ﺧﻼ ﺍﻟﻌﻴﻦ ﻣﺴﺎﻫﺮﻩ ﻭﺗﺒﻜﻲ ﻃﻮﻝ ﺍﻟﻌﺎﻡ
ﺍﻟﺨﻼﻧﻲ ﻧﺎﻳﻢ ﺻﺎﺣﻲ ﻗﺎﻋﺪ ﻫﺎﻡ
ﻣﻦ ﺍﻟﻔﻮﻗﻪ ﻣﺠﺮﻭﺭﻩ ﺍﻟﺴﻤﺎﺣﻪ ﻭﺳﺎﻡ
/34
ﺍﻟﺪﺭ ﺍﻟﻨﻔﻴﺲ ﺍﻟﺒﻘﻠﻌﻪ ﺍﻟﻐﻮﺍﺳﻪ
ﻛﺎﻥ ﺗﻄﺮﺍﻫﻮ ﻟﻲ ﺳﺘﻴﻦ ﺍﻟﻒ ﻷﺑﺎﺳﻪ
ﺣﺎﺟﺒﻚ ﻧﻮﻥ ﻭﺧﺮﻃﻚ ﻓﻲ ﺍﻟﻘﻴﺎﻓﻪ ﻣﻮﺍﺳﻪ
ﺍﻫﻞ ﺍﻟﻘﺪﻭﻩ ﻓﻮﻗﻚ ﺧﻠﻮﺗﻪ ﻭﺩﺭﺍﺳﻪ
/35
ﺍﺩﻫﻮﺭ ﺑﻌﺪ ﺣﺴﺒﻮﻧﻲ ﻓﻲ ﺍﻟﺸﻴﺎﺏ
ﺑﻌﻌﺪﻙ ﻧﻌﻠﻦ ﺍﻟﺘﻮﺑﻪ ﻭﻧﻘﻔﻞ ﺍﻟﺒﺎﺏ
ﺍﻧﺖ ﺭﺋﺲ ﻣﻬﺬﺏ ﻭﺗﺤﺘﻚ ﺍﻟﻨﻮﺍﺏ
ﺑﻌﺪﻙ ﻧﻌﻠﻦ ﺍﻟﺘﻮﺑﻪ ﻭﻧﻘﻐﻞ ﺍﻟﺒﺎﺏ
/36
ﺍﺷﻚ ﻓﻲ ﺭﺳﻮﻡ ﻭﺧﺶ ﻓﻲ ﻣﻜﺘﺐ ﺍﻟﺒﺮﻳﻄﺎﻧﻲ
ﺍﻗﻮﻡ ﻣﻈﻠﻮﻡ ﺗﺨﺞ ﺍﻟﻌﺒﺮﻩ ﺑﻮﺭﺩﺍﻧﻲ
ﻋﺎﺩﻧﻲ ﺍﻟﻮﺣﺎﻳﺢ ﻳﺎ ﺇﻻﻫﻲ ﺗﺮﺍﻧﻲ
ﺍﺷﻮﻑ ﺍﻡ ﺭﻳﺪﻩ ﺗﺒﺮﺩ ﻋﻘﺮﺑﻪ ﺍﻟﻼﺳﻌﺎﻧﻲ
/37
ﺇﺳﻬﺎﻣﻚ ﺩﻗﺎﻕ ﻣﺎﻛﻲ ﺍﻟﻐﻠﻴﺪﺓ ﺍﻟﻔﺤﻟﺔ
ﻭﺷﻌﺎﻋﻚ ﺻﺎﻓﻲ ﻛﺎﻟﻘﻤﺮ ﺍﻟﻤﻨﺎﺯﻝ ﺯﺣﻠﺔ
ﻋﻠﻴﻚ ﻃﻮﻝ ﻧﻮﻳﺤﻲ ﻭﺻﺤﺘﻲ ﺍﻟﻤﻨﺤﻠﺔ
ﺳﺎﻟﺒﺎﻧﻲ ﻭﺑﺮﺍﻙ ﻟﻲ ﺍﻷﻧﺲ ﻣﺎ ﺑﻴﺤﻠﻲ
/38
ﺍﺳﻬﺎﻣﻚ ﺩﻗﺎﻕ ﻳﺎ ﺳﻤﺤﺔ ﺍﻟﺨﺪﺍﺩ
ﻭﺳﺎﻟﺒﺎﻧﻲ ﻭﻋﻠﻲ ﻣﺮﺿﺎ ﻣﻄﻮﻝ ﻋﺎﺩ
ﺍﻟﺒﺘﻘﻤﺤﻲ ﺍﻟﺒﻲ ﺷﺮﻭﻛﻮ ﻭﺍﻟﻘﺼﺎﺩ
ﺗﺎﺗﻲ ﺍﻟﻤﺸﻴﺔ ﺗﻠﻲ ﺍﻟﻔﻮﻕ ﺧﻮﺍﺻﺮﻙ ﻫﺎﺩ
/39
ﺟﺰﻳﻌﻲ ﻭﻋﺪﻡ ﺻﺒﺮﻱ ﻭﺯﻻﺯﻟﻲ ﻭﺧﻮﻓﻲ
ﻣﻦ ﺳﺮﺍﺟﺔ ﺍﻟﺪﻋﺠﺎ ﺍﻟﻮﺿﻴﺒﺎ ﻣﻔﻮﻓﻲ
ﺍﻟﺨﻼﻧﻲ ﻣﻦ ﺍﻟﻐﻴﺮﺍ ﺃﻛﺘﺮ ﻋﻮﻓﻲ
ﺭﻳﺪﺍ ﻭﻋﺸﻘﻬﺎ ﺍﻟﺒﻨﺎ ﻓﻲ ﻣﺪﺍﻳﻦ ﺟﻮﻓﻱ
/40
ﺗﻜﻴﻚ ﺭﺯﻣﻲ ﺍﻟﺒﺮﻭﻕ ﺍﻟﺒﺎﺭﺡ ﺃﺳﻘﻰ ﺍﻟﻤُﺤﻞ
ﺯﻛﺮﻧﻰ ﺍﻟﺒﺪﻣﺮﻥ ﺻﻴﺪ ﻭﻳﻤﺸﻦ ﻭُﺣﻞ
ﺍﻟﺒﺪﻭ ﻭﺍﻟﺒﻨﺎﺩﺭ ﻭﺍﻷﺷﺎﻭﺍ ﺍﻟﺮُﺣﻞ
ﻣﺎ ﺑﻠﺪﻥ ﺟﻤﺎﻟﻚ ﻳﺎ ﺃﻡ ﻋﻴﻮﻧﺎً ﻛُﺤﻞ
/41
ﺟﻤﺎﻟﻚ ﻳﻔﻮﻕ ﺑﻨﺎﺕ ﺍﻟﺒﺎﺩﻳﻪ ﻏﺮﺑﻦ ﻭﺷﺮﻗﻦ
ﺑﺴﻤﺎﺗﻚ ﻋﻠﻲ ﻧﺎﺭ ﺍﻟﺠﺤﻴﻤﻪ ﺑﺤﺮﻗﻦ
ﻃﺒﺎﻳﻌﻚ ﻣﻦ ﻣﻼﻭﺍﺕ ﺍﻟﻘﺒﻴﺢ ﺑﻨﺪﺭﻗﻦ
ﻓﻤﻚ ﻣﺰﺭﺓ ﺍﻟﺮﺩﻣﻲ ﺍﺏ ﺻﺒﻴﺒﺎً ﺯﺭﻗﻦ
/42
ﺍﻟﻠﻴﻠﻪ ﺍﻟﺒﻌﻴﺪﻩ ﺟﻨﺎﻧﻲ ﻣﺘﺰﻛﺮﻫﺎ
ﺍﺧﻴﺮ ﻧﻤﻀﻖ ﺻﺒﺮﻧﺎ ﻭﻧﻔﺴﻨﺎ ﻧﻬﻜﺮﻫﺎ
ﺍﻟﺪﺭﻋﻪ ﺍﻟﻠﺴﺎﻧﻲ ﻣﺎﺩﺑﻮ ﻳﺸﻜﺮﻫﺎ
ﺍﻣﺴﻲ ﻳﻨﻘﻂ ﺍﻟﺪﻡ ﻣﻦ ﺿﻤﻴﺮﻱ ﺍﻋﻘﺮﻫﺎ
/43
ﻧﺴﺎﻡ ﺳﻌﺪ ﺯﺍﺑﺢ ﺣﺎﻟﺘﻲ ﻣﻜﺪﺭﻫﺎ
ﺻﻘﺖ ﺍﻟﺘﺎﺑﻪ ﺍﺑﺎ ﻧﻴﺮﺍﻧﻲ ﻣﺎﻳﻔﺪﺭﻫﺎ
ﻛﺎﻥ ﻣﺎ ﺷﻴﺦ ﻃﺮﻳﻘﺘﻲ ﺍﻧﺎ ﻣﺤﻨﺘﻲ ﻳﺴﺎﺩﺭﻫﺎ
ﺧﺎﻳﻒ ﻣﻦ ﻣﻬﺎﻟﻚ ﺿﻤﺘﻲ ﺗﻮﺩﺭﻫﺎ
/44
ﺗﺎﺗﺎﻱ ﺍﻟﻌﺼﺮ ﻋﻨﺪ ﺍﻟﺒﻴﻠﻤﻊ ﺗﺎﺟﻮ
ﺟﺎﺏ ﻟﻘﻠﺒﻲ ﻭﺳﻮﺍﺳﺎ ﻏﻠﺒﻨﻲ ﻋﻼﺟﻮ
ﻗﺪﻣﻮ ﺍﻟﺮﺍﺳﻲ ﻣﺎﺷﺎﻝ ﺍﻟﻐﺒﺎﺭ ﻭﻋﺠﺎﺟﻮ
ﺍﻟﻠﻪ ﻳﺴﻠﻢ ﺍﻟﺤﻲ ﻣﻦ ﻟﻬﻴﺐ ﺳﺮﺍﺟﻮ
/45
ﺍﻣﺴﻴﺖ ﺍﻟﻠﻴﻠﻪ ﻓﻲ ﺑﺤﺮ ﺍﻟﻐﺮﺍﻡ ﻣﺘﻐﺮﻕ
ﻣﺮﻩ ﺍﻋﻮﻣﻮ ﻏﺮﺑﻲ ﻭﻣﺮﻩ ﺍﺩﻓﻮ ﻣﺸﺮﻕ
ﻛﺮﻳﻒ ﻣﺴﻜﺔ ﺍﻟﻤﺤﺎﺭﻭ ﻓﻮﻗﻮ ﻣﻜﺮﻕ
ﺟﺒﺮﻧﻲ ﻋﻠﻲ ﺷﺪﺍﻳﺪﻥ ﻣﻨﻬﻦ ﻣﺪﺭﻕ
/46
ﺍﻟﺮﻗﺸﻲ ﺍﻟﺒﺤﻮﻡ ﻭﺍﻟﻌﺎﻟﻢ ﺍﻟﻤﻤﺎﺟﻪ
ﻻ ﺑﻔﺸﻮﻟﻲ ﻋﻠﻪ ﻭﻻ ﺍﺳﺘﻔﺪ ﺑﺤﺎﺟﻪ
ﺻﻨﻴﻒ ﺣﺎﻛﻢ ﺍﻟﺪﻭﻟﻪ ﺍﻟﺒﻴﻠﻤﻊ ﺗﺎﺟﻪ
ﻣﺎﺧﻠﺘﻠﻲ ﺭﻭﺣﺎ ﺗﻨﺴﻌﻲ ﻭﺗﺘﻌﺎﺟﻪ
/47
ﺩﺭﺩﺭﻧﻲ ﺍﻟﻐﺮﺍﻡ ﻳﺎﻭﺩﺩﺭﺍﺭ ﻏﻴﺮ ﺟﻴﻬﺎ
ﻋﻠﻖ ﺭﻭﺣﻲ ﻓﻲ ﺍﻟﻈﺒﻴﻪ ﻭﺩﻻﻟﻪ ﻭﺗﻴﻬﺎ
ﺍﻗﻮﻝ ﺩﻱ ﻣﺼﻴﺒﺔ ﺍﻟﻌﺸﻖ ﺍﻟﻤﺤﺎﻝ ﻣﺎﻟﻘﻴﻬﺎ
ﻭﻻ ﺍﺩﻭﺩﺭ ﺍﻟﺮﻳﻠﻪ ﺍﻟﻀﺮﺑﻬﺎ ﺧﺘﻴﻬﺎ
/48
ﺍﻟﺪﻛﺘﻮﺭ ﺳﺤﺐ ﺩﻣﻲ ﻭﻗﻒ ﻣﺤﺘﺎﺭ
ﻓﻲ ﺍﻻﻭﺭﻧﻴﻚ ﻛﺘﺐ ﺟﺮﻋﻪ ﻭﺗﻤﺎﻧﻴﻪ ﺇﺑﺎﺭ
ﻳﻘﻴﻒ ﺟﺪ ﺍﻟﻤﺮﺍﻏﻨﻪ ﻭﻳﺴﺘﺮ ﻟﺴﺘﺎﺭ
ﻧﺤﻦ ﻭﺳﺎﺗﻲ ﻗﻨﺒﻨﺎ ﺍﻟﺸﺤﻢ ﻭﺍﻟﻨﺎﺭ
/49
ﺯﻳﻨﺐ ﺟﺎﺕ ﻋﻠﻴﻨﺎ ﻭﻫﺠﺠﺖ ﻋﻨﺒﺮﻧﺎ
ﺑﺪﻭﺭ ﺗﻌﺪﻡ ﺍﻟﻨﺎﺱ ﺍﻟﺒﻮﺩﻭ ﺧﺒﺮﻧﺎ
ﺳﺤﺒﺘﻮ ﺍﻟﻌﺼﺮ ﺳﻴﻒ ﺣﺒﻬﺎ ﺍﻟﻜﺒﺮﻧﺎ
ﻳﻠﻄﻒ ﺭﺑﻲ ﻧﺤﻦ ﻣﺸﻴﻨﺎ ﻓﻮﻕ ﺷﻤﺒﺮﻧﺎ
/50
ﺑﻌﺪ ﻣﺎﺗﺒﺖ ﻭﺭﺍﺣﺖ ﻣﻨﻲ ﻧﺎﺭﻥ ﻛﺎﺑﺮﻩ
ﺯﻳﻨﺐ ﻛﺴﺮﺓ ﻋﻘﻠﻲ ﻭﺻﻤﺎﻣﺘﻲ ﺍﻟﺠﺎﺑﺮﻩ
ﺣﻜﺎﻳﺘﻲ ﻋﺠﻴﺒﻪ ﺑﺎﻟﺤﻴﻞ ﻳﺎﻟﺴﺒﻴﻜﻪ ﻭﺗﺎﺑﺮﻩ
ﺍﻛﺘﻞ ﻓﻲ ﺣﺠﺎﺯﻩ ﻭﺩﺍﺭ ﺍﺑﻮﻱ ﻣﻲ ﺧﺎﺑﺮﻩ
/51
ﺍﻟﺪﺭﻋﻪ ﺍﻟﻌﻘﻴﺪﻙ ﻟﻠﻘﻔﺮ ﺩﺷﺎﺵ
ﺍﻟﺼﻴﻒ ﻣﻊ ﺍﻟﺠﺰﻭ ﻭﺷﻮﻗﺮ ﻣﻊ ﺍﻟﻤﺮﺷﺎﺵ
ﺃﻣﻚ ﺗﺮﻫﺐ ﺍﻭﻻﺩ ﺭﻳﺸﻪ ﻣﺎﻫﻮ ﻗﻮﺍﺵ
ﻛﻢ ﻓﻮﻗﻬﻢ ﻗﻤﺎﺭﻫﺎ ﻣﺠﺪﻋﺎﻫﻮ ﺍﺭﺑﺎﺵ
/52
ﺁﻩ ﻳﺎ ﻧﻔﺴﻲ ﺍﻟﺪﻟﻴﻠﻚ ﺣﺎﺭﺑﻚ
ﺃﺑﺎ ﺷﻮﻡ ﺣﻈﻰ ﻳﺎ ﺟﺮﻳﻌﺖ ﺍﻟﺒﻨﻮﻧﻰ ﺍﻗﺎﺭﺑﻚ
ﺗﺘﻠﺘﻠﻰ ﻓﻲ ﺍﻟﻮﺿﻴﺐ ﻳﻤﻨﺎ ﻭﺷﻤﺎﻝ ﻳﻨﺪﺍﺭﺑﻚ
ﺷﺎﻋﺄ ﻓﻲ ﺟﺮﻭﺣﻚ ﻭﻟﺪﻗﻨﻰ ﻋﻘﺎﺭﺑﻚ
/53
ﺩﻋﺎﺵ ﻧﻴﻼ ﺑﺠﻴﺒﻨﻮﺍ ﺍﻟﺴﻮﺍﺭﻱ ﻫﺒﻴﺐ
ﺗﺮﺍﻩ ﻓﻲ ﻧﻔﻴﺲ ﺟﺪﻱ ﺍﻟﻨﻘﻌﺔ ﺍﻟﻌﺸﻮﻗﻬﺎ ﻣﻐﻴﺐ
ﻳﺎﻣﻦ ﺟﺎﻫﻮ ﻟﻲ ﻛﻞ ﺍﻟﻤﺤﻴﺮ ﺻﻴﺐ
ﺍﺫﺗﻨﻲ ﺍﻟﻄﺮﻳﻔﻴﺔ ﺍﻡ ﺻﺒﺎﺣﺎ ﻃﻴﺐ
/54
ﺯﻣﺒﺎﺭﺓ ﺍﻟﻮﻟﻴﺪ ﺯﺍﺩﺗﻨﻲ ﻓﻲ ﺍﻟﻐﺒﻴﻦ
ﻃﺮﻳﺖ ﺟﻬﻠﻰ ﻭﺯﻣﺎﻥ ﻣﺴﻴﻨﻠﻲ ﻗﺮﻳﻦ
ﻃﺮﻳﺖ ﺍﻬﻠﻲ ﻭﻃﺮﻳﺖ ﺟﻤﻠﻲ ﻭ ﺷﻴﻮﻡ ﺃﻡ ﺯﻳﻦ
ﻛﺒﺲ ﺭﺍﺳﻲ ﻭﻟﻘﻴﺖ ﻋﺎﻣﺘﻨﻲ ﺷﻴﺒًﺎً ﺷﻴﻦ
/55
ﺍﻟﺒﻄﺎﻧﻪ
ﺣﻠﻴﻠﻚ ﻳﺎ ﺍﻡ ﻫﺒﺞ ﻭﻛﺘﻴﻦ ﻧﺪﺍﻙ ﻭﺯﻳﻘﻮ
ﺭﺍﺱ ﺍﻟﺪﻳﺶ ﻧﺰﻝ ﻛﺒﺪ ﺍﻻﺑﺎﻟﻲ ﻓﺮﻳﻘﻮ
ﻣﻜﻨﻚ ﻓﻲ ﺍﻟﺨﺮﺍﺏ ﺩﻳﺶ ﺣﻠﻔﺎ ﺍﻟﻠﻪ ﻳﻌﻴﻘﻮ
ﺳﻮﻭﻟﻚ ﻓﻌﺎﻻ ﻧﻔﺴﻲ ﻣﺎﺑﺘﻄﻴﻘﻮ
/56
ﻧﺴﻴﺘﻲ ﺍﺑﻬﻠﺒﺔ ﻳﺎ ﺍﻡ ﻫﺒﺞ ﻭﻧﺴﻴﺘﻲ ﺍﻟﻬﺪ
ﻧﺴﻴﺘﻲ ﻣﺤﻤﺪ ﺍﻟﺨﺎﺽ ﺍﻟﺼﻔﻮﻑ ﺑﻲ ﺃﺑﻘﺪ
ﻣﺎﺷﻔﺘﻲ ﺃﺏ ﺭﺟﻞ ﻳﻮﻡ ﺍﻟﺤﺼﺎﻥ ﺇﻧﺸﺪ
ﻋﺎﻣﻞ ﻓﻴﻚ ﻧﻮﺍﺩﺭﻥ ﺭﺍﺳﻬﺎ ﻣﺎﺑﺘﻨﻌﺪ
/57
ﻣﺎﺷﻔﺘﻲ ﺍﻟﻤﺮﺽ ﻳﻮﻡ ﻭﻗﻌﺔ ﺍﻟﺸﻜﺎﺑﺔ
ﻓﻴﻚ ﻣﺪﺭﺕ ﺍﻟﺼﻨﻜﻊ ﺧﻼ ﻭﻋﺰﺍﺑﻪ
ﺍﻟﻠﻴﻠﺔ ﺍﻻﺳﻮﺩ ﺇﻥ ﻫﻨﻬﻨﺖ ﻓﻲ ﺍﻟﻐﺎﺑﺔ
ﺑﺘﻘﻴﻒ ﺍﻟﺠﺒﺎﺭﺓ ﺍﻟﻤﻦ ﻗﺪﻳﻢ ﻫﺎﺯﺍﺑﻪ
/58
ﻧﻴﻠﻚ ﻳﺎ ﺍﻡ ﻫﺒﺞ ﻋﻤﺎ ﺍﻟﻨﺪﻳﻮ ﻭﺷﺮﻳﻂ
ﺣﺪﻣﺖ ﻓﻮﻗﻚ ﺍﻟﺼﺮﻓﻪ ﺍﻟﺴﺤﺎﺑﻪ ﻣﺒﻴﺖ
ﻋﺴﺎﻙ ﺿﻬﺮﻯ ﻭﺗﻜﺎﺟﺮ ﺳﻤﺎﻙ ﻣﺘﺨﻴﺖ
ﺣﻤﻴﻀﻚ ﻧﻔﺮ ﻋﺮﻗﻮ ﺍﻟﺪﻋﺎﺷﻮ ﻣﻈﻴﺖ
/59
ﺩﻋﺎﺵ ﻧﻴﻼ ﺑﺠﻴﺒﻨﻮ ﺍﻟﺘﻌﻮﻝ ﺍﻟﺰﺭﻕ
ﺗﺮﺍ ﻓﻲ ﺑﺮﻃﻢ ﺍﻟﺪﺭﻋﺔ ﺍﻟﻤﻜﺎﺩﺓ ﺍﻟﺤﺮﻕ
ﻳﺎ ﺷﻴﺨﻨﺎ ﺍﻟﺒﺠﻮﻙ ﻣﻨﻚ ﻳﺸﻴﻠﻮ ﺍﻟﻄﺮﻕ
ﺍﻳﺎﻡ ﺣﻈﻲ ﻣﺎ ﻳﺒﻘﻨﻠﻲ ﺷﻮﻣﺎ ﺑﺮﻕ
/60
ﻗﺒﻴﻞ ﻗﺖ ﻟﻴﻜﻲ ﻳﺎ ﻋﻴﻦ ﻓﻲ ﺍﻟﻌﺠﺐ ﻻ ﺗﺎﻫﺮﻱ
ﻭﺩﺍ ﻋﻮﺟﺎ ﻛﺘﻴﺮ ﺍﺗﻘﻠﺒﻴﺒﻮ ﻭﺳﺎﻫﺮﻱ
ﺍﻟﻤﻦ ﺟﻴﻬﺘﻮ ﺍﺑﻴﺖ ﺍﺳﻤﻊ ﻛﻼﻣﺎﺕ ﻧﺎﻫﺮﻱ
ﻳﻜﺘﻢ ﺭﻳﺪﻭ ﺑﺎﻃﻨﻲ ﻳﻮﺿﺤﻨﻮ ﻇﻮﺍﻫﺮﻱ
/61
ﺍﻟﻌَﺠَﻤِﻴﻪ ﻣِﻦْ ﺑَﺤﺮَ ﺍﻟﻤُﺤِﻴﻂ ﺇِﻧْﺠَﺮَّﺕْ
ﻭَﺩﻭﺭَﻳﻦْ ﺍﻟﺴِﻴﻮﻝْ ﻣَﺎﻧْﻌَﻪ ﺍﻟﻨِﻌَﻢْ ﻣَﺎ ﻓَﺮَّﺕْ
ﺑُﻄﺎﻧﺔَ ﺃَﺏْ ﺳِﻦْ ﻃَﻮَﺕْ ﺗَﻮﺏْ ﺍﻟﺤُﺰُﻥْ ﻭﺍﻧﺴَﺮَّﺕْ
ﻭﺍﻟﺒِﻞْ ﺣَﺎﺷَﻦْ ﺍﻟﻜِﺘﺮَﻩ ﻭﻋﺠﻮﻓِﻦْ ﺩَﺭَّﺕْ
/62
ﺍﻟﻀَﺤَﻮﻱ ﺍﻟﺮَﺯَﻡْ ﺟَﺎﺏْ ﺍﻟﺪَﻟَﻴﺞْ ﻣِﻦ ﻏَﺎﺩِﻱ
ﻓَﺎﻳﻀﺎً ﻋَﺰﻕَ ﺍﻟﻌُﻘﺪَﻩ ﻭﻣﻄﻴﻤﺮَ ﺍﻟﻬَﺎﺩِﻱ
ﺃَﺳﻘﻲ ﺍﻟﺒَﺤَﺮﻱ ﻣِﻦ ﻟَﻴﻠﻮ ﻭﺑَﻨَﺎﺕ ﺍﻟﻮَﺍﺩِﻱ
ﻳﻤﺸﻲ ﻛﺴِﻴﺪَﻩ ﻻ ﻋِﻨﺪَ ﺍﻟﻌُﻠُﻮ ﺍﻟﻤِﺴَﺎﺩِﻱ
اضف تعليقا