من روائع أدب البطانة:
…
روي أن الشاعر الكبير أحمد عوض الكريم أبو سن قام بزيارة لصديقه الشاعر الفحل عبدالله حمد ود شوراني بقرية الأخير (أم شديدة)..فكان أن جرت بينهما هذه المساجلة الرائعة التي إستهلها شيخ العرب:
أحمد:
جيت عد أم شديدة عدمت ود شوراني
صادفني أب علوة راح بي المنزل الوراني
جاتني الزوقا لي الزمن العقب طراني
بي حشمة وحداقة ومنطقا سراني
ود شوراني:
في أوكات جيتك القت خلي ما أرجاني
مرغم قم من اللي زولو باعد وداني
قلبي ينوح ودمي يسوح ونومي جفاني
فقت جميل وقيس ومحلق الحمراني
أحمد:
ود شوراني شورة كان قبيل هاماني
تغني لي فوق الصدرهن رماني
مكلوف القدير في ساتعو خانو أماني
لكن الكبر لعب العسالي أحماني
ود شوراني:
إت يا الشيخ الغناك الكلو حكمة معاني
تشكر فيهو فوق العقلهن رباني
ديرة القافيتن قايل عليها لساني
كم وكم ليها سيد جملا مقلد عاني
أحمد:
أم عقلا معاها طبيعي مو منقول
روحها خفيفة لونا التبري في شنقول
فوق نايرات خدودها ولفظها المعقول
ود شوراني تستاهل عليها تقول
ود شوراني:
قلعات الوحيش القاد سلولن مارق
شبت فوق قنوب شافت بريقا بارق
مختصرة وعفيفة وناس لقاها جرارق
وين ما يبين جمال تأمرلو يرجع عارف
اضف تعليقا